កាសែតហុងកុងបានកោតសរសើរវៀតណាមចំពោះការប្រយុទ្ធប្រឆាំងនឹងការរីករាលដាលជំងឺកូវីដ១៩ យ៉ាងឆាប់ហ័សនិងមានប្រសិទ្ធភាព

នាយករដ្ឋមន្រ្តីវៀតណាម​លោក Nguyen Xuan Phuc (រូបថត៖ Twitter)

អត្ថបទមួយដែលបានចុះផ្សាយនៅក្នុងកាសែតអេឡិចត្រូនិកជាភាសាអង់គ្លេស Asia Times (មានទីស្នាក់ការប្រចាំនៅទីក្រុងហុង ប្រទេសចិន) នាថ្ងៃទី ១៩ ខែមីនាឆ្នាំ ២០២០ បានកត់សម្គាល់ថា រដ្ឋាភិបាលវៀតណាមបានចាត់វិធានការយ៉ាងឆាប់រហ័ស ប្រសិទ្ធភាពនិងតម្លាភាពចំពោះការផ្ទុះឡើងនៃជំងឺកូវីដ១៩ ដែលបង្កឡើងដោយវីរុស SARS-CoV-2 ។

អ្នកនិពន្ធបានកត់សម្គាល់ថាប្រទេសវៀតណាមបានឆ្លើយតបយ៉ាងលឿនជាងបណ្តាប្រទេសនៅអាស៊ីដទៃទៀត នៅពេលផ្អាកការចូលនិងចេញរវាងវៀតណាមនិងចិនកាលពីខែមករាឆ្នាំ ២០២០ ដែលជាពេលវេលាដែលការផ្ទុះឡើងនៃជម្ងឺរាតត្បាតកូវីដ១៩។ កាសែតនេះក៏បានដកស្រង់សម្តីរបស់លោកសាស្ត្រាចារ្យអូស្ត្រាលី Carl Thayer ដោយបានវាយតម្លៃថានាយករដ្ឋមន្រ្តីវៀតណាម​លោក Nguyen Xuan Phuc “បានចាត់វិធានការយ៉ាងសកម្មនិងមានភាពម្ចាស់ការទាន់ពេលវេលា” ផងដែរ។

លោក សាស្រ្តាចារ្យ Thayer បានមានប្រសាសន៍ថា៖“ លោកនាយករដ្ឋមន្រ្តីវៀតណាម Nguyen Xuan Phuc បានបង្កើតក្រុមការងារជំនាញខាងត្រួតពិនិត្យថ្នាក់ជាតិ ខេត្ត ក្រុង និងមូលដ្ឋាននានា ហើយរដ្ឋាភិបាលវៀតណាមក៏បានមមាញឹកអនុវត្តយុទ្ធនាការផ្សព្វផ្សាយយ៉ាងសកម្មទាន់ហេតុការណ៍ ដើម្បីលើកទឹកចិត្តដល់ប្រជាពលរដ្ឋឱ្យធ្វើអ្វីដែលចាំបាច់ និងកាត់បន្ថយការរីករាលដាលនៃវីរុសនេះតែម្តង៕

（បកប្រែដោយ ហេងវុធ្ធី）

（ប្រភពព័ត៌មាន: tapchithongtindoingoai.vn）

（បកប្រែដោយ ហេងវុធ្ធី）