អាណិកជនជាង ១.០០០ នាក់ចូលរួមក្នុងពិធីបុណ្យនិទាឃរដូវនៅស្រុកកំណើតឆ្នាំ ២០២០

ទិដ្ឋភាពនៃកម្មវិធីនិទាឃរដូវនៅស្រុកកំណើតឆ្នាំ ២០១៩ (រូបថតៈ TTXVN)

កម្មវិធីនិទាឃរដូវនៅស្រុកកំណើត ២០២០ បន្តត្រូវបានរៀបចំឡើងដោយគណៈកម្មាធិការរដ្ឋទទួលបន្ទុកជនវៀតណាមនៅឯបរទេស (នៃក្រសួងការបរទេស) បានរួមសហការ ជាមួយគណៈកម្មាធិការប្រជាជនទីក្រុងហាណូយនិងគណៈកម្មាធិការប្រជាជនខេត្ត Bac Ninh ក្នុងគោលបំណងដើម្បីប្រមូលជនបរទេសមួយចំនួនធំពីប្រទេសជាច្រើននៅលើពិភពលោក សំដៅបង្កើតការផ្លាស់ប្តូរ ពង្រឹងសាមគ្គីភាពរវាងជនបរទេសពីគ្នាទៅវិញទៅមក ក៏ដូចជារវាងជនបរទេសនិងប្រជាជននៅក្នុងប្រទេស ជាពិសេស រួមវិភាគទានក្នុងការអនុវត្តគោលនយោបាយមហាសាមគ្គីជនជាតិទាំងមូលរបស់បក្សនិងរដ្ឋវៀតណាម។

ហេតុដូច្នេះ កម្មវិធីនិទាឃរដូវនៅស្រុកកំណើតឆ្នាំ ២០២០ នឹងប្រព្រឹត្តទៅនៅហាណូយនិង Bac Ninh នាថ្ងៃទី ១៨ ខែមករាឆ្នាំ ២០២០ ដោយមានការចូលរួមពីអាណិកជនជាង ១.០០០ នាក់។ កម្មវិធីនេះនឹងមានសកម្មភាពជាច្រើនដូចជា ដំណើរកម្សាន្តនិទាឃរដូវនៅខេត្ត Bac Ninh ដើម្បីពង្រឹងសាមគ្គីភាពនិងតភ្ជាប់អាណិកជនជាមួយប្រទេសជាតិ។

សកម្មភាពលេចធ្លោមួយចំនួនរបស់កម្មវិធីក្នុងឆ្នាំនេះរួមមាន៖ ពិធីសែនព្រេនគោរពបូជាបុព្វការីជន បួងសួងសុំសន្តិភាពនិងសន្តិសុខជូនប្រទេសជាតិ និងមហោស្រពម្ហូបអាហារជាដើម។

សូមជម្រាបថា និទាឃរដូវនៅស្រុកកំណើតជាកម្មវិធីមួយដែលរៀបចំឡើងដោយគណៈកម្មាធិការរដ្ឋទទួលបន្ទុកអំពី ជនវៀតណាមនៅឯបរទេស (នៃក្រសួងការបរទេស) រួមសហការជាមួយទីភ្នាក់ងារពាក់ព័ន្ធនានា ដែលទាក់ទាញការចូលរួមយ៉ាងច្រើនរបស់ជនបរទេសមកពីជុំវិញពិភពលោក។ ជារៀងរាល់ឆ្នាំ មានចំនួនអាណិកជនប្រមាណ ១.០០០ នាក់មកពីជុំវិញពិភពលោកបានចូលរួមកម្មវិធីនិទាឃរដូវនៅស្រុកកំណើតផងដែរ៕

（ដោយ ស្រីព្រេជ）

（ដោយ ស្រីព្រេជ）