យុគសម័យ - នារសៀលថ្ងៃទី១៨ខែកក្កដ នៅទីស្នាក់ការរដ្ឋាភិបាល ក្នុងពិធីជួបជាមួយអនុប្រធានរដ្ឋសភាឡាវ លោក Sengnouane Sayalat នាយករដ្ឋមន្ត្រីរដ្ឋាភិបាលវៀតណាម លោក Nguyen Xuan Phuc បានស្នើឲ្យភាគីទាំងពីរជម្រុញកិច្ចសហប្រតិបត្តិការដោយបានតភ្ជាប់ខឿនសេដ្ឋកិច្ចនៃប្រទេសទាំងពីរ ជាពិសេសគឺតភ្ជាប់វិស័យគមនាគមន៍ដឹកជញ្ជូននិងថាមពល។
នាយករដ្ឋមន្ត្រី លោក Nguyen Xuan Phuc អញ្ជើញទទួលជួបជាមួយអនុប្រធានរដ្ឋសភាឡាវ លោក Sengnouane Sayalat (រូបថតៈ VGP/Quang Hiếu)
ដើម្បីបន្តអភិវឌ្ឍន៍ទំនាក់ទំនងពិសេសវៀតណាម-ឡាវ នាយករដ្ឋមន្ត្រីវៀតណាមមានគោលបំណង ចង់ឲ្យរដ្ឋសភាប្រទេសទាំងពីរ បង្កើនការឃ្លាំមើល គាំទ្រការផ្លាស់ប្តូរអំពីយន្តការ គោលនយោបាយ ច្បាប់ សំដៅជម្រុញកិច្ចសហប្រតិបត្តិការអំពីនយោបាយ ការទូត សន្តិសុខនិងការពារជាតិ ជាពិសេសបង្កលក្ខណៈងាយស្រួលចំពោះគម្រោងការវិនិយោគរបស់វៀតណាមនៅឡាវដោយជម្រុញឲ្យអនុវត្តន៍នូវគម្រោងការទាំងអស់នេះត្រឹមត្រូវទាន់ពេលវេលធានាគុណភាពនិងប្រសិទ្ធភាព។
ប្រភពរូប៖ VGP/Quang Hiếu
រីឯអនុប្រធានរដ្ឋសភាឡាវ លោក Sengnouane Sayalat បានឲ្យដឹងថា ដំណើរទស្សនកិច្ចនៅវៀតណាមលើកនេះ គឺសំដៅបង្កើនកិច្ចសហប្រតិបត្តិការរវាងបក្សទាំងពីរ រដ្ឋទាំងពីរ ជាពិសេសគឺរដ្ឋសភានៃប្រទេសទាំងពីរ។លោកអនុប្រធានរដ្ឋសភាឡាវបានវាយតម្លៃថា នាពេលកន្លងទៅ រដ្ឋសភានៃប្រទេសទាំងពីរ បានរួមសហការជិតស្និទ្ធិលើសកម្មភាពជាច្រើន រួមចំណែកសកម្មទៅក្នុងការអភិវឌ្ឍទំនាក់ទំនងមិត្តភាពនិងកិច្ចសហប្រតិបត្តិការពិសេសរវាងប្រទេសទាំងពីរ៕
（ប្រែសម្រូលដោយ ថាញ់ កុង）
មតិពីមិត្តអ្នកអាន