មុខរបរប្រពៃណីជួយស្ត្រីខ្មែរនៅវៀតណាមបង្កើនប្រាក់ចំណូល

សមាគមសហគ្រិនវៀតណាម-កាណាដាផ្ដល់ប្រាក់ជំនួយដល់មន្ទីរពេទ្យ Cho Ray

សមាគម VKIA បានចុះហត្ថលេខាលើកិច្ចព្រមព្រៀងសហប្រតិបត្តិការជាយុទ្ធសាស្រ្តជាមួយសមាគមរថយន្តអគ្គិសនីកង់ពីរកូរ៉េខាងត្បូង (KEMS)

ផលិតផលសំពត់សង្កិមប្រពៃណីរបស់ជនជាតិខ្មែរនៅ ស្រុក Tinh Bien (An Giang)

នៅទីរួមខេត្ត Tinh Bien (An Giang) ជនជាតិខ្មែររស់នៅភាគច្រើននៅឃុំ Van Giao, An Cu, Vinh Trung, An Hao និង Tan Loi។ ក្រៅពីលើកកម្ពស់ប្រសិទ្ធភាពការងារផលិតកម្ម ប្រជាជនក៏រក្សាមុខរបរត្បាញសំពត់សង្កិមប្រពៃណីដែលមានជាង១០០ឆ្នាំមកហើយ។ លោកស្រី Neang Chanh Ty ជាជាងតម្បាញម្នាក់ និងជាសមាជិកខិតខំថែរក្សា និងលើកកម្ពស់របរត្បាញនៅភូមិ Sray-Skoth ឃុំ Van Giao ឲ្យដឹងថា៖ “គ្រួសាររបស់ខ្ញុំបានបន្តរបរត្បាញសំពត់សង្កិមនេះបីជំនាន់មកហើយ។ ផលិតផលតម្បាញរបស់ភូមិមិនត្រឹមតែមានលក់នៅតាមខេត្ត ក្រុងនានាក្នុងប្រទេសប៉ុណ្ណោះទេ ថែមទាំងត្រូវបានលក់ទៅប្រទេសជាច្រើននៅអាស៊ីអាគ្នេយ៍ទៀតផង ដោយហេតុនេះជួយបង្កើនប្រាក់ចំណូលដល់ស្ត្រីនៅតាមភូមិ និងក៏ជាវាជាវីធីសាស្ត្រមួយក្នុងការរក្សា​របរតម្បាញប្រពៃណីរបស់ជនជាតិខ្មែរផងដែរ។

ភូមិប្រកបរបរតម្បាញប្រពៃណី Sray-Skoth មានសមាជិកជិត ១៨០ នាក់ ស្ត្រីម្នាក់ៗអាចទទួលបានប្រាក់ចំណូលពី ២-៥ លានដុង/ខែ អាស្រ័យលើជំនាញរបស់ពួកគេ។ លោក Ho Van Duc អនុប្រធានគណៈកម្មាធិការប្រជាជនឃុំ Van Giao បានឲ្យដឹងថា៖ “ភូមិតម្បាញប្រពៃណីរបស់ជនជាតិខ្មែរនៅភូមិ Sray-Skoth បាននាំមកនូវប្រសិទ្ធភាពខ្ពស់ ជួយស្ត្រីរាប់រយនាក់មានការងារធ្វើ និងប្រាក់ចំណូលស្ថិរភាព។ គណៈកម្មាធិការបក្ស និងគណៈកម្មាធិការប្រជាជនឃុំកំពុងសហការជាមួយសមាគមនារីឃុំ បង្កើនដើមទុនឲ្យសមាជិកវិនិយោគលើឧបករណ៍ និងសម្ភារៈ ដើម្បីអភិវឌ្ឍន៍របរតម្បាញប្រពៃណីនេះ។

សម្រាប់ប្រជាជនខ្មែរនៅតំបន់ដីសណ្តទន្លេមេគង្គ ពួកគាត់មិនត្រឹមតែចេះរបតម្បាញប្រពៃណីប៉ុណ្ណោះទេ ថែមទាំងចេះប្រើកក់ដើម្បីបង្កើតផលិតផលតម្បាញដែរ ដែលនាំមកនូវប្រាក់ចំណូលសម្រាប់គ្រួសារ។ លោកស្រី Nguyen Ngoc Ban សមាជិកសហករណ៍នារីតម្បាញកក់ Phu My ឃុំ Phu My (Giang Thanh, Kien Giang) បានឲ្យដឹងថា៖ “ផលិតផលតម្បាញកក់របស់សហករណ៍ត្រូវបានរចនាយ៉ាងស្អាតៗ និងមានការបញ្ជាទិញកាន់តែច្រើនឡើងៗ ដោយហេតុនេះបង្កើតការងារធ្វើជូនកម្មករជាង ២០០ នាក់ ដោយទទួលបានប្រាក់ចំណូលជាមធ្យម ២០០.០០០ ដុង ម្នាក់ ក្នុងមួយថ្ងៃ”។ លោក Le Trung Kien អនុប្រធានគណៈកម្មាធិការប្រជាជនឃុំ Phu My បានមានប្រសាសន៍ថា៖ “Phu My មានប្រជាជនជាង ៤០% ជាជនជាតិខ្មែរ។ ក្នុងរយៈពេលជាច្រើនឆ្នាំ ដើម្បីជួយស្ត្រីក្នុងការអភិវឌ្ឍសេដ្ឋកិច្ចរបស់ខ្លួន ឃុំបានបង្កើត និងដាក់ឱ្យដំណើរការបានយ៉ាងមានប្រសិទ្ធភាពនូវសហករណ៍ចំនួន ៤ និងក្រុមចំនួន ១៣ ដែលបង្កើតការងារធ្វើជូនកម្មកររាប់រយនាក់។ រហូតមកដល់ពេលនេះ អត្រាភាពក្រីក្ររបស់ឃុំបានធ្លាក់ចុះមកនៅក្រោម២%»៕

យោងតាមកាសែតកងទ័ពប្រជាជន