នាព្រឹកថ្ងៃទី ១៧ កញ្ញា នៅទីក្រុងណាននីង ខេត្តក្វាងស៊ី ប្រទេសចិន លោក Pham Minh Chinh នាយករដ្ឋមន្ត្រីវៀតណាម រួមជាមួយលោក Li Qiang នាយករដ្ឋមន្ត្រីចិន, លោក Sonexay Siphandone នាយករដ្ឋមន្ត្រីឡាវ, សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា, លោក Anwar Ibrahim នាយករដ្ឋមន្ត្រីម៉ាឡេស៊ី និងថ្នាក់ដឹកនាំបណ្តាប្រទេសនៃសមាគមប្រជាជាតិអាស៊ីអាគ្នេយ៍ (អាស៊ាន) បានអញ្ជើញចូលរួមពិធីបើកពិព័រណ៍ចិន-អាស៊ាន (CAEXPO) និងកិច្ចប្រជុំកំពូលពាណិជ្ជកម្ម និងវិនិយោគចិន-អាស៊ាន លើកទី២០ (CABIS)។
 នាយករដ្ឋមន្រ្តីរដ្ឋាភិបាលវៀតណាមលោក Nguyen Xuan Phuc អញ្ជើញចូលរួមពិធីបើកពិព័រណ៍ CAEXPO |
 សហគ្រាសធុនតូច និងមធ្យមរបស់ជប៉ុន មកដាក់ទុនវិនិយោគ និងថែមទាំងផ្ទេរចំណេះដឹង និងបច្ចេកទេសឲ្យកម្ពុជា |
 |
| លោកនាយករដ្ឋមន្ត្រី Pham Minh Chinh ថ្លែងមតិក្នុងពិធីបើក CAEXPO និង CABIS លើកទី២០ |
ថ្លែងមតិក្នុងពិធីបើក លោកនាយករដ្ឋមន្ត្រី Pham Minh Chinh បានសង្កត់ធ្ងន់ថា CAEXPO និង CABIS គឺជាព្រឹត្តិការណ៍សំខាន់លើកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគនៃសហគមន៍ធុរកិច្ចអាស៊ាន-ចិន។ ឆ្លងកាត់ ២០ លើកនៃការរៀបចំ ពិព័រណ៍ CAEXPO និង CABIS បានក្លាយជានិមិត្តរូបនៃកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគរវាងចិន និងអាស៊ាន។
លោក Pham Minh Chinh បានអះអាងថា វៀតណាមគឺជាសមាជិកសកម្មរួមចំណែកក្នុងជោគជ័យរួមនៃពិព័រណ៍ CAEXPO និង CABIS ទាំង ២០ លើក។ នៅក្នុងពិព័រណ៍នេះ ស្តង់ទំនិញពាណិជ្ជកម្មវៀតណាមមានទំហំធំបំផុតបន្ទាប់ពីប្រទេសម្ចាស់ផ្ទះចិន ដោយមានការចូលរួមពីអង្គភាពអាជីវកម្មចំនួន ១២០ អង្គភាព។
វៀតណាមមានបំណងចង់បន្តរួមជាមួយប្រទេសចិន និងបណ្តាប្រទេសជាសមាជិកអាស៊ានសម្រេចរួចរាល់ការចរចារជាបន្ទាន់ដើម្បីលើកកម្ពស់កំណែ ៣.០ នៃកិច្ចព្រមព្រៀងពាណិជ្ជកម្មសេរីអាស៊ាន-ចិន និងធ្វើឱ្យប្រសើរឡើងនូវការតភ្ជាប់ហេដ្ឋារចនាសម្ព័ន្ធផ្លូវគោកនិងផ្លូវដែក ពង្រីកសាកល្បងនៃគំរូច្រកទ្វារព្រំដែនឆ្លាតវៃ ដើម្បីបំពេញតម្រូវការនៃការវិនិយោគ អាជីវកម្ម ពាណិជ្ជកម្ម វប្បធម៌ ទេសចរណ៍របស់សហគមន៍ធុរកិច្ច និងប្រជាជននៃប្រទេសនីមួយៗ។
ក្នុងអំឡុងពេលចូលរួម CAEXPO និង CABIS លោកនាយករដ្ឋមន្ត្រី Pham Minh Chinh បានបើកនិងទស្សនាស្តង់ទំនិញពាណិជ្ជកម្មវៀតណាមនិងចិន។ បន្ទាប់ពីសកម្មភាពនេះ លោកនាយករដ្ឋមន្ត្រី និងគណៈប្រតិភូវៀតណាមបានត្រឡប់មកមាតុប្រទេសវិញ ដោយបញ្ចប់ដំណើរទស្សនកិច្ចទៅចូលរួម CAEXPO និង CABIS នៅទីក្រុងណាននីង ប្រទេសចិនដោយជោគជ័យ៕
មតិពីមិត្តអ្នកអាន