ក្រុមប្រឹក្សាសន្តិសុខអង្គការសហប្រជាជាតិគាំទ្រដំណោះស្រាយនយោបាយចំពោះស្ថានភាពនៅស៊ីរី

លោកឯកអគ្គរដ្ឋទូត Dang Dinh Quy ប្រធានក្រុមបេសកកម្មវៀតណាមប្រចាំនៅអង្គការសហប្រជាជាតិ

បណ្តាប្រទេសសមាជិកក្រុមប្រឹក្សាសន្តិសុខអង្គការសហប្រជាជាតិបានគាំទ្រដំណោះស្រាយនយោបាយចំពោះស្ថានភាពនៅស៊ីរីដោយអំពាវនាវឱ្យភាគីនានាបន្តរក្សាស្ថិរភាព សន្តិសុខ បន្តរក្សាការផ្លាស់ប្តូរនិងកិច្ចសហប្រតិបត្តិការដើម្បីត្រៀមខ្លួនជាស្រេច វិលត្រឡប់ មករកតុចរចាវិញ ក្នុងក្របខ័ណ្ឌនៃ គណៈកម្មការធម្មនុញ្ញ នៅពេលដែលស្ថានភាពជំងឺ Covid-19 ត្រូវបានគ្រប់គ្របបានយ៉ាងល្អផងដែរ។

ខណៈពេលដែលប្រទេសមួយចំនួនទៀតបានសំដែងការព្រួយបារម្ភថាវិធានការដាក់ទណ្ឌកម្មឯកតោភាគីមួយចំនួនអាចកាត់បន្ថយសមត្ថភាពទប់ស្កាត់នឹងជំងឺ Covid-19 របស់ប្រទេសស៊ីរី ហើយបណ្តាប្រទេសសមាជិកសហភាពអឺរ៉ុបនិង អង់គ្លេសបានទទូចថារាល់ការដាក់ទណ្ឌកម្មតែងតែលើកលែងបញ្ហាមនុស្សធម៌ ដើម្បីមិនធ្វើឲ្យប៉ះពាល់ដល់ប្រជាជនផងដែរ។

លោកឯកអគ្គរដ្ឋទូត Dang Dinh Quy ប្រធានក្រុមបេសកកម្មវៀតណាមប្រចាំនៅអង្គការសហប្រជាជាតិបានសង្ឃឹមថាស្ថានភាពក្នុងដំណាក់កាលនាបច្ចុប្បន្ននឹងបង្កើនសន្ទុះសម្រាប់ដំណើរការនយោបាយនិងការប្រយុទ្ធប្រឆាំងនឹង COVID-19 នៅស៊ីរី ហើយលោកក៏អំពាវនាវភាគីនានាគាំទ្រចំពោះការអំពាវនាវឈប់បាញ់របស់អគ្គលេខាធិការអង្គការសហប្រជាជាតិផងដែរ។លោកឯកអគ្គរដ្ឋទូត Dang Dinh Quy បានបន្ថែមទៀតថាចាំបាច់ត្រូវតែគាំទ្រ់ដំណោះស្រាយនយោបាយនៅក្នុងប្រទេសស៊ីរី ក៏ដូចជាក្នុងការជួយឧបត្ថម្ភដល់ប្រជាជនស៊ីរីក្នុងរយៈពេលដ៏លំបាកនាពេលបច្ចុប្បន្ននេះផងដែរ៕

（បកប្រែដោយ ហេងវុធ្ធី）

（ប្រភពព័ត៌មាន: baotintuc.vn）

（បកប្រែដោយ ហេងវុធ្ធី）