យុគសម័យ - នាព្រឹកថ្ងៃទី១៣ ខែមិថុនា នៅសណ្ឋាគារ Sunrise ក្រសួងនគរបាលវៀតណាម និងក្រសួងមហាផ្ទៃកម្ពុជា បានសហការជាមួយបណ្តាស្ថាប័នពាក់ព័ន្ធរៀបចំកិច្ចប្រជុំដំណើរការផែនការបើកយុទ្ធនាការចំណុចះខ្ពស់ ឃោសនា វាយលុក បង្រ្កាបបទល្មើសគ្រឿងញៀន តាមខ្សែបន្ទាត់ព្រំដែនវៀតណាម-កម្ពុជា។
ថ្នាក់ដឹកនាំក្រសួងនគរបាលវៀតណាម និងថ្នាក់ដឹកនាំកម្ពុជា បានពិភាក្សាការងារនៅកិច្ចប្រជុំ
អញ្ជើញចូលរួមក្នុងពិធីនេះមានវត្តមានរបស់លោកឧត្តមសេនីយ៌ឯកបំរុង Le Quy Vuong អនុរដ្ឋមន្រ្តីក្រសួងនគរបាលវៀតណាម ថ្នាក់ដឹកនាំនៃនាយកដ្ឋាននគបាលស្រាវជ្រាវស៊ើបអង្កេតគ្រឿងញៀន ព្រមទាំងបណ្តាអង្គភាពជំនាញដែលពាក់ព័ន្ធ។ ខេត្ត Tay Ninh មានវត្តមានរបស់លោក Pham Viet Thanh លេខាធិការបក្សខេត្ត និងលោក Pham Van Tan ជាប្រធានគណៈកម្មាធិការប្រជាជនខេត្ត រួមទាំងថ្នាក់ដឹកនាំបណ្តាមន្ទីរ ផ្នែក និងបណ្តាអង្គភាពចំណុះខេត្ត ក៏ចូលរួមពិធីនេះផងដែរ។
លោកឧត្តមសេនីយ៌ឯកបំរុង Le Quy Vuong អនុរដ្ឋមន្រ្តីក្រសួងនគរបាលវៀតណាម ថ្លែងមតិនៅកិច្ចប្រជុំ
ចំពោះគណៈប្រតិភូកម្ពុជា អញ្ជើញចូលរួមកិច្ចប្រជុំមានវត្តមានរបស់នាយឧត្តមសេនីយ៌ នេត សាវឿន អគ្គស្នងការនគរបាលនៃអគ្គស្នងការនគរបាលជាតិ ក្រសួងមហាផ្ទៃកម្ពុជា ជាប្រធានគណៈប្រតិភូ ព្រមទាំងថ្នាក់ដឹកនាំនៃបណ្តាអង្គភាពពាក់ព័ន្ធ។
ថ្លែងមតិនៅកិច្ចប្រជុំ ប្រធានគណៈកម្មាធិការប្រជាជនខេត្ត Tay Ninh លោក Pham Van Tan បានឲ្យដឹថា៖ ខេត្ត Tay Ninh មានខ្សែព្រំដែនជាប់ជាមួយខេត្តទំាង០៣ នៃព្រះរាជាណាចក្រកម្ពុជា ដែលមានប្រវែងចំនួន ២៤០ គីឡូម៉ែត្រ ដែលមានច្រកទ្វារព្រំដែនអន្តរជាតិចំនួន ២ ច្រកទ្វារព្រំដែនផ្លូវការចំនួន៣ ច្រកទ្វារព្រំដែនមិនផ្លូវការចំនួន១១ និងផ្លូវលំជាច្រើន ជាស្ពានតភ្ជាប់ពីទីក្រុងហូជិមិញ ដែលជាមជ្ឈមណ្ឌលសេដ្ឋកិច្ច វប្បធម៌ សង្គមដ៏ធំបំផុតនៃប្រទេសវៀតណាម ជាមួយរាជធានីភ្នំពេញកម្ពុជា