យុគសម័យ - នាថ្ងៃទី ២៧ ខែកក្កដាឆ្នាំ ២០២០ ក្រុមប្រឹក្សាសន្តិសុខអង្គការសហប្រជាជាតិបានបើកកិច្ចប្រជុំតាមអនឡាញស្តីពី “ស្ត្រីនិងដំណើរការសន្តិភាពនៅអាហ្គានីស្ថាន៖ ធានាការចូលរួមរបស់ស្ត្រីនិងលើកកម្ពស់សិទ្ធិរបស់ពួកគេ” ដែលសហការរៀបចំដោយអាល្លឺម៉ង់ ឥណ្ឌូនេស៊ី ចក្រភពអង់គ្លេសនិងអាហ្វហ្គានីស្ថាន។
លោកឯកអគ្គរដ្ឋទូត Dang Dinh Quy ប្រធានគណៈប្រតិភូវៀតណាមប្រចាំនៅអង្គការសហប្រជាជាតិ
នៅក្នុងជំនួបនេះ លោកឯកអគ្គរដ្ឋទូត Dang Dinh Quy ប្រធានគណៈប្រតិភូវៀតណាមប្រចាំនៅអង្គការសហប្រជាជាតិបានសម្តែងការគាំទ្រចំពោះដំណើរការសន្តិភាពដែលដឹកនាំនិងគ្រប់គ្រងដោយជនជាតិអាហ្គានីស្ថាន ហើយគូសបញ្ជាក់ពីសារៈសំខាន់នៃការបន្តការអនុវត្តសេចក្តីសម្រេចចិត្តលេខ ២៥១៣ នៃក្រុមប្រឹក្សាសន្តិសុខស្តីពីការគាំទ្រកិច្ចព្រមព្រៀងសន្តិភាពចុះថ្ងៃទី ២៩ ខែកុម្ភៈឆ្នាំ ២០២០ ។
លោកឯកអគ្គរដ្ឋទូត Dang Dinh Quy បានទទួលស្គាល់ការខិតខំប្រឹងប្រែងរបស់រដ្ឋាភិបាលអាហ្វហ្គានីស្ថានក្នុងការការពារនិងលើកកម្ពស់តួនាទីរបស់ស្ត្រី ជាពិសេសមានសមាជិកនៃគណៈប្រតិភូចរចាជិត ២៥% គឺជាស្ត្រី។ ទន្ទឹមនឹងនេះ លោកបានចែករំលែកនូវបញ្ហាប្រឈមដែលស្ត្រីនិងកុមារីកំពុងប្រឈមមុខ និងតម្រូវការក្នុងការដោះស្រាយបញ្ហាឫសគល់សម្រាប់បញ្ហាប្រឈមទាំងនេះ ជាពិសេសជំរុញសន្តិភាពប្រកបដោយចីរភាពនិងការអភិវឌ្ឍសេដ្ឋកិច្ច-សង្គម៕（បកប្រែដោយសាមេត）
（ប្រភពព័ត៌មាន: vietnamplus.vn）
មតិពីមិត្តអ្នកអាន