ខេត្តក្រុងជាច្រើនទទួលស្វាគមន៍ក្រុមភ្ញៀវទេសចរដំបូងនៃឆ្នាំថ្មី

ដើមម៉ាក់ខៃ Nhat Tan ត្រៀម​បម្រើ​បុណ្យ​ចូល​ឆ្នាំ​សកល​ឆ្នាំ​២០២២

សកម្មភាពអំណរបុណ្យចូលឆ្នាំថ្មី នៅភូមិវប្បធម៌ និងទេសចរណ៍ជនជាតិវៀតណាម

ខេត្តក្រុងជាច្រើនទទួលស្វាគមន៍ក្រុមភ្ញៀវទេសចរដំបូងនៃឆ្នាំថ្មី

ក្នុងថ្ងៃដំបូងនៃឆ្នាំសកល២០២២ ក្រុមហ៊ុន Vietnam Airlines បានសហការជាមួយទីក្រុងហូជីមិញ ទីក្រុងដាណាំងនិងខេត្ត ធឿ ធាន ហ្វេ រៀបចំពិធីទទួលស្វាគមន៍ក្រុមភ្ញៀវក្នុងស្រុកដំបូងក្នុងឆ្នាំ២០២២។ អ្នកដំណើរតាមជើងហោះហើរដំបូងមកដល់ខេត្ត ក្រុងទាំង៣នេះ ទទួលបានការស្វាគមន៍យ៉ាងកក់ក្ដៅ ហើយភ្ញៀវមួយចំនួនត្រូវបានជ្រើសរើសដោយចៃដន្យដើម្បីទទួលកាដូអនុស្សាវរីរយ៍ពីគណៈចាត់តាំងផងដែរ។

នៅខេត្ត Quang Binh នាថ្ងៃទី១ ខែមករា ឆ្នាំ២០២២ ឧទ្យានជាតិ Phong Nha – Ke Bang បានរៀបចំពិធីទទួលស្វាគមន៍ក្រុមភ្ញៀវដំបូងដែលអញ្ជើញមកទស្សនាក្នុងឆ្នាំសកល២០២២។ នេះជាសកម្មភាពអំណរសាទរឆ្នាំសកល២០២២នៃផ្នែកទេសចរណ៍ខេត្ត Quang Binh សំដៅជំរុញខ្លាំងការឃោសនា ផ្សព្វផ្សាយដល់ភ្ញៀវទេសចរទាំងជាតិនិងអន្តរជាតិ; បង្កើតព្រឹត្តិការណ៍សម្រាប់ភ្ញៀវទេសចរចូលរួម បន្សល់ទុកមកចំណាប់អារម្មណ៍ល្អប្រសើរដើម្បីទាក់ទាញភ្ញៀវទេសចរ។

ក៏នៅថ្ងៃដំបូងនៃឆ្នាំ២០២២ គណៈគ្រប់គ្រងតំបន់ទេសចរណ៍ Ba Be បានសហការជាមួយសមាគមន៍ទេសចរណ៍ខេត្ត Bac Kan ទទួលស្វាគមន៍ក្រុមភ្ញៀវទេសចរអន្តរជាតិដំបូង ដែលអញ្ជើញមកទស្សនាតំបន់ទេសចរណ៍ Ba Be – Bac Kan ក្នុងឆ្នាំ២០២២។ ក្រុមភ្ញៀវទេសចរមានសញ្ជាតិរុស្ស៊ី និងជប៉ុន ដែលភាគច្រើនកំពុងរស់នៅនិងធ្វើការនៅវៀតណាម ចូលរួមដំណើរកំសាន្តនេះ តាមដំណើរការបិទជិត ធានាសុវត្ថិភាពក្នុងការបង្ការទប់ស្កាត់ជម្ងឺរាតត្បាត។

នាថ្ងៃដដែល ខេត្ត Ha Giang បានទទួលស្វាគមន៍ក្រុមភ្ញៀវទេសចរដំបូងក្នុងឆ្នាំ២០២២ ដែលជា blogger youtuber និងមនុស្សដ៏ល្បីល្បាញលើបណ្ដាញសង្គម។ ក្រុមភ្ញៀវទេសចរនឹងចំណាយពេល៣ថ្ងៃដើម្បីស្វែងយល់ពីខេត្ត Ha Giang នៅតាមទីកន្លែងនានាដូចជា៖ ឧទ្យានភូគម្ភសាស្ត្រសកល ខ្ពង់រាបថ្ម Dong Van បង្គោលទង់ជាតិ Lung Cu វិថីបុរាណ Dong Van មាត់ជ្រោះ Tu San ហើយថតរូបនិងវីដេអូអំពីផ្កា tam giac mach ជាដើម។ សកម្មភាពបទពិសោធន៍ទាំងនេះ ត្រូវបានចាក់ផ្សាយតាមប្រព័ន្ធអនឡាញ ដើម្បីផ្សព្វផ្សាយយ៉ាងទូលំទូលាយអំពីទឹកដី មនុស្ស Ha Giang ទៅកាន់ភ្ញៀវទេសចរជាតិនិងអន្តរជាតិយ៉ាងច្រើនកុះករ៕

ហេង វុធ្ធី

VOV5