កិច្ចប្រជុំកំពូលអាស៊ានលើកទី ៣៦ នឹងប្រព្រឹត្តទៅ តាមរយៈប្រព័ន្ធវីដេអូ (Video-Conference)

លោកនាយករដ្ឋមន្រ្តី Nguyen Xuan Phuc ប្រធានអាស៊ាន ២០២០ បានថ្លែងសុន្ទរកថាបើកកិច្ចប្រជុំកំពូលអាស៊ានបូក ៣ ស្តីពី​ការឆ្លើយតបទៅនឹងការរីករាលដាលនៃ COVID-១៩ ។ (រូបថត៖ ទីភ្នាក់ងារសារព័ត៌មានវៀតណាម)

នៅថ្ងៃទី ២១ ខែមិថុនា​សេចក្តីប្រកាសរបស់ក្រសួងការបរទេស​បាន​បញ្ជាក់​ថា​ កិច្ចប្រជុំកំពូលអាស៊ានលើកទី ៣៦ នឹងប្រព្រឹត្តទៅនៅថ្ងៃទី ២៦ ខែមិថុនា តាមរយៈប្រព័ន្ធវីដេអូ (Video-Conference) ។

ក្នុងនាមជាប្រធានអាស៊ានឆ្នាំ ២០២០ លោកនាយករដ្ឋមន្រ្តីនៃសាធារណ​រដ្ឋ​សង្គម​និយមវៀតណាម​ Nguyen Xuan Phuc នឹងអញ្ជើញធ្វើជាអធិបតី​ក្នុង​សម័យប្រជុំបើក សម័យប្រជុំពេញអង្គ​ សម័យប្រជុំពិសេសស្តីពី ការបង្កើនផ្តល់អំណាចដល់ស្ត្រីនៅក្នុងយុគសម័យឌីជីថល។ ការសន្ទនារវាងថ្នាក់ដឹកនាំនៃបណ្តាប្រទេសអាស៊ាននិងអង្គការអន្តរសភាអាស៊ាន (AIPA) តំណាងយុវជនអាស៊ាន ក្រុមប្រឹក្សា​ធុរកិច្ចអាស៊ាន (ASEAN-BAC) ។

លោកស្រីប្រធានរដ្ឋសភា Nguyen Thi Kim Ngan និងជាប្រធាន AIPA ៤១ នឹងថ្លែងក្នុងសម័យប្រជុំពិសេសស្តីពីការបង្កើនផ្តល់អំណាចដល់ស្ត្រី​ក្នុងយុគសម័យឌីជីថល និងរួមជាមួយលោកស្រីអនុប្រធាន​អចិន្ត្រៃយ៍រដ្ឋសភា​ Tong Thi Phong ប្រធានគណៈ ប្រតិភូវៀតណាមនៅ AIPA ដែលអញ្ជើញ​ចូលរួមក្នុងកិច្ចសន្ទនារវាងមេដឹកនាំអាស៊ាននិង AIPA ។

មុននេះនៅថ្ងៃទី ២២-២៤ ខែមិថុនា ការប្រជុំត្រៀមនឹង​រៀបចំ​ឡើង។

លោកឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេស Pham Binh Minh អញ្ជើញធ្វើជាអធិបតីក្នុងកិច្ចប្រជុំរដ្ឋមន្ត្រីការបរទេសអាស៊ានក្រៅផ្លូវការ​ក្រុមប្រឹក្សាសម្របសម្រួលអាស៊ានលើកទី ២៦ និង​សហគមន៍​នយោបាយ សន្តិសុខអាស៊ានលើកទី ២១ ។

លោករដ្ឋមន្ត្រីក្រសួងឧស្សាហកម្មនិងពាណិជ្ជកម្ម Tran Tuan Anh អញ្ជើញ​ធ្វើជាអធិបតីក្នុងកិច្ចប្រជុំរដ្ឋមន្ត្រីចូលរួមបណ្តាប្រទេសដែល​ចូលរួម​ក្នុងការចរចាភាពជាភាពដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ។

លោករដ្ឋមន្ត្រីក្រសួងពលកម្ម យុទ្ធជន​ពិការ​ សង្គមកិច្ច​ Dao Ngoc Dung អញ្ជើញធ្វើជាអធីបតី ក្នុង​សន្និសីទ​សហគមន៍និងវប្បធម៌អាស៊ានលើកទី ២៣ ./.

（បកប្រែដោយឌីណា）

（បកប្រែដោយឌីណា）