កិច្ចប្រជុំពេញអង្គគណៈរដ្ឋមន្ត្រីនាព្រឹកថ្ងៃទី២ខែសីហាក្រោមអធិ បតីភាពដ៏ខ្ពង់ខ្ពស់សម្តេចអគ្គមហាសេនបតីតេជោ ហ៊ុនសែន នាយករដ្ឋមន្ត្រីនៃព្រះរា ជាណាចក្រកម្ពុជាបានពិភាក្សានិងអនុម័តទាំងស្រុងលើសេចក្ដីព្រាងច្បាប់ស្តីពី”របបសន្តិសុខសង្គម”។ច្បាប់នេះមានគោលបំណងបង្កើតឲ្យមានរបបសន្តិសុខសង្គមនៃព្រះរា ជាណាចក្រកម្ពុជាដើម្បីធានាឲ្យមានសមធម៌និងសាមគ្គីធម៌សង្គមនិងដើម្បីលើកកម្ពស់សុខុមាលភាពនិងជីវភាពរបស់ប្រជាពលរដ្ឋ។នេះបើយោងតាមលោក ផៃ ស៊ីផាន អ្នកនាំពាក្សរាជរដ្ឋាភិបាលតាមរយៈផេកហ្វេសបុកផ្លូវការ នាព្រឹកថ្ងៃទី ២ ខែ សីហានេះ ។
សម្តេចអគ្គមហាសេនបតីតេជោ ហ៊ុនសែន នាយករដ្ឋមន្ត្រីនៃព្រះរា ជាណាចក្រកម្ពុជា (រូបថត៖.rasmeinews.com)
គោលបំណងនៃសេចក្តីព្រាងច្បាប់ស្តីពីរបបសន្តិសុខសង្គមនេះបង្កើតឲ្យមានរបបសន្តិសុខសង្គមនៃព្រះរាជាណាចក្រកម្ពុជាតាមគោលការណ៍សាមគ្គីធម៌និងសមធម៌សង្គមដែ លរួមមាន៤ផ្នែកគឺផ្នែកប្រាក់សោធន ផ្នែកថែទាំសុខភាព ផ្នែកហានិភ័យការងារនិងផ្នែ កនិកម្មភាពការងារសម្រាប់បុគ្គលដែលស្ថិតក្នុងវិស័យសាធារណៈបុគ្គលដែលស្ថិតក្រោមច្បាប់ស្តីពីការងារគិតរួមទាំងបុគ្គលិកផ្លូវអាកាស នាវាសមុទ្រនិងអ្នកបម្រើតាមផ្ទះព្រមទាំងបុគ្គលស្វ័យ និយោជន៍។
ទិដ្ឋភាពនៃកិច្ចប្រជុំពេញអង្គគណៈរដ្ឋមន្ត្រី (រូបថត៖rasmeinews.com)
សេចក្តីព្រាងច្បាប់ស្តីពីរបបសន្តិសុខសង្គមបានរៀបចំដោយអនុលោមតាមទម្រង់ដែលបានណែនាំរបស់ទីស្តីការគណៈរដ្ឋមន្ត្រីនិងត្រូវបានរៀបចំឡើងដោយក្រុមអ្នកច្បាប់របស់ក្រសួងការងារនិងបណ្តុះបណ្តាលវិជ្ជាជីវះសហការជាមួយក្រុមប្រឹក្សាអ្នកច្បាប់នៃទីស្តីការគណៈរដ្ឋមន្ត្រីនិងបានសិក្សាស្រាវជ្រាវពិគ្រោះយោបល់ជាមួយក្រុមអ្នកជំនាញការផ្នែកច្បា ប់ជាតិ និង ជាមួយដៃគូអភិវឌ្ឍនានាជាពិសេសភាគីនិយោជកនិងសហជីព ។សេចក្តីព្រាងច្បាប់នេះពិតជាមានសារៈសំខាន់បំផុតសម្រាប់បុគ្គលដែលស្ថិតនៅក្នុងវិស័យសាធារណៈបុគ្គលដែលស្ថិតក្នុងវិស័យឯកជននិងបុគ្គលស្វ័យ និយោជន៍ទទួលបាននូវរបបសន្តិសុខសង្គមផ្នែកប្រាក់សោធន ផ្នែកថែទាំសុខភាពផ្នែកហានិភ័យការងារ និង ផ្នែកនិកម្មភាពការងារចូលរួមចំណែកក្នុង ការលើកកម្ពស់ជីវភាព ភាពថ្លៃថ្នូរនិងភាពសុខដុម រមនាក្នុងសង្គម។សេចក្តីព្រាងច្បាប់នេះជាបទដ្ឋានគតិយុត្តដ៏សំខាន់សម្រាប់អនុវត្តកម្មវិធីនយោបាយរបស់រាជរដ្ឋាភិបាលយុទ្ធសាស្ត្រចតុកោណដំណាក់កាលទី៤ និងជាការអនុវត្តនូវកម្មវិធីន យោបាយរបស់គណបក្សប្រជាជនកម្ពុជាដែលបានប្រកាសក្នុងយុទ្ធនាការឃោសនាបោះ ឆ្នោតហើយដែលទទួលបានការគាំទ្រពេញ ទំហឹងពីប្រជាជនម្ចាស់ឆ្នោត។
