កាលពីថ្ងៃសៅរ៍ រាជរដ្ឋាភិបាលកម្ពុជា បានសម្រេចបញ្ចុះតម្លៃទិដ្ឋាការអេឡិចត្រូនិក(e-visa)សម្រាប់ភ្ញៀវទេសចរ អ្នកធ្វើដំណើរអាជីវកម្ម និងប្រជាពលរដ្ឋ ចាប់ពីថ្ងៃទី១ ខែមករា ឆ្នាំ២០២៥។
| វៀតណាមស្វាគមន៍ភ្ញៀវទេសចរដើមដំបូងក្នុងឆ្នាំ ២០២៥ ទេសចរណ៍ Dien Bien ទាក់ទាញភ្ញៀវទេសចរជាង ១.៨ លាននាក់នៅឆ្នាំនេះ |
 |
| កម្ពុជាបញ្ចុះតម្លៃទិដ្ឋាការអេឡិចត្រូនិកសម្រាប់ភ្ញៀវទេសចរ |
យោងតាមសេចក្តីប្រកាសព័ត៌មានរបស់រដ្ឋាភិបាលបានឱ្យដឹងថា រាជរដ្ឋាភិបាលកម្ពុជាបានណែនាំដល់ក្រសួងស្ថាប័នពាក់ព័ន្ធ ឱ្យកែលម្អ និងសម្រួលនីតិវិធីក្នុងការផ្តល់ទិដ្ឋាការតាមប្រព័ន្ធ e-Visa និង ប្រព័ន្ធ e-Arrival ឱ្យមកនៅក្នុង Ecosystem តែមួយរបស់រាជរដ្ឋាភិបាលនិងបញ្ចុះតម្លៃទិដ្ឋាការ អេឡិចត្រូនិក(e-Visa) ប្រភេទទេសចរ(T) និងប្រភេទធម្មតា(E) ឱ្យបានសមស្រប។ ដែលនឹងចាប់ផ្តើមអនុវត្តចាប់ពីថ្ងៃទី១ ខែមករា ឆ្នាំ២០២៥ តទៅ។
យោងតាមរបាយការណ៍ថ្មីៗនេះ ធនាគារជាតិនៃកម្ពុជា បានបញ្ជាក់ថា វិស័យទេសចរណ៍ គឺជាកត្តាជំរុញដ៏សំខាន់មួយ នៃកំណើនសេដ្ឋកិច្ចរបស់ប្រទេសនៅឆ្នាំ២០២៤។
កម្ពុជាបានទាក់ទាញភ្ញៀវទេសចរអន្តរជាតិចំនួន ៦ លាននាក់ ក្នុងអំឡុងពេល ១១ ខែដំបូងនៃឆ្នាំ ២០២៤ កើនឡើង ២២ ភាគរយ នេះបើយោងតាមរបាយការណ៍ចេដញផ្សាយដោយក្រសួងទេសចរណ៍កាលពីថ្ងៃទី ២៣ ខែធ្នូ ឆ្នាំ ២០២៤។
យោងតាមរបាយការណ៍ ប្រទេសថៃបានក្លាយជាប្រភពទីផ្សារកំពូលនៃភ្ញៀវទេសចរបរទេសនៅកម្ពុជា ចាប់ពីខែមករា ដល់ខែវិច្ឆិកា មានចំនួន១.៩១ លាននាក់ ថយចុះ១៥.៤ ភាគរយពីមួយឆ្នាំទៅមួយឆ្នាំ។
ភ្ញៀវទេសចរវៀតណាមមានប្រមាណ ១.២ លាននាក់ និងភ្ញៀវទេសចរចិនចំនួន ៧៦៩.៧៧៥ នាក់បានមកទស្សនាក្នុងអំឡុងពេលនេះ កើនឡើង ៣០.៨ ភាគរយ និង ៥៤.៥ ភាគរយ។
ភ្ញៀវបរទេសចំនួន ២.១៥ លាននាក់ ឬប្រហែល ៣៥.៩ ភាគរយនៃចំនួនភ្ញៀវទេសចរបរទេសសរុបបានធ្វើដំណើរមកកម្ពុជាតាមផ្លូវអាកាស កើនឡើង ២៨.៦ ភាគរយ ដោយឡែកអ្នកទេសចរដែលនៅសេសសល់បានមកដល់តាមច្រកព្រំដែនគោក និងផ្លូវទឹក៕
 សម្រស់កំណាព្យនៃទន្លេ Nho Que នៅ Ha Giang ទាក់ទាញភ្ញៀវទេសចរអន្តរជាតិ ស្រុក Meo Vac ជាស្រុកមួយក្នុងចំណោមស្រុកទាំង ៤ របស់ខេត្ត Ha Giang ដែលស្ថិតនៅក្នុងតំបន់សួនឧទ្យានភូគព្ភសាស្ត្រ សកលខ្ពង់រាបថ្ម Dong Van។ គោលដៅនេះមិនត្រឹមតែមានភាពចម្រុះជាមួយនឹងពណ៌វប្បធម៌របស់ជនជាតិជាច្រើនប៉ុណ្ណោះទេ ថែមទាំងមានទេសភាពដ៏ធំសម្បើមនៃភ្នំថ្មកំបោរ ជាពិសេសគឺទន្លេ Nho Que ដូចជាក្រណាត់សូត្រខៀវស្រងាត់ដែលបក់ជុំវិញខ្នងភ្នំ Ma Pi Leng។ |
 ម្ហូបអាហារនិងអក្សរសិល្ប៍វៀតណាមទាក់ទាញភ្ញៀវទេសចរបារាំង យុគសម័យ - នាថ្ងៃទី ១៥ ខែមិថុនា ក្នុងនាមជាជំនួបប្រចាំឆ្នាំដែលប្រារព្ធឡើងនៅចន្លោះទីលាន Monge នៅខណ្ឌទី ៥ ក្នុងទីក្រុងប៉ារីស (បារាំង) ពិធីបុណ្យអាហារ និងអក្សរសិល្ប៍វៀតណាមហៅថា “Ici Vietnam Festival” ត្រូវបានប្រារព្ធឡើងជាលើកទី ៤ បន្តទាក់ទាញភ្ញៀវទេសចរបារាំង និងអន្តរជាតិរាប់ពាន់នាក់។ |
មតិពីមិត្តអ្នកអាន