ភោជនីយដ្ឋានវៀតណាមប្រមាណ ៣,០០០ កំពុងដំណើរការនៅប្រទេសប៉ូឡូញ

យោងតាមព័ត៌មានពីស្ថានទូតវៀតណាមប្រចាំនៅប្រទេសប៉ូឡូញ នៅក្នុងកិច្ចប្រជុំការងារនេះ ឯកអគ្គរដ្ឋទូត លោក Ha Hoang Hai បានជម្រាបជូនថ្នាក់ដឹកនាំខេត្ត Mazowiecki អំពីការអភិវឌ្ឍប្រកបដោយភាពរស់រវើកក្នុងទំនាក់ទំនងវៀតណាម - ប៉ូឡូញ លើវិស័យនានា ដោយប្រទេសទាំងពីរកំពុងឆ្ពោះទៅរកការលើកកម្ពស់កម្រិតទំនាក់ទំនងទៅជាដៃគូយុទ្ធសាស្ត្រ។ បច្ចុប្បន្ននេះ ប៉ូឡូញគឺជាដៃគូពាណិជ្ជកម្មធំបំផុតរបស់វៀតណាមនៅតំបន់អឺរ៉ុបកណ្តាលនិងខាងកើត និងឈរនៅចំណាត់ថ្នាក់ទីបីនៅក្នុងសហភាពអឺរ៉ុប (EU) (បន្ទាប់ពីប្រទេសបារាំង និងអាល្លឺម៉ង់)។ ក្នុងពេលជាមួយគ្នានេះ វៀតណាមគឺជាគោលដៅទេសចរណ៍ដ៏ពេញនិយមរបស់ភ្ញៀវទេសចរប៉ូឡូញ បន្ទាប់ពីវៀតណាមបានអនុវត្តគោលនយោបាយលើកលែងទិដ្ឋាការទេសចរណ៍សម្រាប់ពលរដ្ឋប៉ូឡូញ ដោយរំពឹងថាចំនួនភ្ញៀវទេសចរប៉ូឡូញមកកាន់វៀតណាមក្នុងឆ្នាំ ២០២៦ នឹងកើនឡើងលើសពី ១០ ម៉ឺននាក់។

ឯកអគ្គរដ្ឋទូតវៀតណាមប្រចាំនៅប្រទេសប៉ូឡូញ លោក Ha Hoang Hai នៅក្នុងកិច្ចប្រជុំការងារជាមួយលោក Adam Struzik អភិបាលខេត្ត Mazowiecki។

ឯកអគ្គរដ្ឋទូតបានមានប្រសាសន៍ថា សហគមន៍ជនជាតិវៀតណាមនៅប៉ូឡូញមានប្រមាណ ៣០,០០០ នាក់ ដែលភាគច្រើនប្រមូលផ្តុំគ្នានៅរដ្ឋធានីវ៉ាសូវី (Warsaw) នៃខេត្ត Mazowiecki ហើយជាសហគមន៍ដែលមានដើមកំណើតអាស៊ីធំបំផុតនៅប៉ូឡូញ ព្រមទាំងបានចូលរួមយ៉ាងសកម្មក្នុងជីវភាពនយោបាយ-សង្គមរបស់ប្រទេសម្ចាស់ផ្ទះ ដោយមានភោជនីយដ្ឋានវៀតណាមប្រមាណ ៣,០០០ ហាង នៅទូទាំងប្រទេស។

ចំពោះសហប្រតិបត្តិការរវាងមូលដ្ឋាន ភាគីទាំងពីរបានពិភាក្សាអំពីសក្តានុពល និងឱកាសសហប្រតិបត្តិការរវាងខេត្ត Mazowiecki ជាមួយបណ្តាមូលដ្ឋានរបស់វៀតណាម ដែលក្នុងនោះខេត្ត Mazowiecki ត្រូវបានចាត់ទុកជា «តំបន់រដ្ឋធានី» របស់ប៉ូឡូញ មានប្រជាជនប្រមាណ ៥.៥ លាននាក់ មានតួនាទី និងឋានៈជាមជ្ឈមណ្ឌលនយោបាយ សេដ្ឋកិច្ច ប្រវត្តិសាស្ត្រ វប្បធម៌ វិទ្យាសាស្ត្រ និងការអប់រំដ៏សំខាន់ឈានមុខគេរបស់ប៉ូឡូញ ដែលមានលក្ខណៈប្រហាក់ប្រហែលនឹងទីក្រុងហាណូយដែរ។

អភិបាលខេត្ត Mazowiecki បានសម្តែងនូវបំណងប្រាថ្នាចង់បង្កើតកិច្ចសហប្រតិបត្តិការជាផ្លូវការជាមួយទីក្រុងហាណូយ ក្នុងឱកាសនៃបណ្តាដំណើរទស្សនកិច្ច និងការងាររវាងថ្នាក់ដឹកនាំនៃមូលដ្ឋានទាំងពីរនាពេលខាងមុខ។ ភាគីទាំងពីរក៏បានពិភាក្សាអំពីការចាត់តាំងបណ្តាគណៈប្រតិភូធុរកិច្ចនៃខេត្ត Mazowiecki មកកាន់ប្រទេសវៀតណាមដើម្បីចូលរួមពិព័រណ៍ពាណិជ្ជកម្មនានា សំដៅជម្រុញសហប្រតិបត្តិការ ព្រមទាំងផ្លាស់ប្តូរយោបល់អំពីការចាត់តាំងសកម្មភាពវប្បធម៌មួយចំនួនរបស់សហគមន៍ជនជាតិវៀតណាមនៅតំបន់ខេត្ត Mazowiecki នាពេលខាងមុខផងដែរ៕

កុមារ ៥០.០០០​ នាក់បន្ថែមទៀតនឹងចេះរៀនហែលទឹកក្នុងរយៈពេល ៣ ឆ្នាំខាងមុខ យុគសម័យ - នោះគឺជាគោលដៅសំខាន់មួយនៃយុទ្ធនាការសម្រាប់កុមារគ្មានថ្នាំជក់ (យុទ្ធនាការសម្រាប់កុមារគ្មានថ្នាំជក់) ដែលបានកំណត់នៅឆ្នាំ ២០២៤។ លោកស្រី Doan Thu Huyen តំណាងអង្គការនេះបានចែករំលែកជាមួយទស្សនវដ្តីន៍យុគសម័យ។

ប្រទេសឥណ្ឌាបានបរិច្ចាគស​ម្ភារបរិក្ខាចំនួន ៣.០០០ ដល់ប្រជាជនដែលរងគ្រោះដោយទឹកជំនន់នៅភាគកណ្តាលប្រទេសវៀតណាម យុគសម័យ - នៅថ្ងៃទី ១៥ ខែមករាឆ្នាំ ២០២១ លោក ប្រាយណៃវីម៉ា (Pranay Verma )ឯកអគ្គរដ្ឋទូតឥណ្ឌាប្រចាំនៅប្រទេសវៀតណាម បានប្រគល់ជាអំណោយជាជំនួយដែលរដ្ឋាភិបាលឥណ្ឌាបានប្រគល់ដល់ជនរងគ្រោះដោយទឹកជំនន់និងគ្រោះបាក់ដីដែលកំពុងកើតមានឡើងនៅខេត្តភាគកណ្តាលជាច្រើននៃប្រទេសវៀតណាមទៅអនុរដ្ឋមន្រ្តីក្រសួងការបរទេសវៀតណាម លោក ង្វៀនឃ្វុកយុង។

ឌឹកអាញ់

thoidai.com.vn