ឥណ្ឌាតែងតែត្រៀមខ្លួនជាស្រេចដើម្បីចូលរួមកាន់តែខ្លាំងថែមទៀតជាមួយតំបន់ ដើម្បីរក្សាសន្តិភាព ស្ថិរភាព និងជំរុញកិច្ចសហប្រតិបត្តិការ និងការអភិវឌ្ឍក្នុងតំបន់

អាស៊ានរក្សាតួនាទីមជ្ឈភាពយ៉ាងរឹងមាំក្នុងការជំរុញកិច្ចសន្ទនា និងកិច្ចសហប្រតិបត្តិការ ដើម្បីសន្តិភាព ស្ថិរភាព និងការអភិវឌ្ឍរបស់តំបន់និងពិភពលោក

ការបោះឆ្នោតដើម្បីសន្តិភាព ស្ថិរភាព និងវឌ្ឍនភាពរបស់ព្រះរាជាណាចក្រកម្ពុជា

លោក Pham Minh Chinh នាយករដ្ឋមន្ត្រីវៀតណាម ទទួលជួប លោក S. Jaishankar រដ្ឋមន្ត្រីការបរទេសឥណ្ឌា

លោកនាយករដ្ឋមន្ត្រីបានស្វាគមន៍ចំពោះក្រសួងការបរទេសទាំងពីរដែលរៀបចំកិច្ចប្រជុំគណៈកម្មាធិការចម្រុះប្រកបដោយជោគជ័យដោយទទួលបានលទ្ធផលសំខាន់ៗជាច្រើន ដាក់ចេញវិធានការលុបបំបាត់ឧបសគ្គ ជម្រុញវិស័យសហប្រតិបត្តិការនានាឱ្យកាន់តែមានគុណភាព និងប្រសិទ្ធភាពថែមទៀង។ លោកនាយករដ្ឋមន្ត្រីបានស្នើឱ្យក្រសួងការបរទេសនៃប្រទេសទាំងពីរខិតខំប្រឹងប្រែងអនុវត្តលទ្ធផលនៃកិច្ចប្រជុំ រួមទាំងការសម្របសម្រួល និងរៀបចំឱ្យបានល្អសម្រាប់សកម្មភាពកម្រិតខ្ពស់នៅទូទាំងបណ្តាញ ព្រមទាំងរក្សាឱ្យបានទៀងទាត់នូវយន្តការសហប្រតិបត្តិការទ្វេភាគី និងលើកកម្ពស់ការផ្លាស់ប្តូររវាងប្រជាជន និងប្រជាជន។

លោករដ្ឋមន្ត្រីការបរទេសឥណ្ឌា បានសម្តែងនូវសេចក្តីរីករាយចំពោះដំណើរទស្សនកិច្ចជាផ្លូវការលើកដំបូងនៅវៀតណាម និងថ្លែងអំណរគុណចំពោះលោក Pham Minh Chinh ដែលបានចំណាយពេលទទួលគណៈប្រតិភូ។ វាយតំលៃខ្ពស់ចំពោះការអភិវឌ្ឍសេដ្ឋកិច្ចសង្គម និងសមិទ្ធផលក្នុង​កិច្ចការបរទេសរបស់វៀតណាម លោករដ្ឋមន្ត្រីបានអះអាងថា ឥណ្ឌាចាត់ទុកវៀតណាម ជាដៃគូសំខាន់នៅតំបន់ក្នុងការអនុវត្តគោលនយោបាយ “សកម្មភាពឆ្ពោះទៅទិសខាងកើត” ហើយសង្កត់ធ្ងន់ថា ឥណ្ឌាមានបំណងបន្តជំរុញទំនាក់ទំនងដៃគូយុទ្ធសាស្ត្រលើគ្រប់ជ្រុងជ្រោយជាមួយវៀតណាម។