ជាច្រកផ្លូវគមនាគមន៍ដ៏សំខាន់ក្នុងការទំនាក់ទំនងជាមួយបណ្តាប្រទេសក្នុងតំបន់។ នេះជាសក្កានុពល និងជាអំណោយផល ដើម្បីអភិវឌ្ឍន៍សេដ្ឋកិច្ច-សង្គម ក៏ប៉ន្តែជាបញ្ហាប្រឈមស្តីពីបញ្ហាសន្តិសុខ សណ្តាប់ធ្នាប់ ការបង្ការ ប្រឆាំងរាល់បទល្មើសតាមព្រំដែន ជាពិសេសគឺបទល្មើសគ្រឿងញៀន។
ប្រធានគណៈកម្មាធិការប្រជាជនខេត្ត Tay Ninh លោក Pham Van Tan ថ្លែងមតិនៅកិច្ចប្រជុំ
ប្រធានគណៈកម្មាធិការប្រជាជនខេត្ត Tay Ninh លោក Pham Van Tan បាន សង្កត់ធ្ងន់ថា បណ្តាឆ្នាំកន្លងមក ខេត្ត Tay Ninh និងបណ្តាខេត្ត ទីក្រុងនៅទូទាំងប្រទេសបានណែនាំ អនុវត្តបណ្តាវិធានការជាច្រើន ក្នុងការប្រឆាំងបទល្មើសគ្រឿងញៀន និងសម្រេចបានលទ្ធផលគួរឲ្យកត់សំគាល់។ អនុវត្តកិច្ចសហការយ៉ាងល្អប្រសើរជាមួយបណ្តាតំបន់ អាជ្ញាធរមានសមត្ថកិច្ចនៃបណ្តាខេត្តជាប់ព្រំដែនក្នុងការប្រឆាំងបទល្មើសគ្រឿងញៀន បានវាយលុក ចាប់ខ្លួនជនល្មើសជួញដូរគ្រឿងញៀនបានច្រើនលើក ច្រើនសារ។
នៅក្នុងកិច្ចប្រជុំ តំណាងនៃប្រទេសទាំងពីរ បានផ្លាស់ប្តូរយោបល់ វាយតម្លៃពីស្ថានភាព លទ្ធផល និងបញ្ហាលំបាក និងនៅសេសសល់ក្នុងកិច្ចសហប្រតិបត្តិការ បង្ការ ប្រឆាំងបទល្មើសគ្រឿងញៀននៃប្រទេសទាំងពី និងពិភាក្សា ឯកភាពគ្នាដាក់ចេញនូវទិសដៅ ភារកិច្ច ដើម្បីបន្តលើកកំពស់ប្រសិទ្ធភាពក្នុងរយៈពេលខាងមុខ។ ជាបឋមគឺបើកយុទ្ធនាការចំណុចខ្ពស់ ឃោសនា វាយលុក បង្រ្កាបបទល្មើសគ្រឿងញៀនតាមខ្សែបន្ទាត់ព្រំដែនវៀតណាម-កម្ពុជា នឹងប្រព្រឹត្តិទៅនាថ្ងៃទី១៥ ខែមិថុនា ដល់ថ្ងៃទី១៥ ខែកញ្ញា ឆ្នាំ២០១៩។
ថ្នាក់ដឹកនាំក្រសួងនគរបាលវៀតណាម បានជនវត្ថុអនុស្សាវរីយ៌ ដល់ថ្នាក់ដឹកនាំក្រសួងហាផ្ទៃកម្ពុជា
