ទីក្រុង Da Nang បានផ្សព្វផ្សាយព័ត៌មានជាសាធារណៈអំពីការកែសម្រួលផែនការមេរបស់ទីក្រុង Da Nang ដល់ឆ្នាំ ២០៣០ ជាមួយនឹងចក្ខុវិស័យដល់ឆ្នាំ ២០៤៥។
 លោក Pham Minh Chinh នាយករដ្ឋមន្ត្រីវៀតណាម ជួបពិភាក្សាការងារជាមួយសម្តេចនាយករដ្ឋមន្ត្រី ហ៊ុន សែន |
 ពិធីបុណ្យ Yoga អន្តរជាតិ - Da Nang (វៀតណាម)ប្រារព្ធខួបលើកទី ៥០ នៃទំនាក់ទំនងវៀតណាម-ឥណ្ឌា |
 |
| នាយករដ្ឋមន្ត្រីវៀតណាម លោក Pham Minh Chinh អញ្ជើញចូលរួមវេទិកាវិនិយោគ Da Nang |
នារសៀលថ្ងៃទី ២៥ មិថុនា នាយករដ្ឋមន្ត្រីវៀតណាម លោក Pham Minh Chinh បានអញ្ជើញចូលរួមវេទិកាវិនិយោគ Da Nang ឆ្នាំ ២០២២។ អញ្ជើញចូលរួមវេទិកានេះមានវត្តមានថ្នាក់ដឹកនាំក្រសួង ស្ថាប័នមជ្ឈិម និងមូលដ្ឋាន តំណាងសហគមន៍ធុរកិច្ច សហគ្រិន វិនិយោគិនទាំងជាតិ និងអន្តរជាតិ។ នាយករដ្ឋមន្ត្រីវៀតណាម លោក Pham Minh Chinh បានឲ្យដឹងថា៖ "សម្រាប់សហគ្រាស យើងខ្ញុំមានគោលបំណងចង់ឲ្យវិនិយោគិនធ្វើការវិនិយោគកាន់តែច្រើនដោយស្មោះត្រង់ ជំនឿជាក់ និងទំនួលខុសត្រូវគ្នាទៅវិញទៅមក ហើយយើងខ្ញុំសង្ឃឹមថាវិនិយោគិននឹងចូលរួមជាមួយយើងខ្ញុំក្នុងការសុក្រិតរបៀបរបបសេដ្ឋកិច្ចទីផ្សារតម្រង់ទិសសង្គមនិយម ។ យើងខ្ញុំសង្ឃឹមថា វិនិយោគិននឹងចូលរួមជាមួយយើងក្នុខ្ញុំក្នុងការករសាងសេដ្ឋកិច្ចឯករាជ្យ ប៉ុន្តែសកម្មជាមួយនឹងការធ្វើសមាហរណកម្មអន្តរជាតិយ៉ាងទូលំទូលាយ និងប្រកបដោយប្រសិទ្ធភាព។ វិនិយោគិនឈ្នះទាំងអស់គ្នា យើងខ្ញុំក៏ឈ្នះជាមួយគ្នា រួមគ្នាកសាងប្រទេសវៀតណាមឯករាជ្យ ខ្លាំងមាំមួន វិបុលភាព ប្រជាជនសម្បូរធូរធា សុភមង្គល"។
វេទិកាវិនិយោគ Danang ឆ្នាំ ២០២២ ត្រូវបានរៀបចំឡើងដើម្បីលើកកម្ពស់សក្តានុពល គុណសម្បត្តិ និងឱកាសវិនិយោគរបស់ទីក្រុង Da Nang សម្រាប់អាជីវកម្មដែលចាប់អារម្មណ៍ អ្នកវិនិយោគក្នុងស្រុក និងបរទេស និងអង្គការអន្តរជាតិជ្រើសរើស; ទាញយកប្រយោជន៍ពីការទាក់ទាញធនធានវិនិយោគក្នុងស្រុក និងបរទេស ជាពិសេសការវិនិយោគផ្ទាល់ពីបរទេស (FDI) ជាពិសេសក្នុងបរិបទនៃការបើកសេដ្ឋកិច្ចបន្ទាប់ពីផលប៉ះពាល់ដ៏យូរនៃការរីករាលដាលនៃជំងឺកូវីដ-១៩។
នៅវេទិកាវិនិយោគដែលប្រព្រឹត្តទៅនៅទីក្រុងឆ្នេរសមុទ្រភាគកណ្តាលនេះ ទីក្រុង Da Nang បានផ្សព្វផ្សាយព័ត៌មានជាសាធារណៈអំពីការកែសម្រួលផែនការមេរបស់ទីក្រុង Da Nang ដល់ឆ្នាំ ២០៣០ ជាមួយនឹងចក្ខុវិស័យដល់ឆ្នាំ ២០៤៥; បញ្ជីនៃគម្រោងជាក់លាក់ និង ដីធ្លី បម្រើការអំពាវនាវឱ្យមានការទាក់ទាញវិនិយោគ; ជ្រើសរើស និងផ្តល់សេចក្ដី សម្រេចចិត្តជាគោលការណ៍វិនិយោគ វិញ្ញាបនបត្រចុះបញ្ជីវិនិយោគសម្រាប់គម្រោងចំនួន ១៩ ដែលមានទុនចុះបញ្ជីសរុបជាង ៥០៨ លានដុល្លារ និងប្រកាសចុះហត្ថលេខាលើអនុស្សរណៈយោគយល់គ្នាស្ដីពីការ ស្រាវជ្រាវ កិច្ចសហប្រតិបត្តិការវិនិយោគលើគម្រោងចំនួន ៩ ដែលមានទុនចុះបញ្ជីសរុបចំនួន ៥,២ ពាន់លានដុល្លារអាមេរិកផងដែរ។
នាយករដ្ឋមន្ត្រីបានថ្លែងអំណរគុណចំពោះសហគមន៍អន្តរជាតិចំពោះការគាំទ្រ និងការវាយតម្លៃជាវិជ្ជមានរបស់វៀតណាមក្នុងការបង្ការ និងគ្រប់គ្រងការរីករាលដាលនៃជំងឺកូវីដ-១៩ ក៏ដូចជាការស្តារ និងអភិវឌ្ឍន៍សេដ្ឋកិច្ចសង្គម ... រដ្ឋាភិបាលវៀតណាមប្តេជ្ញាបន្តកសាងបរិយាកាសវិនិយោគធុរកិច្ចដោយស្មើភាព បើកចំហ និងតម្លាភាព ដោយស្មារតី “ផលប្រយោជន៍រួម ហានិភ័យរួម” គ្រប់ភាគីឈ្នះ៕
មតិពីមិត្តអ្នកអាន