ក្នុងឱកាសនេះ លោករដ្ឋមន្ត្រី S.Jaishankar បានពាំនាំនូវការផ្តាំផ្ញើសាកសួរសុខទុក្ខពីសំណាកលោក Narendra Modi នាយករដ្ឋមន្ត្រីឥណ្ឌា ជូនចំពោះលោក Pham Minh Chinh នាយករដ្ឋមន្ត្រីវៀតណាម ដែលបង្ហាញក្តីសង្ឃឹមថា នឹងទទួលស្វាគមន៍លោកនាយករដ្ឋមន្ត្រីអញ្ជើញ​មកបំពេញទស្សនកិច្ចជាផ្លូវការនៅប្រទេសឥណ្ឌា នាពេលខាងមុខ។

លោកនាយករដ្ឋមន្ត្រីបានស្នើឱ្យភាគីទាំងពីរពង្រីកកិច្ចសហប្រតិបត្តិការលើវិស័យថ្មីៗដូចជា ការធ្វើបរិវត្តកម្មឌីជីថល ការឆ្លើយតបទៅនឹងការប្រែប្រួលអាកាសធាតុ និងការធ្វើបរិវត្តកម្មថាមពល កំណើនបៃតង ...

លោករដ្ឋមន្ត្រី S. Jaishankar បានអះអាងថា លោកនឹងសម្របសម្រួលយ៉ាងជិតស្និទ្ធជាមួយក្រសួងការបរទេសវៀតណាម ដើម្បីអនុវត្តលទ្ធផលដែលសម្រេចបាននៅសម័យប្រជុំលើកទី១៨ នៃគណៈកម្មាធិការចម្រុះ រួមចំណែកធ្វើឱ្យទំនាក់ទំនងនៃប្រទេសទាំងពីរកាន់តែស៊ីជម្រៅ ជាពិសេសលើវិស័យការពារជាតិ-សន្តិសុខ សេដ្ឋកិច្ច ពាណិជ្ជកម្ម ការវិនិយោគ វិទ្យាសាស្ត្រ និងបច្ចេកវិទ្យា។ លោករដ្ឋមន្ត្រីបានស្នើឱ្យភាគីទាំងពីរជំរុញនីតិវិធីក្នុងការទទួលស្គាល់ផលិតផលកសិកម្មរបស់គ្នាទៅវិញទៅមក។

ពិភាក្សាអំពីបញ្ហាក្នុងតំបន់ និងអន្តរជាតិ ដែលមានការយកចិត្តទុកដាក់ដូចគ្នា លោករដ្ឋមន្ត្រីការបរទេសឥណ្ឌាបានសង្កត់ធ្ងន់ថា ប្រឈមមុខនឹងការវិវឌ្ឍន៍ដ៏ស្មុគស្មាញ និងមិនអាចទាយទុកជាមុនបានក្នុងស្ថានភាពអន្តរជាតិ និងតំបន់ឥណ្ឌាតែងតែយកចិត្តទុកដាក់ចំពោះកិច្ចសហប្រតិបត្តិការជាមួយវៀតណាមនិយាយដោយឡែក និងអាស៊ាននិយាយរួម។ លោករដ្ឋមន្ត្រីបានអះអាងថា ឥណ្ឌាតែងតែត្រៀមខ្លួនជាស្រេចដើម្បីចូលរួមកាន់តែខ្លាំងថែមទៀតជាមួយតំបន់ ដើម្បីរក្សាសន្តិភាព ស្ថិរភាព និងជំរុញកិច្ចសហប្រតិបត្តិការ និងការអភិវឌ្ឍក្នុងតំបន់។

លោករដ្ឋមន្ត្រី S. Jaishankar បានរំលឹកឡើងវិញនូវជំហររបស់ឥណ្ឌាដែលគាំទ្រតួនាទីមជ្ឈភាពរបស់អាស៊ាន និងគាំទ្រគោលការណ៍ជាមូលដ្ឋានរបស់អាស៊ានក្នុងការដោះស្រាយបញ្ហាក្នុងតំបន់ រួមទាំងបញ្ហាសមុទ្រខាងកើតផងដែរ៕

យោងតាមកាសែតកងទ័ពប្រជាជន