កូរ៉េខាងត្បូងផ្តល់ជំនួយ ៧លានដុល្លារ សម្រាប់គម្រោងបណ្តុះបណ្តាលធុរកិច្ចនៅកម្ពុជា

ពីធីចុះហត្តលេខាបានធ្វើឡើងនៅក្រសួងអប់រំ យុវជន និងកីឡារវាង លោកស្រី Baek Sook Hee អនុប្រធានទីភ្នាក់ងារសហប្រតិបត្តិការអន្តរជាតិកូរ៉េ (KOICA) និង លោកបណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា។ ការចាប់ផ្តើមដំណើរការគម្រោងនេះ ធ្វើឡើងកំលុងពេលទស្សនកិច្ចរបស់លោកស្រីមកកាន់ប្រទេសកម្ពុជាស្របនឹងដំណើរទេស្សនកិច្ចផ្លូវរដ្ឋរបស់លោក Moon Jae-in ប្រធានាធិបតីសាធារណរដ្ឋកូរ៉េ ចាប់ពីថ្ងៃទី១៤ ដល់១៦ ខែមីនា ឆ្នាំ២០១៩។

គម្រោងនេះត្រូវបានបង្កើតឡើង ដើម្បីបង្កើតការចាប់ផ្តើមប្រព័ន្ធអេកូ និងបណ្តាញទីផ្សារនៅកម្ពុជា តាមរយៈការបង្កើតប្រព័ន្ធមួយដើម្បីជំរុញការបង្កើតក្រុមហ៊ុនថ្មីៗ នៅតាមបណ្តាសាកលវិទ្យាល័យនានាដែលឈានមុខគេនៅកម្ពុជា។

ទីភ្នាក់ងារ KOIKA នឹងសាងសង់មជ្ឈមណ្ឌលបណ្តុះធុរកិច្ចថ្មីកម្ពុជា-កូរ៉េ(CKIC) និង គាំទ្រការកសាងសមត្ថភាពសម្រាប់ប្រតិបត្តិការមជ្ឈមណ្ឌល ពង្រឹងការប្រកួតប្រជែងចាប់ផ្តើមធុរកិច្ចថ្មី និង ផ្សព្វផ្សាយការគាំទ្រកម្មវិធីការចាប់ផ្តើមធុរកិច្ចនៅសាកលវិទ្យាល័យភូមិន្ទភ្នំពេញ (RUPP) និងវិទ្យាស្ថានបច្ចេកវិទ្យាកម្ពុជា (ITC) ជាមួយថវិការសរុបប្រមាណជា ៧លានដុល្លាសហរដ្ឋអាមេរិកសម្រាប់រយៈពេល ៥ឆ្នាំ ដោយចាប់ពីឆ្នាំ២០១៩ រហូតដល់ឆ្នាំ២០២៣។

ក្នុងពិធីចុះហត្តលេខា លោកស្រី Baek Sook Hee បានលើកឡើងថា កម្ពុជាបានបន្តរក្សាកំណើនសេដ្ឋកិច្ចជាមធ្យម ៧ភាគរយ ហើយកំពុងតែបន្តគោលនយោបាយ ដើម្បីធ្វើឲ្យមានភាពសម្បូបែបរចនាសម្ព័ន្ធកំលាំងពលកម្មការងារឧស្សហកម្ម។ លោកស្រីបានបញ្ជាក់ថា គម្រោងនេះនឹងចូលរួមចំណែកក្នុងការផ្សារភ្ជាប់គម្លាតរវាងសមត្ថភាពសិក្សានិងតម្រូវការទីផ្សារដើម្បីលើកកម្ពស់ឧស្សាហូបនីយកម្មប្រកបដោយនិរន្តរភាពនៅកម្ពុជា។

ម្យ៉ាងទៀតភាពសំខាន់ចម្បងរបស់គម្រោងនេះ វានឹងបង្កើតជាការងារដែលមានគុណភាពខ្ពស់ជាច្រើន នឹងជំរុញឲ្យមានអ្នកប្រកបមុខរបរលក្ខណៈជាវិជ្ជាជីវៈលើផ្នែកឧស្សាហកម្មកាន់តែច្រើន ខណៈដែលទីភ្នាក់ងារកយការមានគម្រោងដាក់មូលដ្ឋានគ្រឹះ សម្រាប់ពង្រីកឧស្សាហកម្មក្នុងប្រទេសកំពុងអភិវឌ្ឍន៍ ដើម្បីពង្រឹងការប្រកួតប្រជែងថ្នាក់ជាតិ ពីចក្ខុវិស័យរយៈពេលវែង។

លើសពីនេះទៀត គម្រោងនេះនឹងបង្កើតការងារ ដែលមានគុណភាពខ្ពស់ និងលើកកម្ពស់ជំនាញវិជ្ជាជីវៈក្នុងវិស័យឧស្សាហកម្ម ខណៈ KOICA គម្រោងនេះក៏នឹងរួមចំណែកក្នុងការផ្សារភ្ជាប់គម្លាតរវាងសមត្ថភាពសិក្សា និងតម្រូវការទីផ្សារដើម្បីលើកកម្ពស់ឧស្សាហូបនីយកម្មប្រកបដោយនិរន្តរភាពនៅកម្ពុជា៕

（ប្រភពព័ត៌មាន: FRESH NEWS）