អគ្គលេខាបក្សលោក Nguyen Phu Trong អញ្ជើញទទួលជួបជាមួយប្រធានាធិបតីក្រិក លោកស្រី Katerina Sakellaropoulou

អគ្គលេខាបក្ស លោក Nguyen Phu Trong ទទួលជួបនាយករដ្ឋមន្ត្រីជប៉ុន លោក Kishida Fumio

ប្រធាន VUFO លោកស្រី Nguyen Phuong Nga ទទួលជួបឯកអគ្គរដ្ឋទូតអ៊ុយរូហ្គាយ

អគ្គលេខាបក្ស លោក Nguyen Phu Trong អញ្ជើញទទួលជួបប្រធានាធិបតីក្រិកលោកស្រី Katerina Sakellaropoulou ក្នុងដំណើរបំពេញទស្សនកិច្ចជាផ្លូវការនៅវៀតណាម

នារសៀលថ្ងៃទី ១៦ ឧសភា នៅទីស្នាក់ការគណៈកម្មាធិការមជ្ឈិមបក្ស ក្នុងជំនួប ជាមួយប្រធានាធិបតីក្រិក លោកស្រី Katerina Sakellaropoulou ដែលកំពុងបំពេញទស្សនកិច្ចជាផ្លូវការនៅវៀតណាម អគ្គលេខាបក្ស លោក Nguyen Phu Trong បានវាយតម្លៃខ្ពស់ចំពោះលទ្ធផលនៃកិច្ចសន្ទនារវាងលោកស្រីប្រធានាធិបតី Katerina Sakellaropoulou ជាមួយប្រធានរដ្ឋ លោក Nguyen Xuan Phuc។ លោកអគ្គលេខាបក្សបានសម្តែងនូវជំនឿជឿជាក់ថា ដំណើរទស្សនៈកិច្ចនេះនឹងជាសញ្ញាសម្គាល់ថ្មី ក្នុងការអភិវឌ្ឍទំនាក់ទំនងរវាងប្រទេសទាំងពីរ ដោយអះអាងថា វៀតណាមតែងតែយកចិត្តទុកដាក់យ៉ាងខ្លាំងចំពោះទំនាក់ទំនងមិត្តភាពជាប្រពៃណីជាមួយក្រិក និងសម្តែងក្តីរីករាយចំពោះការអភិវឌ្ឍសំខាន់ៗក្នុងទំនាក់ទំនងវៀតណាម-ក្រិក។

លោកអគ្គលេខាធិកាបានថ្លែងអំណរគុណចំពោះទឹកចិត្ត និងការគាំទ្រដ៏មានតម្លៃដែលប្រជាជនក្រិកបានផ្តល់ដល់វៀតណាមក្នុងការតស៊ូដណ្តើមឯករាជ្យជាតិនាពេលកន្លងមក និងការងារកសាងជាតិនាពេលបច្ចុប្បន្ន រួមទាំងកិច្ចសហប្រតិបត្តិការការពារ និងប្រយុទ្ធប្រឆាំងនឹងជំងឺរាតត្បាត Covid-19។

លោកអគ្គលេខាបក្សបានផ្លាស់ប្តូរមតិជាមួយលោកស្រីប្រធានាធិបតីនូវទិសដៅសំខាន់ៗសម្រាប់កិច្ចសហប្រតិបត្តិការទ្វេភាគីលើវិស័យផ្សេងៗ ហើយស្នើឱ្យរដ្ឋាភិបាលក្រិកបន្តយកចិត្តទុកដាក់និងលើកកំពស់តួនាទីរបស់សហគមន៍វៀតណាមនៅក្រិក។

រីឯខ្លួនវិញ ប្រធានាធិបតីក្រិកលោកស្រី Katerina Sakellaropoulou បានអះអាងថា ក្រិកយកចិត្តទុកដាក់យ៉ាងខ្លាំងចំពោះគោលជំហររបស់វៀតណាមក្នុងតំបន់ និងពិភពលោក ហើយចែករំលែកជាមួយលោកអគ្គលេខាបក្សអំពីលទ្ធផលសំខាន់ៗដែលសម្រេចបានក្នុងជំនួបសន្ទនាជាមួយប្រធានរដ្ឋលោក Nguyen Xuan Phuc សំដៅជំរុញនិងពង្រីកកិច្ចសហប្រតិបត្តិការរវាងប្រទេសទាំងពីរ។ លោកស្រីប្រធានាធិបតី Katerina Sakellaropoulou បានសម្តែងសោមនស្សចំពោះការអភិវឌ្ឍន៍នៃកិច្ចសហប្រតិបត្តិការ និងសង្កត់ធ្ងន់លើសក្ដានុពលក្នុងវិស័យជាច្រើនរួមទាំងពាណិជ្ជកម្ម ការដម្លើងនាវា ការដឹកជញ្ជូន និងទេសចរណ៍។ ថ្នាក់ដឹកនាំទាំងពីរក៏បានឯកភាពគ្នាក្នុងការពង្រឹងទំនាក់ទំនងនយោបាយ ជំរុញការសម្របសម្រួល និងគាំទ្រគ្នាទៅវិញទៅមកនៅវេទិកាអន្តរជាតិ ព្រមទាំងបានបញ្ជាក់ពីសារៈសំខាន់នៃការរក្សាសន្តិភាព ការអភិវឌ្ឍកិច្ចសហប្រតិបត្តិការ លើកកម្ពស់ច្បាប់អន្តរជាតិ ក្នុងនោះមានអនុសញ្ញាអង្គការសហប្រជាជាតិស្តីពីច្បាប់ឆ្នាំ ១៩៨២ (UNCLOS ១៩៨២) ផងដែរ៕