សេដ្ឋកិច្ចវៀតណាមបានកត់ត្រាសញ្ញាវិជ្ជមានជាច្រើនក្នុងខែតុលា និងរយៈពេល ១០ ខែដើមឆ្នាំ២០២២

លើកកំពស់តួនាទីតភ្ជាប់សេដ្ឋកិច្ចវៀតណាមជាមួយពិភពលោកនៃពាណិជ្ជករនៅឯប្រទេស

IMF មានសុទិដ្ឋិនិយមអំពីយថាទស្សន៍កំណើនសេដ្ឋកិច្ចវៀតណាម

សេដ្ឋកិច្ចវៀតណាមបានកត់ត្រាសញ្ញាវិជ្ជមានជាច្រើនក្នុងខែតុលា និងរយៈពេល ១០ ខែដើមឆ្នាំ២០២២

ក្នុងរយៈពេល ១០ ខែចុងក្រោយនេះ មូលដ្ឋានគ្រឹះម៉ាក្រូសេដ្ឋកិច្ចត្រូវបានរក្សា ដោយមានការគ្រប់គ្រងគោលនយោបាយរូបិយវត្ថុប្រកបដោយការប្រុងប្រយ័ត្ន និងបត់បែន ការកែសម្រួលអត្រាប្តូរប្រាក់ និងអត្រាការប្រាក់ប្រកបដោយសុខដុមរមនាក្នុងកម្រិតសមហេតុផល និងការបន្តលើកកម្ពស់ប្រសិទ្ធភាពនៃកម្លាំងជំរុញកំណើន ការអនុវត្តគោលនយោបាយសន្តិសុខសង្គមបានល្អ។ និងការកែលម្អជីវភាពរស់នៅរបស់ប្រជាជន។ ជាពិសេស សន្ទស្សន៍តម្លៃទំនិញប្រើប្រាស់ជាមធ្យម (CPI) រយៈពេល ១០ ខែ បានកើនឡើង ២.៨៩% ស្មើនឹងរយៈពេលដូចគ្នានៃឆ្នាំ ២០១៨-២០២១។

គិតត្រឹមថ្ងៃទី ២៥ ខែតុលា ឥណទានបានកើនឡើង ១១.៤៨% បើធៀបនឹងចុងឆ្នាំមុន ការគ្រប់គ្រងអត្រាប្តូរប្រាក់ស្របតាមការអភិវឌ្ឍន៍ទីផ្សារ ធានានូវតម្រូវការរូបិយប័ណ្ណបរទេសក្នុងស្រុក ការរក្សាបន្ទប់ប្រតិបត្តិការ និងបន្តពង្រឹងទំនុកចិត្តលើទីផ្សារ ជៀសវាងសម្ពាធក្នុងការផ្លាស់ប្តូរលំហូរមូលធន ចេញពីទីផ្សារវៀតណាម។

តួរលេខនៃអគ្គនាយកដ្ឋានស្ថិតិបានបង្ហាញថា ក្នុងខែតុលា ឆ្នាំ២០២២ ទំហំនៃការនាំចូល នាំចេញសរុបរបស់វៀតណាមត្រូវបានប៉ាន់ប្រមាណថា សម្រេចបាន ៥៨.២៧ ពាន់លានដុល្លារអាមេរិក កើនឡើង ០.១% បើធៀបនឹងខែមុន ហើយកើនឡើង ៥.៧% បើធៀបនឹងរយៈពេលដូចគ្នាកាលពីឆ្នាំមុន។ ក្នុងរយៈពេល ១០ ខែនៃឆ្នាំ ២០២២ ទំហំនៃការនាំចូល នាំចេញទំនិញសរុបត្រូវបានប៉ាន់ប្រមាណថា សម្រេចបានជាង ៦១៦ ពាន់លានដុល្លារអាមេរិក កើនឡើងជាង ១៤% បើធៀប នឹងរយៈពេលដូចគ្នាកាលពីឆ្នាំមុន។ ក្នុងរយៈពេល ១០ ខែកន្លងមក វៀតណាមទទួលបានអតិរេកពាណិជ្ជកម្មប្រមាណ ៩.៤ ពាន់លានដុល្លារ។ ទាក់ទងនឹងទីផ្សារនាំចេញ នាំចូលទំនិញក្នុងរយៈពេល ១០ ខែ សហរដ្ឋអាមេរិកគឺជាទីផ្សារនាំចេញធំបំផុតរបស់ វៀតណាម ខណៈដែលប្រទេសចិនគឺជាទីផ្សារនាំចូលធំបំផុតរបស់វៀតណាម។

ក្នុងពេលជាមួយគ្នានោះ នាយកដ្ឋានវិនិយោគបរទេសនៃក្រសួងផែនការនិងវិនិយោគ បានឲ្យដឹងថា ក្នុងរយៈពេល ១០ ខែនៃឆ្នាំ២០២២ ដើមទុនសរុបដែលបានចុះបញ្ជីថ្មី កែសម្រួល និងការរួមចំណែកដើមទុនទិញភាគហ៊ុន ទិញមូលធនវិភាគទាន របស់វិនិយោគិនបរទេសនៅវៀតណាមសម្រេចបានជាង ២២.៤៦ ពាន់លានដុល្លារអាមេរិក។ វិនិយោគិនបរទេសបានវិនិយោគក្នុងវិស័យសេដ្ឋកិច្ចជាតិចំនួន ១៨/២១; ដែលក្នុងនោះ ឧស្សាហកម្មកែច្នៃ ផលិតកម្ម បន្តមានដើមទុនវិនិយោគចុះបញ្ជីសរុបដ៏ ធំបំផុត បន្ទាប់នោះគឺអចលនទ្រព្យ ការផលិត និងចែកចាយអគ្គិសនី ជាដើម។ យោងតាមនាយកដ្ឋានវិនិយោគបរទេស មានប្រទេសនិងតំបន់ដែនដីចំនួន ១០៣ ដែលបានវិនិយោគនៅវៀតណាមក្នុងរយៈពេល ១០ ខែនៃឆ្នាំ ២០២២ ក្នុងនោះ សិង្ហបុរីនាំមុខគេអំពីដើមទុនវិនិយោគសរុប ជប៉ុនជាប់ចំណាត់ថ្នាក់លេខ២ និងកូរ៉េខាងត្បូងជាប់ចំណាត់ថ្នាក់លេខ៣៕