នាយករដ្ឋមន្ត្រីបានប្រគល់ភារកិច្ច “ជោគជ័យ៣” សម្រាប់គណៈកម្មាធិការជាតិអាស៊ានឆ្នាំ ២០២០

នាយករដ្ឋមន្ត្រី លោក Nguyen Xuan Phuc អញ្ជើញថ្លែងមតិក្នុងពិធី (រូបថតៈ Chinhphu.vn)

អញ្ជើញថ្លែងមតិក្នុងពិធីបង្ហាញជាផ្លូវការរបស់គណៈកម្មាធិការជាតិអាស៊ាន ២០២០ នារសៀលថ្ងៃទី ២៤ ធ្នូនៅរដ្ឋធានីហាណូយ នាយករដ្ឋមន្ត្រីវៀតណាមលោក Nguyen Xuan Phuc បានអះអាងថា ក្នុងរយៈពេលជាង ៥ ទសវត្ស នៃការបង្កើតនិងអភិវឌ្ឍន៍មក អាស៊ានទទួលបានជោគជ័យក្នុងការបង្កើតឲ្យប្រជាជនអាស៊ីអាគ្នេយ៍ ៦៣០នាក់នូវដំបូលរួម នោះគឺ សហគមន៍អាស៊ានដែលមានសសរស្តម្ភចំនួន៣ គឺ នយោបាយ - សន្តិសុខ សេដ្ឋកិច្ចនិងវប្បធម៌ - សង្គម។

នេះគឺជា “ដំបូលពោរពេញទៅដោយភាពសុខសាន្តត្រាណ” សម្រាប់មនុស្សទាំងអស់ ហើយបន្តត្រូវបានពង្រឹងដោយសន្តិភាព ស្ថិរភាព កិច្ចសហប្រតិបត្តិការនិងការអភិវឌ្ឍន៍។ នៅឆ្នាំ ២០១៨ GDP របស់អាស៊ានបានកើនឡើង ៥,១% ទទួលបានជិត៣ពាន់ពាន់លានដុល្លារអាមេរិក ដែលជាខឿនសេដ្ឋកិច្ចទទួលបានកំណើនឆាប់រហ័សបំផុត មានទ្រង់ទ្រាយធំលំដាប់ទី ៦ លើពិភពលោក។

ឧបនាយករដ្ឋមន្ត្រី រដ្ឋមន្ត្រីការបរទេស លោក Pham BInh Minh អញ្ជើញថ្លែងមតិដោយជ្រួតជ្រាបនូវប្រសាសន៍របស់នាយករដ្ឋមន្ត្រី លោក Nguyen Xuan Phuc (រូបថតៈ baoquocte)

នាយករដ្ឋមន្ត្រីបានលើកច្បាស់ថា ឆ្នាំ ២០២០ គឺជាឆ្នាំដែលគូសសញ្ញានូវ រយៈពេល ២៥ ឆ្នាំ ដែលវៀតណាមក្លាយទៅជាសមាជិកនៃ “មហាគ្រួសារ” របស់អាស៊ាន ហើយយើងមានមោទនភាពថា ក្នុងរាល់ជោគជ័យរបស់អាស៊ានតែងតែមានការចូលរួមចំណែកយ៉ាងសំខាន់របស់វៀតណាម- ជាសមាជិកសកម្ម ម្ចាស់ការនិងមានការទទួលខុសត្រូវ និងជានិច្ចកាលចូលរួមជាមួយរដ្ឋជាសមាជិកដទៃទៀត ក្នុងការពង្រឹងសាមគ្គីភាព ការអភិវឌ្ឍអាស៊ានឲ្យកាន់តែរឹងមាំរឹងមាំនិងរឹងមាំពីមួយថ្ងៃទៅមួយថ្ងៃ ដើម្បីឆ្ពោះទៅរកការស្ថាបនាប្រកបដោយជោគជ័យនៃសហគមន៍អាស៊ាន។

នាយករដ្ឋមន្ត្រីបានឲ្យដឹងថែមទៀតថា ឆ្នាំប្រធានអាស៊ាន២០២០គឺជាព្រឹត្តិការណ៍អន្ដរជាតិពហុភាគីធំបំផុត ហើយបញ្ជាក់ថា អាស៊ានបានឆ្លងកាត់ពាក់កណ្តាលនៃការអនុវត្តផែនការមេស្តីពីការកសាងសហគមន៍អាស៊ានឆ្នាំ ២០២៥ ។ ហេតុដូច្នេះ ការរៀបចំប្រកបដោយជោគជ័យឆ្នាំប្រធានអាស៊ានអាស៊ានឆ្នាំ ២០២០ មានសារៈសំខាន់ខ្លាំងណាស់ ហើយក៏ជាពេលវេលាសម្រាប់អាស៊ានក្នុងការវាយតម្លៃពាក់កណ្តាលអាណត្តិ ដើម្បីសម្រេចនូវជំហានបន្ទាប់ ឈានដល់អនុវត្តន៍ប្រកបដោយជោគជ័យគោលដៅកសាងសហគមន៍អាស៊ានឆ្នាំ ២០២៥ ។

រូបថតៈ chinhphu.vn.

នាយករដ្ឋមន្ត្រីលោក​ Nguyen Xuan Phuc បានគូសបញ្ជាក់ថា គណៈកម្មការជាតិអាស៊ាន២០២០ បានបង្ហាញជាផ្លូវការនាថ្ងៃនេះ គឺសម្តែងភាពម្ចាស់ការរបស់វៀតណាមជាមួយនឹងការទទួលខុសត្រូវសម្រាប់ឆ្នាំប្រធានអាស៊ាន២០២០។

បន្ទាប់ពីពិធីបង្ហាញមក គណកម្មាធិការជាតិអាស៊ាន២០២០ បានបើកកិច្ចប្រជុំ ដំបូងរបស់ខ្លួន ក្រោមអធិបតីភាពរបស់ឧបនាយករដ្ឋមន្ត្រី រដ្ឋមន្ត្រីការបរទេស លោក Pham Binh Minh ប្រធានគណៈកម្មាធិការផងដែរ។

សូមគូសបញ្ជាក់ថា គណៈកម្មាធិការជាតិអាស៊ាន២០២០ មានសមាជិកចំនួន ២៩រូប ក្នុងនោះមានអនុគណៈកម្មាធិការចំនួន ៥ គឺអនុកម្មាធិការទទួលបន្ទុកមាតិកា; ពិធីការ; ការឃោសនា វប្បធម៌; ការដឹកជញ្ជូន សន្តិសុខ ការថែទាំសុខភាព និងលេខាធិការដ្ឋានអាស៊ាន ២០២០ ផងដែរ៕

（សរុបព័ត៌មាន ដោយ ស្រីព្រេជ）

（សរុបព័ត៌មាន ដោយ ស្រីព្រេជ）