បង្កើនការបញ្ជូនពលករវៀតណាមទៅធ្វើការនៅរដ្ឋ Thurigen (អាល្លឺម៉ង់)

Etienne Mahler (អាល្លឺម៉ង់)៖ បុណ្យចូលឆ្នាំថ្មីប្រពៃណីវៀតណាម - សប្បាយរីករាយ អាហារឆ្ងាញ់ ចូរកាត់បន្ថយការប្រើប្លាស្ទិកតិច

កម្ពុជាសម្រេចដាក់បម្រាមមិនឲ្យជនបរទេស មកពីប្រទេសអ៉ីតាលី អាល្លឺម៉ង់ អេស្ប៉ាញ បារាំង និងអាមេរិក ចូលប្រទេសរយៈពេល៣០ថ្ងៃ ចាប់ពីថ្ងៃទី១៧ ខែមីនាតទៅ ដើម្បីទប់ស

បង្កើនការបញ្ជូនពលករវៀតណាមទៅធ្វើការនៅរដ្ឋ Thurigen (អាល្លឺម៉ង់)

ក្នុងពិធីទទួលនោះ អនុរដ្ឋមន្ត្រី Le Tan Dung បានចែករំលែកថា ចាប់ពីឆ្នាំ ២០២០ វៀតណាមនឹងត្រូវបានចាត់ថ្នាក់ជា “ដៃគូសកល” ក្នុងយុទ្ធសាស្ត្រសហប្រតិបត្តិការអភិវឌ្ឍន៍ដល់ឆ្នាំ ២០៣០ (BMZ ២០៣០) នៃសាធារណរដ្ឋសហព័ន្ធអាល្លឺម៉ង់។ ប្រទេសទាំងពីរបានពង្រីកកិច្ចសហប្រតិបត្តិការលើវិស័យសំខាន់ៗរួមមាន “ការបណ្តុះបណ្តាល និងកំណើនប្រកបដោយចីរភាពសម្រាប់ការងារប្រកបដោយគុណភាព”។ អាល្លឺម៉ង់គឺជាដៃគូដ៏សំខាន់បំផុតមួយរបស់វៀតណាមក្នុងវិស័យបណ្តុះបណ្តាលវិជ្ជាជីវៈ។

សាធារណរដ្ឋសហព័ន្ធអាល្លឺម៉ង់ក៏បានគាំទ្រដល់ក្រសួងការងារ យុទ្ធជនពិការ និងសង្គមកិច្ច ដើម្បីបង្កើតយុទ្ធសាស្ត្របណ្តុះបណ្តាលវិជ្ជាជីវៈជាតិ សេចក្តីព្រាងច្បាប់បណ្តុះបណ្តាលវិជ្ជាជីវៈ ក៏ដូចជាសាងសង់សាលាវិជ្ជាជីវៈគំរូនៅតាមមូលដ្ឋានមួយចំនួន តាមគំរូបណ្ដុះបណ្ដាលវិជ្ជាជីវៈស្របគ្នាដ៏ជោគជ័យរបស់សាធារណរដ្ឋសហព័ន្ធអាល្លឺម៉ង់។ទាក់ទិននឹងកិច្ចសហប្រតិបត្តិការក្នុងការនាំយកពលករវៀតណាមដែលមានជំនាញមកប្រទេសអាល្លឺម៉ង់ទៅធ្វើការនោះ ភាគីទាំងពីរបានសហការតាមរយៈការអនុវត្តកម្មវិធីជ្រើសរើស និងបញ្ជូនពលករវៀតណាមទៅកាន់ប្រទេសអាឡឺម៉ង់ដើម្បីធ្វើការក្នុងវិស័យបច្ចេកវិទ្យាព័ត៌មាន វិស្វកម្មអេឡិចត្រូនិច ឧស្សាហកម្មធ្វើម្ហូប ឬសណ្ឋាគារ; ជ្រើសរើស បណ្តុះបណ្តាល និងបញ្ជូនពលករវៀតណាមទៅសិក្សា និងធ្វើការផ្នែកថែទាំមនុស្សចាស់ មនុស្សឈឺ និងគិលានុបដ្ឋាយិកាទូទៅ។ ពលករវៀតណាមភាគច្រើនដែលមកធ្វើការនៅប្រទេសអាឡឺម៉ង់ មានការងារមានស្ថិរភាព ជាមួយនឹងប្រាក់ចំណូលខ្ពស់ និងអត្ថប្រយោជន៍សុខុមាលភាពល្អ។

នាពេលខាងមុខ លោក Bodo Ramelow សង្ឃឹមថា រដ្ឋាភិបាលនៃប្រទេសទាំងពីរនឹងក្លាយជាស្ពានពង្រីកវិសាលភាពនៃវិស័យការងារផ្សេងៗទៀត ដើម្បីឲ្យពលករវៀតណាមចូលមកធ្វើការនៅប្រទេសអាល្លឺម៉ង់កាន់តែច្រើន។ ទន្ទឹមនឹងនោះ លុបបំបាត់ការលំបាកមួយចំនួនទាក់ទងនឹងការផ្តល់អាជ្ញាប័ណ្ណទិដ្ឋាការការងារ និងឯកសារពាក់ព័ន្ធ ដើម្បីបង្កើតលក្ខខណ្ឌអំណោយផលសម្រាប់ពលករវៀតណាមទៅធ្វើការនៅប្រទេសអាល្លឺម៉ង់៕

ឌឹកអាញ់

Thoidai.com.vn