យុគសម័យ - នាថ្ងៃទី ២ មិនា ឯកអគ្គរដ្ឋទូតវៀតណាមប្រចាំនៅអាហ្សង់ទីន អ៊ុយរូហ្គាយ និងប៉ារ៉ាហ្គាយ លោក Duong Quoc Thanh បានប្រគល់សេចក្តីសម្រេចរបស់រដ្ឋមន្ត្រីការបរទេស លោក Bui Thanh Son តែងតាំងកុងស៊ុលកិត្តិយសវៀតណាមប្រចាំនៅប៉ារ៉ាហ្គាយ ជូនលោកស្រី Maria del Carmen Perez Falabella តាមទម្រង់អនឡាញ។
 |
| លោកស្រី Maria del Carmen Perez Falabella អគ្គកុងស៊ុលកិត្តិយសទីមួយរបស់វៀតណាមប្រចាំនៅប៉ារ៉ាហ្គាយ។ |
លោកស្រី Falabella គឺជាពាណិជ្ជករដ៏ល្បីល្បាញមួយរូបក្នុងប្រទេសប៉ារ៉ាហ្គាយ បានកាន់មុខតំណែងជាច្រើននៅស្ថាប័នរដ្ឋាភិបាល ដូចជា ក្រសួងឧស្សាហកម្ម និងពាណិជ្ជកម្ម ខុទ្ទកាល័យប្រធានាធិបតី និងព្រឹទ្ធសភានៃប្រទេសប៉ារ៉ាហ្គាយ ហើយបច្ចុប្បន្នជាសមាជិកនៃក្រុមប្រឹក្សាភិបាលនៃអគារ Aviadores និងសារមន្ទីរកងទ័ពអាកាសរបស់ប្រទេស។
លោកស្រី Falabella បានសម្តែងនូវមោទនភាពដែលទទួលបានកិត្តិនាមជាអគ្គកុងស៊ុលកិត្តិយស វៀតណាមដំបូងប្រចាំនៅប៉ារ៉ាហ្គាយ ចាប់តាំងពីប្រទេសទាំងពីរបានបង្កើតទំនាក់ទំនងការទូតក្នុងឆ្នាំ ១៩៩៥។ លោកស្រីបានអះអាងថានឹងព្យាយាមឱ្យអស់ពីសមត្ថភាព ដើម្បីបំពេញតួនាទីជាស្ពានតភ្ជាប់រវាងវៀតណាមនិងប៉ារ៉ាហ្គាយ តំណាងគាំទ្រ និងការពារពលរដ្ឋវៀតណាមនៅប៉ារ៉ាហ្គាយ។
លោកស្រី Falabella បានកសាងគម្រោងនូវសកម្មភាពរបស់អគ្គកុងស៊ុលកិត្តិយសក្នុងឆ្នាំ ២០២២ និងពេញមួយអាណត្តិ ដោយមានខ្លឹមសារនៃការតភ្ជាប់អាជីវកម្ម ផ្សព្វផ្សាយវប្បធម៌ និងទេសចរណ៍វៀតណាម រួមចំណែកជំរុញ និងបង្កើនកិច្ចសហប្រតិបត្តិការប្រកបដោយប្រសិទ្ធភាពលើគ្រប់វិស័យទាំងខាងសេដ្ឋកិច្ច ពាណិជ្ជកម្ម វិនិយោគ និង ការជួបប្រាស្រ័យរវាងប្រជាជននិងប្រជាជន៕
មតិពីមិត្តអ្នកអាន