កម្មវិធីពិនិត្យសុខភាព ចែកថ្នាំពេទ្យ និងផ្តល់អំណោយជូនអាណិកជនវៀតណាម និងប្រជាជនខ្មែរជួបការលំបាកក្នុងខេត្តកំពង់ឆ្នាំង

ទីក្រុងហូជីមិញ (វៀតណាម)៖ ការប្រកួតកីឡាមិត្តភាពរវាងនិស្សិតនៃប្រទេសទាំងបីវៀតណាម - ឡាវ - កម្ពុជា

វៀតណាម - កម្ពុជា៖ អ្នកជិតខាងមិត្តភាព

សកម្មភាពពិនិត្យសុខភាពជូនប្រជាជន

នៅក្នុងកម្មវិធី អាណិកជនវៀតណាមចំនួន ៣០០ នាក់ និងប្រជាជនខ្មែរចំនួន ៣០០ នាក់ ដែលមានអាយុចាប់ពី ៤០ ឆ្នាំឡើងទៅ ត្រូវបានពិនិត្យសុខភាពដោយបុគ្គលិកពេទ្យជាង ៦០ នាក់។

ថ្លែងមតិក្នុងកម្មវិធីនេះ លោកស្រី ប៊ន សុភី អភិបាលរងខេត្តកំពង់ឆ្នាំង ក្នុងនាមថ្នាក់ដឹកនាំមូលដ្ឋាន បានថ្លែងអំណរគុណចំពោះរដ្ឋាភិបាល និងប្រជាជនវៀតណាម ដែលតែងតែចែករំលែក និងជួយឧបត្ថម្ភប្រជាជនកម្ពុជាក្នុងគ្រាលំបាក។ ការពិនិត្យសុខភាព ចែកថ្នាំពេទ្យ និងផ្តល់អំណោយ ជូនអាណិកជនវៀតណាម និងប្រជាជនខ្មែរ បង្ហាញពីទំនាក់ទំនងដ៏ជិតស្និទ្ធរវាងប្រជាជននៃប្រទេសទាំងពីរ។

តំណាងអង្គភាពឧបត្ថម្ភដូចជា Metfone, Angkor Milk និងអង្គភាពអាជីវកម្មនានា បានបង្ហាញពីមនោសញ្ចេតនា និងទំនួលខុសត្រូវចំពោះកិច្ចការសង្គមនៅកម្ពុជា រួមទាំងការរួមចំណែកផ្នែកហិរញ្ញវត្ថុ និងអំណោយជាច្រើនសម្រាប់ប្រជាជនក្នុងអំឡុងពេលបុណ្យទាន និងអំឡុងពេលពិនិត្យសុខភាព និងចែកថ្នាំពេទ្យជាប្រចាំឆ្នាំ។

នៅសល់តែប្រហែលមួយសប្តាហ៍ទៀតប៉ុណ្ណោះ ប្រជាជនខ្មែរនឹងទទួលអំណរបុណ្យចូលឆ្នាំថ្មី ដូច្នេះហើយ កម្មវិធីពិនិត្យសុខភាព ចែកថ្នាំពេទ្យ និងផ្តល់អំណោយជូនប្រជាជនក្នុងខេត្តកំពង់ឆ្នាំង ត្រូវបានស្វាគមន៍ និងវាយតម្លៃខ្ពស់ពីមតិសាធារណៈ រួមចំណែកពង្រឹងចំណងសាមគ្គីភាពរវាងសហគមន៍អាណិកជន និងប្រជាជនក្នុងប្រទេសសាមី ព្រមទាំងបង្ហាញពីទំនាក់ទំនងមិត្តភាពជាប្រពៃណីដ៏ល្អរវាងប្រទេសទាំងពីរវៀតណាម-កម្ពុជា៕

យោងតាមកាសែតកងទ័ពប្រជាជន