អនុរដ្ឋមន្រ្តីក្រសួងសុខាភិបាល Truong Quoc Cuong តាងនាមក្រសួងសុខាភិបាលបានទទួលវ៉ាក់សាំងទាំងនេះ។
 ពិធី ប្រគល់ -ទទួលអំណោ យឧបករណ៍បរិក្ខារវេជ្ជសាស្រ្ត នៅទីស្តីការក្រសួងសុខាភិបាល |
 ប្រគល់ "ផ្ទះមហាសាមគ្គី " គោពូជជូនប្រជាជនក្រីក្រ គ្រួសារគោលនោយបាយនៅតំបន់ព្រំដែន |
 |
| ឯកអគ្គរដ្ឋទូត Wojciech Gerwel តាងនាមរដ្ឋាភិបាលប៉ូឡូញបានប្រគល់វ៉ាក់សាំង AstraZeneca បង្ការកូវីដ១៩ ចំនួន ៥០១.៦០០ ដូសដល់ក្រសួងសុខាភិបាលវៀតណាម ។ (រូបថត៖ baodantoc) |
នាព្រឹកថ្ងៃទី ២៣ ខែសីហានៅទីក្រុងហាណូយ លោក Wojciech Gerwel ឯកអគ្គរដ្ឋទូតវិសាមញ្ញនិងពេញសមត្ថភាពប៉ូឡូញប្រចាំនៅប្រទេសវៀតណាម តាងនាមរដ្ឋាភិបាលប៉ូឡូញបានប្រគល់ឲ្យក្រសួងសុខាភិបាលវៀតណាមនូវ វ៉ាក់សាំងបង្ការកូវីដ ១៩ AstraZeneca ចំនួន ៥០១.៦០០ ដូស ជាអំណោយរបស់រដ្ឋាភិបាលប៉ូឡូញផ្តល់ជូនវៀតណាមបម្រើការងារបង្ការទប់ស្កាត់ជំងឺរាតត្បាត។ អនុរដ្ឋមន្រ្តីក្រសួងសុខាភិបាល Truong Quoc Cuong តាងនាមក្រសួងសុខាភិបាលបានទទួលវ៉ាក់សាំងទាំងនេះ។
មុននេះ នាព្រឹកថ្ងៃទី ២០ ខែសីហា នៅអាកាសយានដ្ឋាន Warsaw Chopin ឯកអគ្គរដ្ឋទូតវិសាមញ្ញ និងពេញសមត្ថភាពវៀតណាមប្រចាំប្រទេសប៉ូឡូញ លោក Nguyen Hung រួមទាំងកម្មាភិបាលនៃស្ថានទូត បានអញ្ជើញចូលរួមពិធីប្រគល់ និងទទួលវ៉ាក់សាំងការពារជំងឺកូវីដ១៩ ចំនួនជាង ៥០១ ពាន់ដូស ជាជំនួយពីរដ្ឋាភិបាលប៉ូឡូញជូនវៀតណាម។
អញ្ជើញចូលរួមពិធីប្រគល់នេះ ភាគីប៉ូឡូញ មានអនុរដ្ឋមន្រ្តីក្រសួងការបរទេស លោក PawełJabłoński អនុរដ្ឋមន្រ្តីក្រសួងសុខាភិបាល លោកស្រី Anna Goławska ប្រធាននាយកដ្ឋានទុកបម្រុងយុទ្ធសាស្ត្រជាតិ លោក Michał Kuczmierowski និងភាគីពាក់ព័ន្ធដែលចូលរួមផ្ទាល់ក្នុងដំណើរការចរចាផ្តល់ជំនួយ និងផ្ទេរវ៉ាក់សាំងទៅឲ្យវៀតណាម។
តាមគម្រោង ឧបករណ៍វេជ្ជសាស្ត្រចាំបាច់សម្រាប់បង្ការទប់ស្កាត់ការរីករាលដាលនៃជំងឺកូវីដ១៩ ដែលមានតំលៃប្រហែល ៤ លានដុល្លារ នឹងត្រូវបានភាគីប៉ូឡូញបញ្ជូនទៅឱ្យប្រទេសវៀតណាមនៅដើមខែកញ្ញា។ ទន្ទឹមនឹងនេះ ស្ថាប័នពាក់ព័ន្ធនៃប្រទេសទាំងពីរក៏កំពុងផ្លាស់ប្តូរយ៉ាងសកម្មដើម្បីទទួលបានវ៉ាក់សាំងចំនួនជាង ៣ លានដូសដែលរដ្ឋាភិបាលប៉ូឡូញបានសន្យាផ្ទេជូនវៀតណាមវិញ៕
មតិពីមិត្តអ្នកអាន