ក្រុមហ៊ុនស៊ុយអែត ពង្រឹងកិច្ចសហប្រតិបត្តិការ ដើម្បីវៀតណាមទៅជាមជ្ឈមណ្ឌលនៃប្រព័ន្ធអេកូឡូស៊ីវាយនភណ្ឌ កាត់ដេរសកល

ក្នុងជំនួបនេះ លោក Pham Minh Chinh នាយករដ្ឋមន្ត្រីវៀតណាម បានស្នើឲ្យសម្ព័ន្ធក្រុមហ៊ុន SYRE វិនិយោគនិងអភិវឌ្ឍវិស័យវាយនភណ្ឌ កាត់ដេរ ក្នុងទិសដៅបៃតង និងនិរន្តរភាពនៅវៀតណាម។ សម្ព័ន្ធក្រុមហ៊ុន SYRE គួរតែប្រើប្រាស់ថាមពលអគ្គិសនីស្អាត និងវត្ថុធាតុដើមស្អាត ហើយកាត់បន្ថយការបំភាយឧស្ម័នទៅក្នុងបរិស្ថាន ជាពិសេសប្រើប្រាស់សំណល់អេតចាយពីវាយនភណ្ឌ កាត់ដេរ របស់វៀតណាម ដើម្បីផលិត។

លោក Pham Minh Chinh នាយករដ្ឋមន្ត្រីវៀតណាម ទទួលជួបលោកស្រី Susanna Campbell ប្រធានសម្ព័ន្ធក្រុមហ៊ុន SYRE

លោកស្រី​ប្រធានសម្ព័ន្ធក្រុមហ៊ុន SYRE ឲ្យដឹងថា នាពេលថ្មីៗនេះ សម្ព័ន្ធក្រុមហ៊ុនកំពុងជំរុញការវិនិយោគនៅក្នុងទីផ្សារបរទេស ក្នុងនោះផ្តល់អាទិភាពដល់ការផ្លាស់ប្តូរបៃតង និងការអភិវឌ្ឍប្រកបដោយចីរភាព។ ជាពិសេស ឧស្សាហកម្មវាយនភណ្ឌ កាត់ដេរ ត្រូវតែផ្លាស់ប្តូរ និងកាត់បន្ថយការបំភាយឧស្ម័នដល់បរិស្ថាន។ លោកស្រី Susanna Campbell សង្ឃឹមថា នឹងសហការគ្នាដើម្បីធ្វើឱ្យវៀតណាមក្លាយជាមជ្ឈមណ្ឌលនៃប្រព័ន្ធអេកូឡូស៊ីវាយនភណ្ឌ កាត់ដេរសកល។

ថ្នាក់ដឹកនាំ SYRE ជឿជាក់ថា វៀតណាមនឹងក្លាយជាដៃគូដ៏រឹងមាំរបស់ SYRE ក្នុងតំបន់។ ទន្ទឹមនឹងនោះ ការផ្លាស់ប្តូរពណ៌បៃតងកំពុងកើតឡើងយ៉ាងខ្លាំងនៅក្នុងប្រទេសវៀតណាម ជាទីតាំងយុទ្ធសាស្ត្រដែលសម្ព័ន្ធក្រុមហ៊ុនបានជ្រើសរើស។

លោកនាយករដ្ឋមន្ត្រីវៀតណាម បានមានប្រសាសន៍ថា វៀតណាមកំពុងអនុវត្តយ៉ាងសកម្មនូវថាមពលបៃតង សេដ្ឋកិច្ចរាងជារង្វង់ និងវត្ថុធាតុដើមបៃតងសម្រាប់វិស័យកាត់ដេរ។ ព្រមទាំងលើកទឹកចិត្តអ្នកវិនិយោគបរទេសចូលមកវិនិយោគក្នុងវិស័យបច្ចេកវិទ្យាខ្ពស់ ព្រមទាំង​ត្រៀមខ្លួនជួយគាំទ្រសម្ព័ន្ធក្រុមហ៊ុន SYRE វិនិយោគមានប្រសិទ្ធភាពនៅវៀតណាម៕

កងកម្លាំងប្រដាប់អាវុធវៀតណាម និងកម្ពុជា ពង្រឹងកិច្ចសហប្រតិបត្តិការ ដើម្បីគោលដៅរួមនៃការកសាងព្រំដែនសន្តិភាព និងមិត្តភាព ចាប់ពីថ្ងៃទី ១ ដល់ថ្ងៃទី ៤ ខែមេសា ឆ្នាំ ២០២៥ គណៈប្រតិភូនៃបញ្ជាការដ្ឋានយោធាភូខេត្ត Kien Giang ដឹកនាំដោយលោកវរសេនីយ៍ឯក Nguyen Van Nganh សមាជិកគណៈអចិន្ត្រៃយ៍នៃគណៈកម្មាធិការបក្សខេត្ត មេបញ្ជាការបញ្ជាការដ្ឋានយោធាខេត្ត បានអញ្ជើញទៅសួរសុខទុក្ខ និងជូនពរឆ្នាំថ្មីជូនចំពោះបញ្ជាការដ្ឋានយោធភូមិភាគទី៣ បញ្ជាការដ្ឋានការពារកោះ ឆ្នេរ នាយកដ្ឋានអភិវឌ្ឍន៍ក្រសួងការពារជាតិ និងអង្គភាពយោធានៃខេត្តកែប កំពត ព្រះសីហនុ និងកោះកុង។

សហគ្រាសវៀតណាម-កម្ពុជា ពង្រឹងកិច្ចសហប្រតិបត្តិការ នារសៀលថ្ងៃទី២៥ ខែធ្នូ នៅទីក្រុងភ្នំពេញ ស្ថានទូតវៀតណាមប្រចាំនៅកម្ពុជា បានសម្របសម្រួលជាមួយក្រសួងឧស្សាហកម្មនិងពាណិជ្ជកម្ម និងសមាគមធុរកិច្ចវៀតណាម-កម្ពុជា រៀបចំវេទិការ៖ ពន្លឿនពាណិជ្ជកម្ម និងវិនិយោគវៀតណាម-កម្ពុជា ពង្រឹងកិច្ចសហប្រតិបត្តិការពាណិជ្ជកម្មតាមព្រំដែន និងសេដ្ឋកិច្ចឌីជីថល។