វៀតណាម បន្តរួមវិភាគទានប្រកបដោយប្រសិទ្ធភាពក្នុងការអនុវត្តគោលដៅនិងចក្ខុវិស័យរួមរបស់ GMS

ប្រមុខការទូតកម្ពុជានឹងដឹកនាំគណៈប្រតិភូអញ្ជើញទៅបំពេញទស្សនកិច្ចផ្លូវការនៅសាធារណរដ្ឋកូរ៉េ ពីថ្ងៃទី០៦ ដល់ថ្ងៃទី ០៨ ខែកញ្ញា ឆ្នាំ២០២១

ជំរុញការអនុវត្តកិច្ចព្រមព្រៀងស្តីពីការដឹកអ្នកដំណើរនិងទំនិញឆ្លងកាត់ព្រំដែន

លោកនាយករដ្ឋមន្រ្តី Pham Minh Chinh អះអាងនូវការប្ដេជ្ញាចិត្តរបស់វៀតណាមដោយ បន្តរួមវិភាគទានប្រកបដោយប្រសិទ្ធភាពក្នុងការអនុវត្តគោលដៅនិងចក្ខុវិស័យរួមរបស់ GMS។ (រូបថត៖ baoquocte)

បណ្តាថ្នាក់ដឹកនាំនៃប្រទេសជាសមាជិកមហាអនុតំបន់ផ្សេងទៀត រួមមាន លោក លី ខឺឈាង នាយករដ្ឋមន្រ្តី នៃសាធារណរដ្ឋប្រជាមានិតចិន, លោក ផនខាំ វីផាវ៉ាន់ (Phankham Viphavanh) នាយករដ្ឋមន្រ្តីនៃសាធារណរដ្ឋប្រជាធិបតេយ្យប្រជាមានិតឡាវ លោកនាយឧត្តមសេនីយ៍ មីង អោង ឡាំង (Min Ang Hlaing) ប្រធានក្រុមប្រឹក្សារដ្ឋបាលរដ្ឋនៃសាធារណរដ្ឋសហភាពមីយ៉ាន់ម៉ា លោកនាយឧត្តមសេនីយ៍ ប្រាយុទ្ធ ច័ន្ទអូឆា (Prayut Chan-o-cha) នាយករដ្ឋមន្រ្តីនៃព្រះរាជាណាចក្រថៃ លោក ផាម មិញជិញ (Pham Minh Chinh) នាយករដ្ឋមន្ត្រីនៃសាធារណរដ្ឋសង្គមនិយមវៀតណាម និង លោក ម៉ាសាតស៊ូហ្គូ អាសាកាវ៉ា Masatgusu Asakawa ប្រធានធនាគារអភិវឌ្ឍន៍អាស៊ី ក៏នឹងអញ្ជើញចូលរួមក្នុងកិច្ចប្រជុំនេះផងដែរ។

អញ្ជើញថ្លែងសុន្ទរកថានៅកិច្ចប្រជុំ លោកនាយករដ្ឋមន្រ្តី Pham Minh Chinh បានសង្កត់ធ្ងន់លើតួនាទីយុទ្ធសាស្ត្រនៃមហាអនុតំបន់មេគង្គ ក្នុងដំណើរការសមា ហរណកម្មអន្តរជាតិ និងការអភិវឌ្ឍសេដ្ឋកិច្ចយ៉ាងខ្លាំងក្លានៃទ្វីបអាស៊ី។ លោកនាយក រដ្ឋមន្រ្តីបានអះអាងថារាល់សមិទ្ធផលនៃកិច្ចសហប្រតិបត្តិការ GMS បានជួយគាំទ្រ ប្រកបដោយប្រសិទ្ធភាពដល់ដំណើរការកសាងសហគមន៍អាស៊ាន ការបង្កើតជារូបរាង នៃរចនាសម្ព័ន្ធតំបន់ ដោយមានអាស៊ានជាមជ្ឈភាព និងការជំរុញទំនាក់ទំនងភាពជា ដៃគូយុទ្ធសាស្ត្រអាស៊ាន-ចិនឲ្យកាន់តែរីកចម្រើនពីមួយថ្ងៃទៅមួយថ្ងៃ។

ដោយសម្ដែងទស្សនៈថា GMS ចាំបាច់ត្រូវមានចក្ខុវិស័យនិងដំណោះស្រាយ ដោយមានលក្ខណៈយុទ្ធសាស្ត្រ ដើម្បីដោះស្រាយបញ្ហាជាបន្ទាន់នាបច្ចុប្បន្នផង ហើយ បង្កើតមូលដ្ឋានគ្រឹះសម្រាប់ការអភិវឌ្ឍប្រកបដោយចីរភាពនិងបរិយាប័ន្នក្នុងទសវត្សរិ៍ ខាងមុខផង លោកនាយករដ្ឋមន្រ្តី Pham Minh Chinh បានស្នើឲ្យកិច្ចសហប្រតិបត្តិការ GMS ក្នុងដំណាក់កាលខាងមុខ គួរតែផ្ដល់អាទិភាពដល់ខ្លឹមសារស្នូលចំនួន៦។ ក្នុង នោះ ប្រទេស GMS ផ្ដោតសំខាន់ទៅលើការទប់ស្កាត់ រុញថយ គ្រប់គ្រងជម្ងឺរាតត្បាត កូវីដ ១៩ ព្រមទាំងកសាងយន្តការសម្របសម្រួលដើម្បីទប់ទល់នឹងជម្ងឺឆ្លងនៅពេល អនាគតផងដែរ។

