លោក ម៉ាសាហ៊ីរ៉ូ មីកាមិ (Masahiro Mikami) ឯកអគ្គរាជទូតជប៉ុនប្រចាំកម្ពុជាបានជម្រាបជូនសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជាថា ប្រទេសជប៉ុននឹងនៅតែបន្តជួយដល់កម្ពុជាលើវិស័យអគ្គិសនី និង ការធ្វើផែនការមេសម្រាប់អភិវឌ្ឍន៍កំពង់ផែទឹកជ្រៅនៅក្រុង ព្រះសីហនុ និង វិស័យជាច្រើនទៀតដូចជាដោះមីននិងបន្តជួយកម្ពុជាក្នុងការជំរុញការនាំចេញផលិតផលរបស់កម្ពុជាទៅកាន់ទៅកាន់ទីផ្សារអន្តរជាតិ។
លោក ម៉ាសាហ៉ីរ៉ូ មីកាមិ (Masahiro Mikami) និងសម្តេចតេជោ ហ៊ុន សែន។ (ប្រភព៖ FN)
លោកឯកអគ្គរាជទូតជប៉ុនប្រចាំកម្ពុជាបានជម្រាបសម្តេចតេជោ ហ៊ុន សែន នាយករដ្ឋមន្ត្រីកម្ពុជាជម្រាប់ដូចនេះនៅព្រឹកថ្ងៃទី ២៣តុលានេះក្នុងឱកាសដែលរូបលោកត្រូវបានអនុញ្ញាតឲ្យចូលជួបសំដែងការគួរសមសម្តេចតេជោ ហ៊ុន សែន នៅវិមានសន្តិភាព។
បើតាមប្រសាសន៍លោក កៅ កឹមហួន រដ្ឋមន្ត្រីប្រតិភូអមនាយករដ្ឋមន្ត្រីបានឲ្យដឹងថានៅក្នុងជំនួបនោះលោក ម៉ាសាហ៊ីរ៉ូ មីកាមិ បញ្ជាក់ថាប្រទេសជប៉ុននៅតែបន្តធ្វើកិច្ច សហប្រតិបត្តិការជាមួយប្រទេសកម្ពុជារួមទាំងគាំទ្រក្នុងការជំរុញកិច្ចសហប្រតិបត្តិការទ្វេភាគីរវាងប្រទេសទាំងពីរឲ្យកាន់តែប្រសើរឡើង ថែមទៀតដូចជាផ្នែកនយោបាយ សេដ្ឋកិច្ច វប្បធម៌ និង វិស័យផ្សេងទៀត។
លោករាជទូតបានប្ដេជ្ញាចិត្តថានៅក្នុងអាណិត្តការទូតរបស់លោកនៅកម្ពុជាលោកនឹងខិតខំពង្រឹងទំនាក់ទំនងកិច្ចសហប្រតិបត្តិការទ្វេភាគីឲ្យកាន់តែមានរីក ចម្រើនទទួលផលផ្លែផ្កានិងជោគជ័យកាន់តែធំធេងៗទៀតរវាងប្រទេសទាំងពីរ ។ រាជរដ្ឋាភិបាលជប៉ុននឹងបន្តជួយកម្ពុជាក្នុងការជំរុញការនាំ ចេញផលិតផលរបស់កម្ពុជាទៅកាន់ទៅកាន់ទីផ្សារអន្តរជាតិ។ជប៉ុននៅតែបន្តផ្ដល់ជំនួយទៅដល់វិស័យដោះមីននិងយុទ្ធភណ្ឌមិនទាន់ផ្ទុះផងដែរ។លោក បន្តទៀតថាជប៉ុនចាប់អារម្មណ៍ទៅលើការផ្ដល់ជំនួយលើវិស័យអគ្គិសនីនៅកម្ពុជារួមទាំងបន្តធ្វើផែនការមេសម្រាប់អភិវឌ្ឍន៍កំពង់ផែក្រុងព្រះសីហនុ។
សម្ដេចតេជោនាយករដ្ឋមន្ត្រីបានមានប្រសាសន៍តបថាទំនាក់ទំនងរវាងប្រទេសទាំងពីរបានឡើងដល់កម្រិតខ្ពស់ជាកម្រិតដៃគូយុទ្ធសាស្ត្រដោយថ្នាក់ដឹកនាំកំពូលនៃប្រទេសទាំងពីរតាមរយៈការបើកឲ្យមានការហោះហើរត្រង់ដែលអាចជួយសម្រួលដល់ការធ្វើដំណើរការទូត អ្នកវិនិយោគនិងទេសចរណ៍ផងដែររវាងប្រទេសទាំងពីរ ។ ទំហំពាណិជ្ជកម្មរវាងកម្ពុជានិងជប៉ុនបានកើនឡើងជាលំដាប់។សម្ដេចចង់បន្តឃើញទំហំពាណិជ្ជកម្មរវាងប្រទេសទាំងពីរបន្តមានការរីកចម្រើនថែមទៀតរួមទាំងការបណ្ដាក់ទុនពីវិនិយោគិនជប៉ុននៅកម្ពុជានាពេលខាងមុខ ។ សម្ដេចក៏ចង់ឃើញកិច្ចសហប្រតិបត្តិការផ្នែកសេដ្ ឋកិច្ចរវាងប្រទេសទាំងពីរមានការរីកចំរើនដូចទៅនឹងវិស័យផ្សេងទៀតផងដែរ ។ សម្តេចក៏បានអរគុណប្រទេសជប៉ុនដែលជាលើកដំបូងហើយជប៉ុនបានផ្ដល់ជំនួយលើវិស័យយោធាដល់កម្ពុជាក្នុងការបណ្ដុះបណ្ដាលយោធាកម្ពុជានៅប្រទេសជប៉ុន ។
សម្ដេចបញ្ជាក់ថាកម្ពុជាចង់ឲ្យជប៉ុនរៀបចំផែនការមេក្នុងការអភិវឌ្ឍកំពង់ផែព្រះសីហនុឲ្យបានឆាប់រហ័សនិងទទួលជោគជ័យ។ដោយសម្តេចបញ្ជាក់ថាការកសាងកំពង់ផែទឹកជ្រៅនៅខេត្តព្រះសីហនុនឹងជួយពង្រឹងសមត្ថភាពកំពង់ផែក្នុងការទទួលកប៉ាល់ធំៗដោយមិនបាច់ត្រូវធ្វើការផ្ទែរទំនិញនៅកំពង់ផែវៀតណាម,សិង្ហបុរីឬម៉ាឡេស៊ីជាដើម ។ សម្ដេចសង្ឃឹមថាជប៉ុននឹងជួយជំរុញកសាងកំពង់ផែទឹកជ្រៅដើម្បីអាចផ្ដល់លទ្ធភាពឲ្យកប៉ាល់ធំៗចូលចតបាន ។ សម្ដេចតេជោក៏អរគុណដល់ជប៉ុនដែលបានជួយលើវិស័យដោះមីននៅកម្ពុជាហើយសម្ដេចបញ្ជាកថាការដោះមីននិងយុទ្ធភណ្ឌមិនទាន់ផ្ទុះនៅតែបន្តបើទោះបីជាមានការថយចុះចំនួនមីនក៏ដោយប៉ុន្តែការងារនេះនៅតែជាការ ងារអាទិភាពរបស់រាជរដ្ឋាភិបាលកម្ពុជា។
ទិដ្ឋភាពនៃកិច្ចជំនួប។ (ប្រភព៖ rasmeinews)
ពាក់ព័ន្ធកំពង់ផែនេះ សម្ដេចតេជោ បានលើកឡើងថា សម្តេចចង់ឲ្យជប៉ុនរៀបចំផែនការមេក្នុងការអភិវឌ្ឍកំពង់ផែព្រះសីហនុ ឱ្យបានឆាប់រហ័ស និងទទួលជោគជ័យ។ សម្តេចតេជោនាយករដ្ឋមន្ត្រី បានលើកឡើងថា ការកសាងកំពង់ផែទឹកជ្រៅនៅខេត្តព្រះសីហនុ នឹងជួយពង្រឹងសមត្ថភាពកំពង់ផែក្នុងការទទួលកប៉ាល់ធំៗ ដោយមិនបាច់ផ្ទេរទំនិញមួយចំនួននៅកំពង់ផែវៀតណាម សិង្ហបុរី និងម៉ាឡេស៊ីជាដើម។
សម្ដេចតេជសង្ឃឹមថា ជប៉ុននឹងជួយជំរុញកសាងកំពង់ផែទឹកជ្រៅ ដើម្បីអាចផ្ដល់លទ្ធភាពឲ្យកប៉ាល់ធំៗ ចូលចតនៅកំពង់ផែស្វយ័ត ក្រុងព្រះសីហនុ។ សម្ដេចតេជោ ក៏អរគុណដល់ជប៉ុន ដែលបានជួយលើវិស័យដោះមីននៅកម្ពុជា។ សម្ដេចតេជោ បានគូសបញ្ជាក់ផងដែរថា ការដោះមីន និងយុទ្ធភណ្ឌមិនទាន់ផ្ទុះ នៅតែបន្ត បើទោះបីជាមានការធ្លាក់ចុះចំនួនមីនក៏ដោយ ប៉ុន្តែការងារនេះ នៅតែជាការងារអាទិភាពរបស់រាជរដ្ឋាភិបាលកម្ពុជា៕
(សរុបដោយវិច្ឆិកា)
មតិពីមិត្តអ្នកអាន