ជម្រុញឲ្យបង្កើតសមាគមមិត្តភាពវៀតណាម-ម៉ារ៉ុក-ស្ពានតភ្ជាប់ការជួយប្រាស្រ័យប្រជាជន

07:24 | 18/07/2018 （ប្រែសម្រូលដោយស្រីពេជ្រ）

យុគសម័យ - នាព្រឹកថ្ងៃទី១៧ខែកក្កដា នៅទីក្រុងហាណូយ អនុប្រធានទទួលបន្ទុកអគ្គលេខាធិការសម្ព័ន្ធសមាគមបណ្តាអង្គការមិត្តភាពវៀតណាម លោក Don Tuan Phong បានអញ្ជើញទទួលជួបជាមួយឯកអគ្គរដ្ឋទូតម៉ារ៉ុកប្រចាំនៅវៀតណាម លោក Azzddien Farhane។

អនុប្រធានលោក Don Tuan Phong អញ្ជើញទទួលជួបជាមួយលោក Azzddien Farhane (រូបថតៈ Phuong Mai)

ក្នុងជំនួបនេះ ឯកអគ្គរដ្ឋទូតម៉ារ៉ុក Farhane បានរំលឹកដល់កំណត់ហេតុនៃសម័យប្រជុំលើកទី៤ គណៈកម្មាធិការចម្រុះរវាងរដ្ឋាភិបាលនៃព្រះរាជាណាចក្រម៉ារ៉ុកនិងរដ្ឋាភិបាលវៀតណាម ដោយអនុរដ្ឋមន្ត្រីការបរទេសវៀតណាមលោក Vu Hong Nam និងរដ្ឋលេខាធិការក្រសួងការបរទេសនិងសហប្រតិបត្តិការម៉ារ៉ុក Mounia Boucetta ចុះហត្ថលេខាកាលពីខែមេសាឆ្នាំ២០១៨កន្លងមកនេះ។ ក្នុងនោះ ភាគីទាំងពីរបានឯកភាព ជម្រុញ បង្កើននិងធ្វើឲ្យកាន់តែស៊ីជម្រៅនូវទំនាក់ទំនងលើគ្រប់វិស័យ រួមទាំងការជួបប្រាស្រ័យប្រជាជន។ ជាក់ស្តែងគឺ ភាគីទាំងពីរបានគាំទ្រការបង្កើតសមាគមមិត្តភាពម៉ារ៉ុក-វៀតណាម។ ទន្ទឹមជាមួយគ្នានេះ ភាគីវៀតណាមនឹងជួយឧបត្ថម្ភការបង្កើតសមាគមមិត្តភាពវៀតណាម-ម៉ារ៉ុក សំដៅជម្រុញទំនាក់ទំនងទ្វេភាគី។

ឈរលើមូលដ្ឋាននោះ ឯកអគ្គរដ្ឋទូត Farhane ក៏បានសម្តែងនូវគោលបំណង ជម្រុញឲ្យបានឆាប់ៗ ដំណើរការបង្កើតសមាគមមិត្តភាពវៀតណាម-ម៉ារ៉ុក។ លោកសង្ឃឹមថា សម្ព័ន្ធសមាគមបណ្តាអង្គការមិត្តភាពវៀតណាម នឹងជួយណែនាំនូវបុគ្គល អង្គការមានលក្ខណៈសម្បត្តិល្អ មានសមត្ថភាពពេញលេញ ដើម្បីចូលរួមចំណែកនិងដើម្បីការអភិវឌ្ឍខណៈដែលសមាគមបានចាប់បដិសន្ធិជាផ្លូវការ។

អញ្ជើញថ្លែងអំណរគុណចំពោះរាល់ការរួមវិភាគទានរបស់លោកឯកអគ្គរដ្ឋទូតក្នុងការជម្រុញទំនាក់ទំនងទ្វេភាគីជាពពិសេសលើវិស័យកិច្ចការបរទេសប្រជាជននោះ អនុប្រធាន លោក Don Tuan Phong បានអះអាងសារជាថ្មីថា សម្ព័ន្ធសមាគមនឹងខិតខំប្រឹងប្រែងក្នុងការជម្រុញដំណើរការបង្កើតសមាគមមិត្តភាពវៀតណាម-ម៉ារ៉ុកឲ្យបានឆាប់ៗ៕

（ប្រែសម្រូលដោយស្រីពេជ្រ）

Tags: ជម្រុញ បង្កើត សមាគម មិត្តភាព វៀតណាម ម៉ារ៉ុក ស្ពាន តភ្ជាប់ ជួយប្រាស្រ័យ ប្រជាជន

មតិពីមិត្តអ្នកអាន

ព័ត៌មានថ្មីៗ

VJCE ជម្រុញការផ្លាស់ប្តូរប្រជាជនវៀតណាម - ជប៉ុន

យុគសម័យ - ថ្ងៃទី ១៨ ខែកក្កដា មជ្ឈមណ្ឌលជម្រុញកិច្ចសហប្រតិបត្តិការវប្បធម៌ អប់រំវៀតណាម - ជប៉ុន VJCE បានចេញមុខជាផ្លូវការនូវការិយាល័យតំណាងនៅឯរាជធានី Hanoi បើកចេញនូវដំណាក់កាលថ្មីនៅក្នុងសកម្មភាពតភ្ជាប់ការអប់រំ វប្បធម៌ព្រមទាំងការផ្លាស់ប្តូរប្រជាជនរវាងវៀតណាមនិងជប៉ុន។

