ប្រព័ន្ធសារព័ត៌មានកម្ពុជាចាប់អារម្មណ៍នឹងអត្រាកំណើនសេដ្ឋកិច្ចរបស់វៀតណាម

ក្នុងអត្ថបទមួយចេញផ្សាយនាថ្ងៃទី១៨ ខែមករា ក្រោមចំណងជើងថា “GDP របស់វៀតណាមកើនឡើង ៧.០៩% ក្នុងឆ្នាំ២០២៤” របស់កាសែតអេឡិចត្រូនិកថ្មីៗ បានដកស្រង់ទិន្នន័យរបស់អគ្គនាយកដ្ឋានស្ថិតិរបស់វៀតណាមដោយបញ្ជាក់ថា វៀតណាមសម្រេចបានកំណើន GDP លើសពីគោលដៅដែលរដ្ឋសភាកំណត់ត្រឹម ៦,៥% នាំមុខគឺវិស័យសេវាកម្ម និងផលិតកម្មឧស្សាហកម្ម។

កាសែតអេឡិចត្រូនិកថ្មីៗ ចុះផ្សាយអត្ថបទមួយ ក្រោមចំណងជើងថា “GDP របស់វៀតណាមកើនឡើង ៧.០៩% ក្នុងឆ្នាំ២០២៤”

សារព័ត៌មានកម្ពុជាបានដកស្រង់សម្តីរបស់លោកស្រី Nguyen Thi Huong អគ្គនាយិកានៃអគ្គនាយកដ្ឋានស្ថិតិវៀតណាមថា ទោះបីជារងផលប៉ៈពាល់ពីគ្រោះធម្មជាតិក៏ដោយក៏វិស័យកសិកម្ម រុក្ខាប្រមាញ់ និងនេសាទនៅតែសម្រេចបានកំណើន ៣.២៧% ក្នុងឆ្នាំ ២០២៤។ នៅឆ្នាំ២០២៤ វិស័យឧស្សាហកម្ម និងសំណង់មានការផ្លាស់ប្តូរជាវិជ្ជមានជាច្រើនបើធៀបនឹងឆ្នាំ២០២៣។ ទន្ទឹមនឹងនេះ សកម្មភាពពាណិជ្ជកម្ម និងទេសចរណ៍មានអត្រាកំណើនខ្ពស់ រួមចំណែកច្រើនបំផុតដល់កំណើន GDP របស់វៀតណាម។

យោងតាមកាសែតថ្មីៗ GDP របស់វៀតណាមក្នុងត្រីមាសទី៤ ឆ្នាំ២០២៤ បានកើនឡើង ៧.៥៥% បើធៀបនឹងរយៈពេលដូចគ្នាកាលពីឆ្នាំមុន។ នេះគឺជាអត្រាកំណើនគួរឲ្យចាប់អារម្មណ៍ក្នុងបរិបទដែល GDP របស់វៀតណាមនៅឆ្នាំ២០២៣ សម្រេចបាន ៥.០៥%។ នៅក្នុងសារជូនពរឆ្នាំថ្មី២០២៥ លោក Pham Minh Chinh នាយករដ្ឋមន្ត្រី បានប្តេជ្ញាថា វៀតណាមគ្រោងសម្រេចគោលដៅកំណើន GDP ឲ្យបាន ៨% នៅឆ្នាំ២០២៥ និងជំរុញកំណើនពីរខ្ទង់ចាប់ពីឆ្នាំ២០២៦។

សូមរំលឹកថា គេហទំព័រព័ត៌មានកម្ពុជា SBM.News ក៏បានផ្ដល់ព័ត៌មានអំពីកំណើន GDP របស់វៀតណាមក្នុងឆ្នាំ២០២៤ ហើយបានចាត់ទុកថា "ការសន្ទុះងើបឡើងវិញនៃកំណើនសេដ្ឋកិច្ចរបស់វៀតណាម គឺអាស្រ័យទំហំនៃការនាំចេញ និងលំហូរទុនវិនិយោគពីបរទេស"។ នៅក្នុងអត្ថបទមួយក្រោមចំណងជើងថា "GDP របស់វៀតណាមកើនឡើងយ៉ាងខ្លាំង ដោយសម្រេចបានជាង ៧% នៅឆ្នាំ២០២៤" SBM.News បានវាយតម្លៃថា "វៀតណាមគឺជាមជ្ឈមណ្ឌលផលិតកម្មដ៏ធំនៅក្នុងតំបន់ និងទទួលបានអត្ថប្រយោជន៍ពីការស្ទុះងើបឡើងវិញនៃតម្រូវការប្រើប្រាស់នៅទូទាំងពិភពលោក ទោះបីជាត្រូវបានរងផលប៉ះពាល់យ៉ាងធ្ងន់ធ្ងរពីព្យុះពីឆ្នាំមុនក៏ដោយ”។

