វៀតណាមបាននាំចេញបង្គាចំនួន ១៦០ តោនទៅកាន់សហភាពអឺរ៉ុប អាមេរិកនិងជប៉ុននៅដើមឆ្នាំ ២០២១

វៀតណាមបាននាំចេញបង្គាចំនួន ១៦០ តោនទៅកាន់សហភាពអឺរ៉ុប អាមេរិកនិងជប៉ុននៅដើមឆ្នាំ ២០២១

នាថ្ងៃទី ៥ មករា នៅក្រុមហ៊ុនភាគហ៊ុនជលផល Minh Phu - Hau Giang នោះ ក្រសួងកសិកម្មនិងអភិវឌ្ឍន៍ជនបទបានរួមសហការជាមួយគណៈកម្មាធិការប្រជាជនខេត្ត Hau Giang និងសម្ព័ន្ធក្រុមហ៊ុន Minh Phu រៀបចំពិធីនាំចេញបង្គរចំនួន ១៦០ តោន ជើងដំបូងក្នុងឆ្នាំ២០២១ ទៅកាន់ទីផ្សារអឺរ៉ុប (EU) សហរដ្ឋអាមេរិក និងជប៉ុន។ ថ្លែងនៅក្នុងពិធីនេះ អនុរដ្ឋមន្រ្តីក្រសួងកសិកម្មនិងអភិវឌ្ឍន៍ជនបទ លោក Phung Duc Tien បានសង្កត់ធ្ងន់ថា ការនាំចេញជលផលនីមួយៗ គឺជាសារមួយ ដែលបានផ្ញើទៅកាន់មិត្តភក្តិអន្តរជាតិអំពីគុណភាព នៅពេលប្រើប្រាស់ទំនិញវៀតណាម។ លោក Phung Duc Tien បានស្នើឲ្យខេត្ត ក្រុងនានាលើកទឹកចិត្តការអភិវឌ្ឍផលិតកម្មតាមទិសតភ្ជាប់ខ្សែសង្វាក់ ព្រមទាំងគ្រប់គ្រងគុណភាពនៃធាតុចូល ក៏ដូចជាគ្រប់គ្រងលក្ខខ័ណ្ឌចិញ្ចឹម សំដៅធានា គុណភាព សុវត្ថិភាពចំណីអាហារជលផលផងដែរ។

សាជីវកម្មគ្រឿងសមុទ្រមីងភូក្នុងឆ្នាំកន្លងមកក៏បានចូលរួមចំណែកលទ្ធផលសំខាន់ៗជាច្រើនដល់លទ្ធផលទូទៅនៃឧស្សាហកម្ម។ សម្ព័ន្ធក្រុមហ៊ុនបានពុះពារលើការលំបាកជាច្រើនក្នុងការរៀបចំផលិតកម្មជាមួយផលបង្គាកែច្នៃសំរាប់នាំចេញឈានដល់ ៥៥,០០០ តោនចំណូលនាំចេញឈានដល់ ៥៨០ លានដុល្លារបង្កើតការងារជូនកម្មករជាង ៥០០០ នាក់។

ដើម្បី ឲ្យ ការនាំចេញគ្រឿងសមុទ្ររបស់វៀតណាមបន្តទទួលជោគជ័យនាពេលខាងមុខដោយមានការចូលរួមយ៉ាងសំខាន់ក្នុងដំណើរការកសាងនិងអភិវឌ្ឍន៍ជាតិអនុរដ្ឋមន្រ្តី Phung Duc Tien បានស្នើ ឲ្យ បណ្តាមូលដ្ឋានត្រូវអនុវត្តយ៉ាងតឹងរឹង។ បទប្បញ្ញត្តិនិងឯកសារណែនាំរបស់ក្រសួងកសិកម្មនិងអភិវឌ្ឍន៍ជនបទ ត្រូវជូនដំណឹងដល់កសិករឱ្យបានច្បាស់អំពីបទប្បញ្ញត្តិថ្មីទិសដៅផលិតកម្មព័ត៌មានទីផ្សារ។ ដើម្បីជំរុញការអភិវឌ្ឍផលិតកម្មឆ្ពោះទៅរកខ្សែសង្វាក់។

（ប្រែសម្រួលដោយ ហេង វុធ្ធី）

（ប្រភពព័ត៌មាន: thoidai.com.vn）