អាស៊ានប្តេជ្ញាកសាងសមុទ្រខាងកើតប្រកបដោយសុវត្ថិភាពនិងសហប្រតិបត្តិការ

នាយករដ្ឋមន្រ្តីវៀតណាមលោក Nguyen Xuan Phuc

នាថ្ងៃទី ២៦ ខែមិថុនា កិច្ចប្រជុំកំពូលអាស៊ានលើកទី ៣៦ បានធ្វើឡើង។ ក្នុងកិច្ចប្រជុំនេះ បណ្តាប្រទេស ជាសមាជិកអាស៊ានបានពិភាក្សាគ្នាលើបញ្ហាមួយចំនួនដូចជាកិច្ចខិតខំប្រឹងប្រែងក្នុងការទប់ស្កាត់ជំងឺរាតត្បាតកូវីដ ១៩ ស្ថានភាពនៃកិច្ចសហប្រតិបត្តិការអាស៊ាននៅក្នុងរយៈពេល ៦ ខែដំបូងនៃឆ្នាំនេះ រួមទាំង ហពិភាក្សាអំពីស្ថានភាពអន្តរជាតិនិងតំបន់ជាដើម។ឆ្លើយបទសម្ភាសន៍ក្រោយសន្និសីទសារព័ត៌មាន លោកនាយករដ្ឋមន្រ្តីវៀតណាម​ Nguyen Xuan Phuc (ប្រធានអាស៊ាន ២០២០) បានមានប្រសាសន៍ ថាបណ្តាប្រទេសសមាជិកអាស៊ានបានឯកភាពគ្នាថែរក្សាបរិស្ថានសន្តិភាព ស្ថិរភាពនិងវិបុលភាព។ អាស៊ានប្រកាន់ខ្ជាប់តាមស្មារតីសុឆន្ទៈនិងគោរពច្បាប់ជាពិសេសច្បាប់អន្តរជាតិក្នុងការដោះស្រាយភាព ខុសគ្នាក្នុងតំបន់។តាមរយៈការពិភាក្សាបណ្តាប្រទេសសមាជិកអាស៊ានបានឯកភាពបន្តលើកកម្ពស់សន្តិភាពស្ថិរភាពសន្តិសុខនិងសុវត្ថិភាពនិងអនុវត្តកិច្ចព្រមព្រៀងនិងការប្តេជ្ញាចិត្តអន្តរជាតិយ៉ាងល្អប្រសើរតាម រយៈការសន្ទនានិងកិច្ចសហប្រតិបត្តិការ ក្នុងនោះមានអនុសញ្ញាស្តីពីច្បាប់សមុទ្រឆ្នាំ ១៩៨២ (UNCLOS 1982)

បើតាមលោកនាយករដ្ឋមន្រ្តីវៀតណាមបានបន្ថែមទៀតថាបណ្តាប្រទេសសមាជិកអាស៊ានសុទ្ធសឹងតែអំពាវនាវឱ្យភាគីនានាអត់ធ្មត់និងចៀសវាងធ្វើឱ្យស្ថានការណ៍ស្មុគស្មាញនិងគោរពយ៉ាងពេញលេញបនូវបទប្បញ្ញត្តិអន្តរជាតិផងដែរ។ ជាពិសេសអនុវត្តសេចក្តីប្រកាសស្តីពីការប្រព្រឹត្តិរបស់ភាគីនានានៅសមុទ្រ ខាងកើត (DOC) ព្រមទាំងស្តារឡើងវិញនូវការចរចាស្តីពីក្រមប្រតិបត្តិនៅសមុទ្រខាងកើត (COC) ប្រកបដោយប្រសិទ្ធភាពនិងសមស្របផងដែរ។ លោកនាយករដ្ឋមន្រ្តីវៀតណាមក៏បានអះអាងទៀតថា សន្តិភាព សន្តិសុខ ស្ថិរភាពក្នុងតំបន់ជានិយាយដោយឡែកនិងសមុទ្រខាងកើតនិយាយរួម គឺជាផល ប្រយោជន៍រួមរបស់សហគមន៍ ជាពិសេសគឺបណ្តាប្រទេសសមាជិកអាស៊ាន។ ហេតុដូច្នេះអាស៊ានបាន ខិតខំប្រឹងប្រែង ជាច្រើនដោយចូលរួមពីការរក្សាការសន្ទនាជំរុញកិច្ចសហប្រតិបត្តិការក្នុងការកសាង និតិវិធីនិងបទប្បញ្ញត្តិនៃប្រតិបត្តិនៅសមុទ្រខាងកើតទោះបីជាប្រទេសខ្លះជឿជាក់ថាជំងឺរាតត្បាតបាន ប៉ះពាល់ដល់ដំណើរការចរចាផងដែរ៕

（បកប្រែដោយ ហេង វុធ្ធី）

（ប្រភពព័ត៌មាន: thoidai.com.vn）

（បកប្រែដោយ ហេង វុធ្ធី）