កោះកុង មិនត្រឹមតែជាខេត្តដែលមានឆ្នេរសមុទ្រវែងអន្លាយនោះទេ តែថែមទាំងជាខេត្តមួយស្ថិតនៅភាគនិរតីនៃប្រទេសកម្ពុជា ដែលសម្បូរទៅដោយកោះ និង ព្រៃភ្នំធម្មជាតិជាច្រើន កំពុងរង់ចាំភ្ញៀវទេសចរទៅទស្សនាកម្សាន្តសម្រាប់ថ្ងៃឈប់សម្រាកចុងសប្ដាហ៍ ក៏ដូចជាក្នុងឱកាសជួបជុំដំណើរកម្សាន្ត ជាដើម។
 មកស្គាល់ កសិដ្ឋានចិញ្ចឹមចៀម ០២ កន្លែងនៅកម្ពុជា អ្នកស្រឡាញ់ចូលចិត្តសត្វត្រូវម៉ាច់ |
 ចង់សាកថ្មឱ្យជីវិត ៥ កន្លែងនៅខេត្តព្រះវិហារនេះ អាចធ្វើឱ្យអ្នកស្រស់ស្រាយអារម្មណ៍បានយ៉ាងល្អបំផុត |
ទន្ទឹមទៅនឹងលក្ខណៈពិសេសជាច្រើននេះ ថ្មីៗនេះ ប្រិយមិត្តអ្នកប្រើប្រាស់បណ្ដាញសង្គម បាននាំគ្នាផ្ទុះការចាប់អារម្មណ៍នូវកន្លែងលម្ហែបែប Private ក្នុងភូមិសាស្ត្រដ៏ល្អខាងលើ ដែលនៅទីនោះមានឈ្មោះថា «Sun Bear Valley»។
ស្ថិតនៅភូមិអូរកី ឃុំជីផាត ស្រុកថ្មបាំង ខេត្តកោះកុង «Sun Bear Valley» ជាផ្ទះស្នាក់បែបឯកជនលើមាត់ជ្រោះដំបូងគេក្នុងតំបន់ទេសចរណ៍ធម្មជាតិជីផាត ទឹកដីខេត្តកោះកុង ស័ក្តិសមសម្រាប់អ្នកចូលចិត្តសោយសុខជាមួយធម្មជាតិបែបស្ងប់ស្ងាត់ គេងស្ដាប់សំឡេងសត្វយំ លាយឡំសំឡេងទឹកធ្លាក់ ជាទីដ៏មនោរម្យ និង ស្រស់ត្រកាលក្រៃលែង។
ចំពោះការធ្វើដំណើរវិញ ប្រិយមិត្តអាចធ្វើដំណើរពីភ្នំពេញ ទៅដល់ជីផាត ខេត្តកោះកុង ចម្ងាយប្រមាណ ២១៨ គីឡូម៉ែត្រ ពេលទៅដល់ជីផាត ប្រិយមិត្តត្រូវឆ្លងសាឡាងសិនទើបដល់ភូមិជីផាត បន្ទាប់ពីឆ្លងសាឡាង គឺសល់តែ ១២ គីឡូទៀតប៉ុណ្ណោះ នឹងទៅដល់ផ្ទះលម្ហែ Sun Bear Valley ដែលប្រិយមិត្តអាចទាក់ទងសួរនាំបន្ថែមតាមរយៈទូរស័ព្ទលេខ 069321520 ឬ 090321520៕
មតិពីមិត្តអ្នកអាន