យុគសម័យ- នាថ្ងៃទី៨ ខែមីនា នៅភូមិ A Pa Chai ស្រុក Muong Nhe (ខេត្ត Dien Bien ប្រទេសវៀតណាម) បញ្ជាការដ្ឋានកងទ័ពការពារព្រំដែនខេត្ត Dien Bien បានប្រគល់ម៉ាស់ចំនួន ១០ ម៉ឺនជូនដល់កម្លាំងការពារព្រំដែនប្រទេសចិន ដើម្បីរួមដៃប្រយុទ្ធប្រឆាំនឹងការរីករាលដាលជម្ងឺ Covid-19។
កងទ័ពការពារព្រំដែនខេត្ត Dien Bien ប្រគល់ម៉ាស់ជូនដល់កងកម្លាំងការពារព្រំដែននៃប្រទេសចិន។ (រូបថត៖ កាសែត Bo doi Bien phong)
ក្នុងអំឡុងពេលកន្លេងមក ក្រៅពីការពិនិត្យសុខភាព កងទ័ពការពារព្រំដែនខេត្ត Dien Bien តែងតែផ្លាស់ប្តូរព័ត៌មានជាមួយកម្លាំងការពារព្រំដែនប្រទេសចិន និងសហការយ៉ាងជិតស្និទ្ធក្នុងការរៀបចំការទទួលពលរដ្ឋវៀតណាមដែលវិលត្ររឡប់ពីប្រទេសចិនមក។
កងទ័ពការពារព្រំដែនខេត្តបានសហាករជាមួយស្ថាប័នសុខាភិបាលនៅតំបន់ ដើម្បីបង្ការនិងទប់ស្កាត់ជំងឺរាតត្បាត ក៏ដូចជាដោះស្រាយរាល់បញ្ហាដែលកើតឡើងនៅច្រករបៀងតាមបណ្តោយព្រំដែន បង្កើនការឃោសនាដើម្បីប្រជាជនលើកកម្ពស់ការយល់ដឹងអំពីការប្រយុទ្ធប្រឆាំងនឹងជំងឺដោយស្ម័គ្រចិត្ត ពង្រឹងសុខភាពការពារខ្លួន និងសហគមន៍៕
（បកប្រែដោយឌីណា）
មតិពីមិត្តអ្នកអាន