រមណីយដ្ឋានដើរលេងសង់ដាម៉ួ មានទេសភាពស្អាត មិនចាញ់នៅបរទេស សម្រាប់លោកអ្នកដើរលេងជាមួយក្រុមគ្រួសារ មិត្តភក្កិ និងសាច់ញាតិ។
សង់ ដាម៉ួស្ថិតនៅក្នុងប្រភេទរមណីយដ្ឋាន ទេសចរណ៍កែច្នៃ (រូបថត៖ der.sabay.com.kh)
សង់ ដាម៉ួស្ថិតនៅក្នុងប្រភេទរមណីយដ្ឋាន ទេសចរណ៍កែច្នៃឬរមណីយដ្ឋានកែច្នៃ, កន្លែងញុំអីឬកញ្ចុះញុំអី និងកន្លែងស្នាក់នៅ។ សម្រាប់ចំណុចសំខាន់ៗ ក៏ដូចជាភាពទាក់ទាញនៃរមណីយដ្ឋានសង់ ដាម៉ួដែលអាចធ្វើអោយភ្ញៀវទេសចរមានចំណាំអារម្មណ៏នោះ មានដូចជា៖ បោះជំរុំឬបោះតង់, ទស្សនាទេសភាពព្រៃភ្នំ, ខ្យូសញុំអី, ជិះទូក, ដើរទស្សនាកសិដ្ឋាន, គយគន់ថ្ងៃលិច និងចំណុចផ្សេងៗទៀត។
សង់ ដាម៉ួមានទីតាំងស្ថិតនៅ ឃុំកូនសត្វ ស្រុកទឹកឈូ ខេត្តកំពត និងមានចម្ងាយប្រហែល ~14km ពីរង្វង់មូលធូរេន។
សង់ ដាម៉ួ ជារមណីយដ្ឋានកែច្នៃមួយ ជាប់មាត់បឹងធម្មជាតិទំនប់ប្រទក្សក្រលា ចន្លោះជួរភ្នំកែវ និងភ្នំកូនសត្វ នៅទីនោះមានលក្ខណពិសេសដូចជា៖ កន្លែងពិសារអាហារ បឹងហ្គាឡូ បោះតង់ ជិះទូកលេង និងផ្សេងៗជាច្រើនទៀត មានតម្លៃសម្យរម្យ.
ទេសភាពមួយចំនួននៅសង់ ដាម៉ួ។ (រូបថត៖ der.sabay.com.kh)
សម្រាប់ការធ្វើដំណើរដើម្បីទៅដល់ទីតាំងនៃរមណីយដ្ឋានសង់ ដាម៉ួ ភ្ញៀវទេសចរមានភាពងាយស្រួល ពីព្រោះមិនមានការធ្វើដំណើរថ្មើរជើង និងធ្វើដំណើរឆ្លងទឹក រឺក៏ជិះទូកឡើយ។ ចំពោះចំណតរថយន្តវិញ ភ្ញៀវទេសចរអាចធ្វើការចតដោយផ្ទាល់នៅរមណីយដ្ឋានបានថែមទៀតផង។
ក្រៅពីមានទេសភាពស្អាតហើយ រមណីយដ្ឋាននេះក៏មានកន្លែងស្នាក់នៅដ៏មានផាសុកភាពផងដែរ គឺមានផ្ទះសង់ពីឈើ នៅដាច់ៗពីគ្នា និងការតុបតែងនៅខាងក្នុងមានរបៀបរៀបរយ តាមលក្ខណៈបុរាណ ដែលអាចស្នាក់នៅជាលក្ខណៈក្រុមគ្រួសារ មិត្តភក្តិ ឬគូស្នេហ៍ ព្រមទាំងមានទីធ្លាសម្រាប់បោះតង់ផងដែរ។
កន្លែងស្នាក់នៅដ៏មានផាសុកភាព។ (រូបថត៖ der.sabay.com.kh)
សម្រាប់កន្លែងអង្គុយលំហែរកាយវិញ រមណីយដ្ឋានសង់ ដាម៉ួ គឺមានខ្យូសអង្គុយ រឺក៏តូបអង្គុយជាច្រើនសម្រាប់ភ្ញៀវទេសចរ ហើយក៏មានសេវាកម្មទទួលកម្មង់អាហារផ្ទាល់ពីទីនោះផងដែរ។ ក្រៅពីនេះ រមណីយដ្ឋានសង់ ដាម៉ួមានភោជនីយដ្ឋាន ប៉ុន្តែសម្រាប់កន្លែងកម្មង់អាហារ រឺកន្លែងលក់អាហារ និងអាហារដ្ឋានពុំទាន់មាននៅឡើយទេ./.
（បូកសរុបដោយឌីណា）
មតិពីមិត្តអ្នកអាន