រដ្ឋបាលរាជធានីភ្នំពេញផ្សព្វផ្សាយវិធានការគ្រប់គ្រងការរីករាលដាលវីរ៉ុសកូវី១៩ រួមទំាងប្រគល់សម្ភារការពារទប់ស្កាត់ មួយចំនួនដល់សង្កាត់ទំាង១០៥ និងសាលាខណ្ឌ ទំាង១៤ ទូទំាងរាជធានីភ្នំពេញ។
ទិដ្ឋភាពនៃយុទ្ធនាការផ្សព្វផ្សាយវិធានការគ្រប់គ្រងការរីករាលដាលវីរ៉ុសកូវី១៩
ថ្លែងនៅក្នុងយុទ្ធនាការផ្សព្វផ្សាយវិធានការគ្រប់គ្រងការរីករាលដាលវីរ៉ុសកូវី១៩ រួមទំាងប្រគល់សម្ភារការពារទប់ស្កាត់មួយចំនួនដល់សង្កាត់ទំាង១០៥ និងសាលាខណ្ឌ ទំាង១៤ ទូទំាងរាជធានីភ្នំពេញ នៅរសៀលថ្ងៃទី២៧ ខែមីនានេះ នៅសាលារាជធានីភ្នំពេញឯកឧត្តម ឃួង ស្រេង អភិបាលរាជធានីភ្នំពេញបានឲ្យដឹងថា យុទ្ធនការនេះដ៏សំខាន់នេះមិនត្រឹម តែរួមគ្នាប្រយុទ្ធប្រឆំាងជម្ងឺកូវីដ១៩ ឲ្យកាន់តែមានប្រសិទ្ធភាពខ្ពស់ប៉ុណ្ណោះទេ ប៉ុន្តែវាជាផ្នែកមួយ នៃការប្រមូលកម្លាំងមនុស្សធម៌ និងជាប្រពៃនៃវប្បធម៌ចែករំលែករវាងវិស័យឯកជនគាំទ្រ រដ្ឋបាលរាជធានីភ្នំពេញ ស្របតាមការអំពាវនាវដ៏ខ្ពងខ្ពស់របស់សម្តេចតេជោហ៊ុនសែន នាយករដ្ឋមន្រ្តីនៃព្រះរាជាណាចក្រកម្ពុជា។ ឯកឧត្តមអភិបាលរាជធានីភ្នំពេញបានបញ្ជាក់ថា កិច្ចការមនុស្សធម៌ និងវប្បធម៌នៃការចែករំលែកនេះ មិនមែនជារឿងថ្មីឡើយពោលគឺបានចាក់ ស្រេះក្នុងសង្គមខ្មែរ និងបានពូនជ្រុំជាបន្តបន្ទាប់។
ក្នុងន័យនេះ ឯកឧត្តមបានថ្លែងអំណរគុណ និងកោតសរសើរចំពោះដោយស្មោះចំពោះថ្នាក់ដឹកនាំ និងបុគ្គលិកទំាងអស់ក្នុងវិស័យឯកជន ដែលបានផ្តល់នូវអំណោយឧបត្ថម្ភ ជាសម្ភារចាំបាច់ជូនដល់មូលដ្ឋាន ដើម្បីឆ្លើយតបកាន់តែ ទាន់ពេលវេលា និងដោះស្រាយប្រកបដោយប្រសិទ្ធភាព ក្នុងការបង្កា និងទប់ស្កាត់ការរីករាល ដាលនៃជម្ងឺកូវីដ១៩ក្នុងមូលដ្ឋានរាជធានីភ្នំពេញ។
ទិដ្ឋភាពនៃយុទ្ធនាការផ្សព្វផ្សាយវិធានការគ្រប់គ្រងការរីករាលដាលវីរ៉ុសកូវី១៩
ឯកឧត្តមហ៊ុន ម៉ានី ប្រធានគណៈកម្មការទី៧ នៃរដ្ឋសភា និងជាប្រធានសហភាព សហ ព័ន្ធយុវជនកម្ពុជាបានបន្តជំរុញឲ្យអាជ្ញាធរគ្រប់លំដាប់ថ្នាក់រួមគ្នាប្រយុទ្ធប្រឆំាងជម្ងឺកូវីដ១៩នេះ ឲ្យកាន់តែមានប្រសិទ្ធភាព ដើម្បីបំបាត់ជម្ងឺនេះនាពេលឆាប់ៗ។ បន្ថែមពីនេះទៀតប្រជាពលរដ្ឋ ក៏ត្រូវតែបង្កើនការធ្វើអនាម័យការពារខ្លួនតាមក្បួនវេជ្ជសាស្រ្តសុខាភិបាល ឬប្រសិនបើទើបមកពីបរទេសត្រូវដាក់ខ្លួនឲ្យនៅដាច់ដោយឡែករយៈពេល១៤ថ្ងៃសិន ដើម្បីទប់ស្កាត់ការចម្លងពីមនុស្សម្នាក់ ទៅមនុស្សម្នាក់ទៀត និងទៅដល់សហគមន៍។
គួរជម្រាបថា រដ្ឋបាលរាជធានីភ្នំពេញ បានសម្រេចផ្អាកការផ្ដល់សេវារថយន្ដក្រុងសាធារណៈ និងសេវាកាណូតជាបណ្ដោះអាសន្ន ចាប់ពីថ្ងៃទី២៦ ខែមីនា ឆ្នាំ២០២០នេះតទៅ ដើម្បីទប់ស្កាត់ការឆ្លង COVID-19 នៅក្នុងប្រទេសកម្ពុជា។ នេះបើតាមសេចក្ដីជូនដំណឹង រដ្ឋបាលរាជធានីភ្នំពេញ ដែលបណ្ដាញព័ត៌មាន ទទួលបាន ។
រដ្ឋបាលរាជធានីភ្នំពេញ បានបញ្ជាក់យ៉ាងដូច្នេះថា «ដើម្បីរួមចំណែកជាមួយរាជរដ្ឋាភិបាល និងក្រសួងសុខាភិបាល ក្នុងការទប់ស្កាត់ការចម្លង និងការរីករាលដាលមេរោគកូវីដ១៩ នៅរាជធានីភ្នំពេញ រដ្ឋបាលរាជធានីភ្នំពេញ សម្រេចផ្អាកការផ្ដល់សេវារថយន្ដក្រុង និងសេវាកាណូត ជាបណ្ដោះអាសន្ន ចាប់ពីថ្ងៃជូនដំណឹងនេះ រហូតដល់ស្ថានការណ៍ នៃមេរោគកូវីដ១៩ បានធូរស្បើយ»។ រដ្ឋបាលរាជធានីភ្នំពេញ សង្ឃឹមថាសាធារណជន និងប្រជាពលរដ្ឋដែលជាអ្នកប្រើប្រាស់សេវារថយន្ដក្រុង និងសេវាកាណូត យោគយល់អធ្យាស្រ័យ និងចូលរួមទប់ស្កាត់ការរីករាលដាលមេរោគកូវីដ១៩ នេះទាំងអស់គ្នា៕
（សរុបដោយ ហេង វុធ្ធ）
（ប្រភពព័ត៌មាន: information.gov.kh និង mpwt.gov.kh）
