តាមមន្ទីរឧស្សាហកម្ម និងពាណិជ្ជកម្មខេត្ត Tay Ninh បានឲ្យដឹងថា ការផ្លាស់ប្តូរទំនិញ និងពាណិជ្ជកម្មតាមជាយដែននាពេលកន្លងមកត្រូវបានធានា រួមចំណែកលើកកំពស់ជីវភាពរស់នៅរបស់ពលករ និងរក្សាសន្តិសុខ ការពារជាតិតំបន់ព្រំដែន។
 |
| ច្រកទ្វារព្រំដែន Moc Bai ខេត្ត Tay Ninh |
ក្នុងរយៈពេលឆមាសទីមួយកន្លងទៅ ការប្រមូលថ្លៃសេវាប្រើប្រាស់ហេដ្ឋារចនាសម្ព័ន្ធសម្រាប់យានជំនិះចូល និងចេញតាមច្រកទ្វារព្រំដែនអន្តរជាតិចំនួន៣ (Moc Bai, Xa Mat, Tan Nam) និងច្រកទ្វារព្រំដែន Chang Riec សម្រេចបានជាង ២០០ ពាន់លានដុង ដែលភាគច្រើនមកពីច្រកទ្វារព្រំដែន Moc Bai។ ចំនួនប្រជាជនចូល និងចេញនៅតំបន់ព្រំដែនមានជិត ២១,០០០ នាក់។
ដើម្បីសម្រេចបានលទ្ធផលខាងលើ គឺអាស្រ័យដោយមានការសម្របសម្រួលពីស្ថាប័នអាជ្ញាធរវៀតណាម និងកម្ពុជាក្នុងការគ្រប់គ្រង ការត្រួតពិនិត្យ និងការដោះស្រាយបញ្ហាស្មុគស្មាញដែលកើតឡើងនៅតាមខ្សែបន្ទាត់ព្រំដែន។
លើសពីនេះ រដ្ឋាភិបាលក៏បានសម្រេចចិត្តដំឡើងច្រកទ្វារព្រំដែន Tan Nam (ឃុំ Tan Binh ស្រុក Tan Bien) ទៅជាច្រកទ្វារព្រំដែនអន្តរជាតិ និងដំឡើងច្រកទ្វារព្រំដែនក្រៅផ្លូវការ Phuoc Tan ទៅជាច្រកទ្វារព្រំដែនផ្លូវការ រួមចំណែកជំរុញសកម្មភាពនាំចូល នាំចេញ និងជួញដូរឆ្លងដែន។
នាប៉ុន្មានខែចុងឆ្នាំ២០២២ ខេត្ត Tay Ninh នឹងបន្តតាមដាន និងដោះស្រាយរាល់បញ្ហាដែលកើតឡើង ដោយធានាថា សកម្មភាពពាណិជ្ជកម្មតាមព្រំដែនដំណើរការដោយរលូន និងងាយស្រួល ស្របតាមបទប្បញ្ញត្តិ; បន្តវិនិយោគលើគម្រោងអភិវឌ្ឍហេដ្ឋារចនាសម្ព័ន្ធសម្រាប់ប្រព័ន្ធច្រកទ្វារព្រំដែនក្នុងខេត្ត។ វិស័យសុខាភិបាលខេត្តបន្តបង្កើនការបង្ការ និងប្រយុទ្ធប្រឆាំងនឹងជំងឺកូវីដ-១៩ និងតាមដានយ៉ាងដិតដល់នូវស្បៀងអាហារនាំចូល៕
មតិពីមិត្តអ្នកអាន