ដើម្បីអនុវត្តឲ្យបានប្រកបដោយជោគជ័យនូវយុទ្ធនាការលើកនេះ ក្រសួងនគរបាលវៀតណាម បានប្រគល់សិទ្ធិឲ្យនាយកដ្ឋាននគរបាលស្រាវជ្រាវស៊ើបអង្កេតបទល្មើសគ្រឿងញៀន សហការយ៉ាងជិតស្និទ្ធជាមួយបញ្ជាការដ្ឋានកងទ័ពការពារព្រំដែន អគ្គនាយកដ្ឋានគយ និងស្នងការដ្ឋាននគរបាល០៥ ខេត្តរបស់កម្ពុជា គឺខេត្តកំពង់ចាម ស្វាយរៀង ព្រៃវែង តាកែវ កំពត និងខេត្តជាប់ព្រំដែនទាំង០៣ របស់វៀតណាម គឺខេត្ត Tay Ninh An Giang និង Kien Giang អនុវត្តបណ្តាវិធានការជំនាញ ក្តាប់បានពីស្ថានភាពបទល្មើសគ្រឿងញៀនតាមខ្សែបន្ទាត់ព្រំដែនកម្ពុជា-វៀតណាម ដើម្បីរកឃើញបទល្មើសគ្រឿងញៀន វិធីសាស្រ្ត ឧបាយកលនៃសកម្មភាពបទល្មើសរបស់បណ្តាមុខសញ្ញា ឲ្យទាន់ពេលវេលា សហការគ្នាដោះស្រាយរាល់ព័ត៌មានក្តៅៗពីបទល្មើសគ្រឿងញៀន ក្នុងអំឡុងពេលនៃយុទ្ធនាការនេះ មានប្រសិទ្ធភាពខ្ពស់។
ថ្នាក់ដឹកនាំក្រសួងហាផ្ទៃកម្ពុជា បានជនវត្ថុអនុស្សាវរីយ៌ ថ្នាក់ដឹកនាំក្រសួងនគរបាលវៀតណាម
បង្កើនការត្រួតពិនិត្យ បញ្ជាក់ព័ត៌មាន តាមចាប់ខ្លួនបណ្តាមុខសញ្ញាជួញដូរគ្រឿងញៀន ដែលកំពុងតាមចាប់ខ្លួន បានលាក់ខ្លួននៅក្នុងប្រទេសទាំងពីរ ដែលកំពុងធ្វើសកម្មភាព និង បង្កើតឡើងបណ្តាញជួញដូរ ដឹកជញ្ជូនគ្រឿងញៀន។ រៀបចំដំណើរការបណ្តាសកម្មភាពឃោសនា អំពាវនាវប្រជាជនចូលរួមយ៉ាងសកម្មក្នុងចលនាប្រជាជនទាំងអស់ចូលរួមការពារ ថែរក្សាសន្តិសុខ ប្រឆាំងបទល្មើសគ្រឿងញៀន។
ថ្នាក់ដឹកនាំនៃប្រទេសទាំងពីរ បានថតរូបជាអនុស្សាវរីយ៌
សូមជំរាបជូនថា ក្នុងរយៈពេល០៦ ខែនាដើមឆ្នាំ២០១៩ បណ្តាស្ថាប័នមានសមត្ថកិច្ចបានរកឃើញ ចាប់ខ្លួន និងដោះស្រាយករណីដែលពាក់ព័ន្ធដល់គ្រឿងញៀនចំនួន ១៣.០០០ លើក និងមុខសញ្ញាដែលជាប់ពាក់ព័ន្ធដល់បទល្មើសគ្រឿងញៀន ជិត ២១០០០ នាក់ បានរឹបអូសគ្រឿងញៀនគ្រប់ប្រភេទ ជិត ៦ តោន។
ចាប់ទាំងពីរឆ្នាំ២០១៨ដល់ ០៦ខែ នាដើមឆ្នាំ២០១៩ បណ្តាបទល្មើសដែលពាក់ព័ន្ធដោយផ្ទាល់នៅលើតំបន់ព្រំដែន និងច្រកទ្វារព្រំដែនវៀតណាម-កម្ពុជា ត្រូវបានកម្លាំងសមត្ថកិច្ចចាប់ខ្លួនមានចំនួន១៧ ករណី មានមុខសញ្ញា ចំនួន២៩ នាក់ រឹបអូសបាន heroin ចំនូន ៣៩ ដុំ និង៨៨.៥ គីឡូក្រោម និងគ្រឿងញៀន ចំនួន ១៩០.៤៤៧ គ្រាប់៕
（យោងតាម baotayninh.vn បកប្រែដោយសំណាង）
មតិពីមិត្តអ្នកអាន