ជម្រុញកិច្ចសហប្រតិបត្តិការសេដ្ឋកិច្ចវៀតណាម - ប៉ារ៉ាហ្គាយ

យុគសម័យ - ជាមួយនិងទំហំពាណិជ្ជកម្មទ្វេភាគីសម្រេចបានប្រមាណ ៩៣ លានដុល្លារអាមេរិកនៅក្នុងឆ្នាំ ២០២៥ វៀតណាមព្រមទាំងប៉ារ៉ាហ្គាយកំពុងឈរនៅចំពោះមុខកាលានុវត្តភាពជាច្រើនក្នុងការពង្រីកកិច្ចសហប្រតិបត្តិការនៅក្នុងបណ្តាវិស័យពាណិជ្ជកម្ម ការវិនិយោគព្រមទាំងកសិកម្ម។ ការបំពេញបន្ថែមឱ្យគ្នាទៅវិញទៅមករវាងខឿនសេដ្ឋកិច្ចទាំងពីររួមជាមួយនិងបណ្តាការខិតខំប្រឹងប្រែងជម្រុញការតភ្ជាប់សហគ្រាសត្រូវបានរំពឹងថានឹងបង្កើតជាកម្លាំងចលករនាំយកទំនាក់ទំនងសេដ្ឋកិច្ចទ្វេភាគីអភិវឌ្ឍន៍យ៉ាងខ្លាំងក្លាថែមទៀតនាពេលខាងមុខ។

ខេត្ត Hung Yen ជម្រុញការវិនិយោគព្រមទាំងពាណិជ្ជកម្មនៅឯកូរ៉េខាងត្បូង

យុគសម័យ - ថ្មីៗនេះ នៅឯរាជធានី Seoul គណៈកម្មាធិការប្រជាជនខេត្ត Hung Yen សម្របសម្រួលជាមួយនិងនាយកដ្ឋានជម្រុញពាណិជ្ជកម្មនៃក្រសួងឧស្សាហកម្មនិងពាណិជ្ជកម្មវៀតណាម ស្ថានទូតវៀតណាមប្រចាំនៅកូរ៉េខាងត្បូង ទីភ្នាក់ងារជម្រុញពាណិជ្ជកម្មព្រមទាំងការវិនិយោគកូរ៉េខាងត្បូង KOTRA ចាត់តាំងសន្និបាតជម្រុញការវិនិយោគព្រមទាំងពាណិជ្ជកម្មខេត្ត Hung Yen។

វៀតណាម - ម៉ូរីតានីជម្រុញកិច្ចសហប្រតិបត្តិការកសិកម្ម ទូរគមនាគមន៍ព្រមទាំងការធ្វើអាជីវកម្មរ៉ែ

យុគសម័យ - ថ្ងៃទី ១៦ ខែកក្កដា នៅឯរាជធានី Hanoi រដ្ឋមន្ត្រីការបរទេស លោក Le Hoai Trung ព្រមទាំងជារដ្ឋមន្ត្រីនិងជាអគ្គលេខាធិការរដ្ឋាភិបាលម៉ូរីតានី លោក Moctar Al Housseynou Lam បានផ្លាស់ប្តូរមតិអំពីបណ្តាវិធានការជម្រុញទំនាក់ទំនងទ្វេភាគី នៅក្នុងនោះយកចិត្តទុកដាក់លើការទាញយកសក្តានុពលសហប្រតិបត្តិការនៅក្នុងបណ្តាវិស័យកសិកម្ម ទូរគមនាគមន៍ ការធ្វើអាជីវកម្មរ៉ែព្រមទាំងវិស័យមួយចំនួនដែលភាគីទាំងពីរមានប្រៀបខ្លាំង។

វៀតណាម - ក្រិកជម្រុញទំនាក់ទំនងសហប្រតិបត្តិការជាក់ស្តែងព្រមទាំងមានប្រសិទ្ធភាព

យុគសម័យ - ជានារសៀលថ្ងៃទី ១៧ ខែកក្កដា នៅឯទីស្តីការក្រសួងការបរទេស សមាជិកការិយាល័យនយោបាយព្រមទាំងជាការបរទេស លោក Le Hoai Trung បានជួបចរចាជាមួយនិងរដ្ឋមន្ត្រីការបរទេសនៃសាធារណរដ្ឋក្រិក លោក George Gerapetritis ដែលកំពុងបំពេញទស្សនកិច្ចផ្លូវការនៅវៀតណាម។ ភាគីទាំងពីរបានផ្លាស់ប្តូរមតិអំពីបណ្តាវិធានការក្នុងគោលបំណងនាំឱ្យទំនាក់ទំនងមិត្តភាពព្រមទាំងសហប្រតិបត្តិការវៀតណាម - ក្រិកកាន់តែអភិវឌ្ឍន៍ជាក់ស្តែងព្រមទាំងមានប្រសិទ្ធភាពពីមួយថ្ងៃទៅមួយថ្ងៃ។