វៀតណាមមានការរួមចំណែកជាក់ស្តែងជាច្រើន

កងទ័ពជើងទឹកវៀតណាមបញ្ចប់ដំណើរទស្សនកិច្ច និងផ្លាស់ប្តូរនៅប្រទេសជប៉ុន

ខេត្តក្រចេះ និងបញ្ជាការដ្ឋានយោធាស្រុក Phu Rieng គឺជា «មិត្ត» ជិតស្និទ្ធ

ការរួមចំណែកជាក់ស្តែងរបស់វៀតណាមក្នុងសម័យប្រជុំលើកទី ៥៤ នៃក្រុមប្រឹក្សាសិទ្ធិមនុស្សអង្គការសហប្រជាជាតិ

គណៈប្រតិភូវៀតណាមដឹកនាំដោយលោកស្រី Le Thi Tuyet Mai ឯកអគ្គរដ្ឋទូត​ ប្រធានស្ថានបេសកកម្មអចិន្ត្រៃយ៍វៀតណាម អមអង្គការសហប្រជាជាតិ អង្គការពាណិជ្ជកម្មពិភពលោក (WTO) និងអង្គការអន្តរជាតិផ្សេងទៀតនៅទីក្រុងហ្សឺណែវ បានចូលរួមយ៉ាងសកម្មនៅក្នុងសម័យប្រជុំលើកទី ៥៤ នៃក្រុមប្រឹក្សាសិទ្ធិមនុស្ស និងអនុវត្តគំនិតផ្តួចផ្តើមចំនួនពីរ។

ជាពិសេស វៀតណាមបានដឹកនាំការតាក់តែង និងបង្ហាញសេចក្តីថ្លែងការណ៍រួមស្តីពីការលើកកម្ពស់សិទ្ធិមនុស្សក្នុងការទទួលថ្នាំវ៉ាក់សាំង ព្រមទាំង សម្របសម្រួលជាមួយប្រទេសប្រេស៊ីល និងសម្ព័ន្ធសកលស្តីពីវ៉ាក់សាំង និងការចាក់ថ្នាំបង្ការ (GAVI) ដើម្បីដឹកនាំកិច្ចពិភាក្សាអន្តរជាតិស្តីពីការលើកកម្ពស់សិទ្ធិមនុស្សក្នុងការទទួលថ្នាំវ៉ាក់សាំង។

ទន្ទឹមនឹងនោះ វៀតណាម និងឥណ្ឌាបានសហការរៀបចំកិច្ចពិភាក្សាអន្តរជាតិ ក្រោមប្រធានបទ “៧៥ឆ្នាំនៃសេចក្តីប្រកាសជាសកលស្តីពីសិទ្ធិមនុស្ស និង៣០ឆ្នាំនៃសេចក្តីប្រកាស និងកម្មវិធីធ្វើសកម្មភាពទីក្រុងវីយែន៖ អនុវត្តសិទ្ធិក្នុងការអភិវឌ្ឍដើម្បីធានាសិទ្ធិមនុស្ស និងរបៀបវារៈឆ្នាំ២០៣០”។ គណៈប្រតិភូវៀតណាមបានផ្ដល់យោបល់ក្នុងកិច្ចប្រជុំ និងកិច្ចពិភាក្សាជាច្រើនលើប្រធានបទផ្សេងៗគ្នា។ ការចូលរួមយ៉ាងសកម្មរបស់គណៈប្រតិភូវៀតណាមក្នុងសម័យប្រជុំលើកទី ៥៤ នៃក្រុមប្រឹក្សាសិទ្ធិមនុស្សអង្គការសហប្រជាជាតិ បានបង្ហាញយ៉ាងច្បាស់នូវការខិតខំប្រឹងប្រែង និងការទទួលខុសត្រូវរបស់វៀតណាមក្នុងនាមជាសមាជិកក្រុមប្រឹក្សាសិទ្ធិមនុស្សសម្រាប់អាណត្តិ ២០២៣-២០២៥៕

យោងតាមកាសែតកងទ័ពប្រជាជន