វៀតណាមបន្តបញ្ជូននាយទាហានទៅចូលរួមបេសកកម្មរក្សាសន្តិភាពរបស់អង្គការសហប្រជាជាតិ

វៀតណាមវាយតម្លៃខ្ពស់ និងមានបំណងចង់ពង្រឹងទំនាក់ទំនងជាមួយប្រេស៊ីលបន្ថែមទៀត

ឧបនាយករដ្ឋមន្ត្រីវៀតណាម លោក Tran Hong Ha ទទួលជួបតំណាង UNDP និងនាយិកា USAID ប្រចាំនៅវៀតណាម

វៀតណាមបន្តបញ្ជូននាយទាហានទៅចូលរួមបេសកកម្មរក្សាសន្តិភាពរបស់អង្គការសហប្រជាជាតិ

លោកឧត្តមសេនីយ៍ឯក Hoang Xuan Chien អនុរដ្ឋមន្ត្រីក្រសួងការពារប្រទេស អញ្ជើញ​ជាអធិបតីក្នុងពិធីនេះ។

មកទល់នឹងពេលនេះ វៀតណាមបានចាត់បញ្ជូននាយទាហានចំនួន ៥២៦ នាក់ ទៅចូលរួមសកម្មភាពរក្សាសន្តិភាពរបស់អង្គការសហប្រជាជាតិនៅស្ថានបេសកកម្មចំនួន ៣ និងទីស្នាក់ការរបស់អង្គការសហប្រជាជាតិ។ យោងតាមការវាយតម្លៃពីស្ថានបេសកកម្ម និងទីស្នាក់ការរបស់អង្គការសហប្រជាជាតិ នាយទាហានវៀតណាមបានខិតខំប្រឹងប្រែងយ៉ាងខ្លាំងក្នុងការអនុវត្តភារកិច្ចដែលបានប្រគល់ជូន បន្សល់ទុកចំណាប់អារម្មណ៍យ៉ាងល្អចំពោះថ្នាក់ដឹកនាំស្ថានបេសកកម្ម និងមិត្ដអន្ដរជាតិ។

តាងនាមគណៈកម្មាធិការបក្សយោធាមជ្ឈិម និងក្រសួងការពារប្រទេស លោកឧត្តមសេនីយ៍ឯក Hoang Xuan Chien បានកោតសរសើរចំពោះស្មារតីខិតខំប្រឹងប្រែងជំនះពុះពារការលំបាក និងការប្តេជ្ញាចិត្តបំពេញភារកិច្ចរបស់អង្គភាព និងនាយទាហាន រួមទាំងនាយទាហានចំនួន ៤ រូបដែលទើបបញ្ចប់អាណត្តិនៅស្ថានបេសកកម្មនៅសាធារណរដ្ឋអាហ្វ្រិកកណ្តាល ហើយចែករំលែកការលំបាករបស់នាយទាហានដែលចូលរួមបេសកកម្មរក្សាសន្តិភាពរបស់អង្គការសហប្រជាជាតិ ជាពិសេសនាយទាហានស្ត្រីដែលត្រូវបំពេញការងារក្នុងលក្ខណៈលំបាក អាកាសធាតុអាក្រក់ និងហានិភ័យដែលអាចកើតមាន។

លោកឧត្តមសេនីយ៍ឯក Hoang Xuan Chien បានស្នើឱ្យនាយទាហានយោធាចំនួន ៧ រូប ត្រៀមខ្លួនចេញទៅបំពេញបេសកកម្មរក្សាសន្តិភាពរបស់អង្គការសហប្រជាជាតិ យល់​ជ្រួតជ្រាប និងអនុវត្តយ៉ាងម៉ឺងម៉ាត់នូវទស្សនៈ និងគោលនយោបាយការបរទេសរបស់បក្ស រដ្ឋ និងកងទ័ព លើកតម្កើងប្រពៃណីរបស់កងកម្លាំងរក្សាសន្តិភាពរបស់វៀតណាមក្នុងដំណើរការបំពេញភារកិច្ច អនុវត្តបានល្អូនូវតួនាទី និងភារកិច្ចដែលបានប្រគល់ជូន គោរពបទប្បញ្ញត្តិរបស់អង្គការសហប្រជាជាតិ និងច្បាប់របស់ប្រទេសសាមី យកចិត្តទុកដាក់ដល់ការរក្សាសាមគ្គីភាពផ្ទៃក្នុង ខិតខំពុះពារជំនះការលំបាក កសាងសាមគ្គីភាពជាមួយសហសេវិកអន្តរជាតិ និងសាមគ្គីភាពជាមួយប្រជាជនក្នុងតំបន់ រួមចំណែកជំរុញសកម្មភាពរក្សាសន្តិភាពរបស់អង្គការសហប្រជាជាតិរបស់វៀតណាមឲ្យកាន់តែប្រសិទ្ធភាពថែមទៀត៕

យោងតាមកាសែតកងទ័ពប្រជាជន