ប្រព័ន្ធសារព័ត៌មានកម្ពុជាចាប់អារម្មណ៍នឹងអត្រាកំណើនសេដ្ឋកិច្ចរបស់វៀតណាម

យោងតាមអត្ថបទមួយនេះ ការនាំចេញរបស់វៀតណាមក្នុងឆ្នាំ២០២៤ សម្រេចបានអត្រាកំណើនដ៏គួរឲ្យចាប់អារម្មណ៍ ១៤.៣% បើធៀបនឹងឆ្នាំ ២០២៣ ជាមួយនឹងទំហំពាណិជ្ជកម្មសរុបចំនួន ៤០៥.៥៣ ពាន់លានដុល្លារអាមេរិក។ មុខទំនិញនាំចេញសំខាន់ៗរបស់វៀតណាមរួមមាន អេឡិចត្រូនិក ស្មាតហ្វូន សម្លៀកបំពាក់ និងផលិតផលកសិកម្ម។ ទំហំនៃការនាំចូលរបស់វៀតណាមក្នុងឆ្នាំ២០២៤ ក៏បានកើនឡើង ១៦.៧% ដែលសម្រេចបាន ៣៨០.៧៦ ពាន់លានដុល្លារអាមេរិក។ អាស្រ័យហេតុនេះ វៀតណាមបន្តរក្សាអតិរេកពាណិជ្ជកម្ម ២៤.៧៧ ពាន់លានដុល្លារអាមេរិក។

ប្រព័ន្ធសារព័ត៌មានកម្ពុជាបានចាត់ទុកថា ការងើបឡើងវិញនៃកំណើនសេដ្ឋកិច្ចរបស់វៀតណាមក្នុងឆ្នាំមុនក៏ត្រូវបានគាំទ្រដោយការបង្កើនការនាំចូលវត្ថុធាតុដើមសម្រាប់ផលិតថាមពលរបស់រដ្ឋាភិបាលក្នុងបំណងធានាការផ្គត់ផ្គង់អគ្គិសនីប្រកបដោយស្ថិរភាព៕

វៀតណាម​ - កម្ពុជា ចែករំលែកបទពិសោធន៍ក្នុងវិស័យធានាសណ្តាប់ធ្នាប់ និងសុវត្ថិភាពចរាចរណ៍ នាព្រឹកថ្ងៃទី ២៩ ខែវិច្ឆិកា លោកឧត្តមសេនីយ៍ត្រី Nguyen Hong Ky នាយករងនគរបាលក្រុងហាណូយ និងការិយាល័យនគរបាលចរាចរណ៍ បានទទួលជួបគណៈប្រតិភូមន្ត្រីក្រសួងមហាផ្ទៃនៃព្រះរាជាណាចក្រកម្ពុជា ដែលបំពេញទស្សនកិច្ចការងារ និងផ្លាស់ប្តូរបទពិសោធន៍ក្នុងវិស័យធានាសណ្តាប់ធ្នាប់ និងសុវត្ថិភាពចរាចរណ៍។

រដ្ឋមន្ត្រីក្រសួងការពារជាតិនៃប្រទេសទាំងបី វៀតណាម ឡាវ កម្ពុជា អញ្ជើញចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នាព្រឹកថ្ងៃទី២៦ ខែវិច្ឆិកា នៅរាជធានីភ្នំពេញ លោកនាយឧត្តមសេនីយ៍ Phan Van Giang សមាជិកការិយាល័យនយោបាយ អនុលេខាគណៈកម្មាធិការបក្សយោធាមជ្ឈិម រដ្ឋមន្ត្រីក្រសួងការពារប្រទេសវៀតណាម លោកនាយឧត្តមសេនីយ៍ Chansamone Chanyalath សមាជិកការិយាល័យនយោបាយបក្សប្រជាជនបដិវត្តន៍ឡាវ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិឡាវ លោកនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិកម្ពុជា បានចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ...

វិច្ឆិកា