លោកនាយករដ្ឋមន្រ្តី Pham Minh Chinh ចាត់ទុកថា ត្រូវការធានាឲ្យខ្សែសង្វាក់ ផ្គត់ផ្គង់តំបន់មិនរងការបែកបាក់ក្នុងបរិបទនៃជម្ងឺរាតត្បាត; បើក “ច្រករបៀងខៀវ” នៅ តាមច្រកទ្វារព្រំដែនដើម្បីជួយសម្រួលដល់ការធ្វើចរាចរណ៍ឆ្លងដែនរបស់មនុស្សនិង ទំនិញហើយកាត់បន្ថយការអនុវត្តរបាំងពាណិជ្ជកម្ម។ ទន្ទឹមនឹងនោះ ប្រទេសនានាបន្ត ជំរុញខ្លាំងការផ្លាស់ប្ដូរឌីជីថល រួមចំណែកបង្កើតកម្លាំងចលករថ្មីសម្រាប់កំណើន ការស្ដារសេដ្ឋកិច្ច ហើយបង្រួញគម្លាតអភិវឌ្ឍដោយឈរលើមូលដ្ឋាននៃការអភិវឌ្ឍ ហេដ្ឋារចនាសម្ព័ន្ធឌីជីថល។

លោកនាយករដ្ឋមន្រ្តី Pham Minh Chinh អញ្ជើញថ្លែងនៅកិច្ចប្រជុំ GMS លើកទី៧ តាមប្រព័ន្ធវីដេអូ។ (រូបថត៖ baolaodong)

លោកនាយករដ្ឋមន្រ្តី Pham Minh Chinh បានអះអាងនូវការប្ដេជ្ញាចិត្តរបស់វៀត ណាមដោយបន្តរួមវិភាគទានប្រកបដោយប្រសិទ្ធភាពក្នុងការអនុវត្តគោលដៅនិងចក្ខុ វិស័យរួមរបស់ GMS ហើយរួមជាមួយប្រទេសជិតខាង កសាងតំបន់ GMS មួយកាន់តែ បើកចំហ សុវត្ថិភាព សន្តិភាព វិបុលភាពនិងអភិវឌ្ឍប្រកបដោយចីរភាព។ លោក នាយករដ្ឋមន្រ្តីអញ្ជើញមានប្រសាសន៍ថា៖

«វៀតណាមជានិច្ចកាលគោរពកិច្ចសហប្រតិបត្តិការ GMS ដែលស្ដែងចេញពី គោលបំណងចង់ពង្រឹងទំនាក់ទំនងសហប្រតិបត្តិការមិត្តភាព ប្រពៃណីជាមួយប្រទេស ជិតខាងបងប្អូន ហើយសហការគ្នាកសាងតំបន់ GMS ឲ្យកាន់តែបើកចំហ សុវត្ថិភាព សន្តិភាព វិបុលភាពនិងអភិវឌ្ឍប្រកបដោយចីរភាពនិងបរិយាប័ន្ន។ យើងមានបំណង និងជំនឿជាក់ថា ដោយឈរលើទិសដៅយុទ្ធសាស្ត្រដែលបានដាក់ចេញ រួមជាមួយការ ប្ដេជ្ញាចិត្តរបស់រដ្ឋាភិបាល ការគាំទ្ររបស់ប្រជាជននិងសហគ្រាស ការរួមដំណើររបស់ ADB និងដៃគូអភិវឌ្ឍផ្សេងៗទៀត កិច្ចសហប្រតិបត្តិការ GMS នឹងអភិវឌ្ឍន៍កាន់តែ រឹងមាំ ស្អិតរមួត ដើម្បីផលប្រយោជន៍ទៅវិញទៅមក រួមចំណែកពង្រឹងសន្តិភាព កិច្ច សហប្រតិបត្តិការ ការអភិវឌ្ឍប្រកបដោយវិបុលភាពនៅក្នុងតំបន់»។

បញ្ចប់កិច្ចប្រជុំ ថ្នាក់ដឹកនាំ GMS បានអនុម័តលើសេចក្ដីថ្លែងការណ៍រួមនៃ កិច្ចប្រជុំ ហើយឯកភាពរៀបចំកិច្ចប្រជុំ GMS លើកទី៨ នៅចិននាឆ្នាំ២០២៤៕

យោងតាមវិឡុសំលេងវៀតណាម