ទិដ្ឋភាពនៃកិច្ចប្រជុំពេញអង្គគណៈរដ្ឋមន្ត្រី (រូបថត៖rasmeinews.com)
ច្បាប់នេះមានគោលបំណងបង្កើតឲ្យមានរបបសន្តិសុខសង្គមនៃព្រះរាជាណាចក្រកម្ពុជាដើម្បីធានាឲ្យមានសមធម៌និងសាមគ្គីធម៌សង្គមនិងដើម្បីលើកកម្ពស់សុខុមាលភាពនិងជីវភាពរបស់ប្រជាពលរដ្ឋ។ ច្បាប់នេះមានគោលដៅកំនត់គោលការណ៍ទូទៅបែបបទយន្តការអនុវត្តនិងប្រព័ន្ធគ្រប់គ្រងរបបសន្តិ សុខសង្គមនៃព្រះរាជាណាចក្រកម្ពុជាដែលរួមមានផ្នែកប្រាក់សោធន ផ្នែកថែទាំសុខភាព ផ្នែកហានិភ័យការងារ និងផ្នែកនិកម្មភាព។
ម្យ៉ាងវិញទៀត សម្ដេចអគ្គមហាសេនាបតីតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជាបានលើកឡើងពីភាពវិជ្ជមានដែលលោក MiKe Pompeo រដ្ឋមន្ត្រីការបរទេសសហរដ្ឋអាមេរិកបានថ្លែងក្នុងកិច្ចប្រជុំរដ្ឋមន្ត្រីការបរទេសអាស៊ាននៅទីក្រុងបាងកកប្រទេសថៃ ។ នេះបើយោងតាម សេចក្តីប្រកាសព័ត៌មានរបស់ទីស្តីការគណៈរដ្ឋមន្ត្រីស្តីពីលទ្ធផលនៃកិច្ចប្រជុំគណៈរដ្ឋមន្ត្រីនៅថ្ងៃទី ២ ខែសីហានេះ។
លោក MiKe Pompeo រដ្ឋមន្ត្រីការបរទេសសហរដ្ឋអាមេរិក (រូបថត៖ FN)
សេចក្តីប្រកាសព័ត៌មានបានឲ្យដឹងថានៅក្នុងបញ្ហាជ្សេងៗប្រមុខរាជរដ្ឋាភិបាលកម្ពុជាបានលើកឡើងពីភាពវិជ្ជមានដែលលោក MiKe Pompeo រដ្ឋមន្ត្រី ការបរទេសសហរដ្ឋអាមេរិកបានថ្លែងក្នុងកិច្ចប្រជុំរដ្ឋមន្ត្រីការបរទេសអាស៊ាននៅទីក្រុងបាងកកប្រទេសថៃកាលពីថ្ងៃទី ១ ខែសីហាឆ្នាំ ២០១៩ ។
រដ្ឋមន្ត្រីការបរទេសអាមេរិក លោក MiKe Pompeo កាលពីថ្ងៃព្រហស្បតិ៍ម្សិលមិញបានប្រកាសស្វាគមន៍ចំពោះការបដិសេធរបស់កម្ពុជាទៅនឹងព័ត៌មានដែលថាកម្ពុជាបានចុះកិច្ចព្រមព្រៀងសំងាត់ឱ្យចិនដាក់មូលដ្ឋានកងទ័ពក្នុងខេត្តព្រះសីហនុ។ក៏ដូចជាបានកោតសរសើរកម្ពុជាចំពោះការប្ដេជ្ញាដ៏ខ្លាំងក្លា ក្នុងការការពារបូរណភាពដែនដីរបស់ខ្លួននិងបានលើកទឹកចិត្តឱ្យប្រទេសផ្សេងទៀតក្នុងតំបន់យកតាមលំនាំរបស់កម្ពុជា។
ជាការកត់សម្គាល់ការប្រកាសស្វាគមន៍របស់ក្រសួងការបរទេសអាមេរិកនេះធ្វើឡើងក្រោយពីរដ្ឋាភិបាលកម្ពុជាបានព្យាយាមបដិសេធម្តងជាពីរដរួចមក ហើយថាកម្ពុជាមិនបានចុះកិច្ចព្រមព្រៀងសំងាត់ណាមួយដើម្បីឱ្យចិនមានមូលដ្ឋានទ័ពនៅកម្ពុជាដូចការចុះផ្សាយរបស់ប្រព័ន្ធផ្សព្វផ្សាយអាមេរិកឡើយ។ មិនតែប៉ុណ្ណោះក្រសួងការពារជាតិកម្ពុជាក៏ថែមទាំងបាននាំក្រុមអ្នកសារព័ត៌មានជាតិនិង អន្តរជាតិទៅកាន់មូលដ្ឋានទ័ពជើងទឹករាមដែលមានការសង្ស័យថា មានការសាងសង់មូលដ្ឋានកងទ័ពចិននៅទីនោះថែមទៀតផង ។ ប៉ុន្តែជាលទ្ធផលគឺគ្មានការសាងសង់អ្វីទាំងអស់ ៕
（យោងតាម៖ .rasmeinews.com សរុបដោយ ហេងវុធ្ធី）
មតិពីមិត្តអ្នកអាន