ធនាគារ អ៊ឹមប៊ី (ខេមបូឌា) ម.ក (MBCambodia) បានរៀបចំពិធីសម្ពោធជាផ្លូវការនៅថ្ងៃទី ២៧ ខែកុម្ភៈ ក្នុងការក្លាយជាធនាគារពាណិជ្ជពេញលេញនៅក្នុងប្រទេសកម្ពុជា។ អញ្ជើញចូលរួមមាន លោក Nguyen Huy Tang ឯកអគ្គរដ្ឋទូតវៀតណាមប្រចាំកម្ពុជា និងលោក ជា ចាន់តូ ទេសាភិបាល ធនាគារជាតិនៃកម្ពុជា និងថ្នាក់ដឹកនាំធនាគា អ៊ឹមប៊ី (ខេមបូឌា) ម.ក។
មកស្គាល់សណ្ឋាគារលំដាប់ផ្កាយ ៥ ល្បីៗ រៀបចំយ៉ាងប្រណីតចំនួន ៥ កន្លែង នៅក្នុងរាជធានីភ្នំពេញ |
ធនាគា ADB ជួយទ្រទ្រង់សហគ្រាសខ្នាតតូចនិងមធ្យមនៅវៀតណាមដោយស្ត្រីធ្វើជាម្ចាស់ |
ពិធីសម្ពោធជាផ្លូវការ MBCambodia |
ធនាគារ MBCambodia ត្រូវបានបង្កើតឡើងនៅក្នុងប្រទេសកម្ពុជាតាំងពីឆ្នាំ ២០១១ ក្នុងនាមជាសាខាប្រចាំកម្ពុជា តែសព្វថ្ងៃនេះ ធនាគារ MBCambodia បានចាប់ផ្តើមដំណើរការជាធនាគារពាណិជ្ជមួយដែលមានចក្ខុវិស័យរយៈពេលវែងក្នុងការផ្តល់ជូនអតិថិជននូវសេវាកម្មធនាគារផ្សេងៗជាច្រើន។ ផលិតផល និងសេវាកម្មសំខាន់ៗរបស់ធនាគារ MBCambodia រួមមាន៖ សេវាធនាគារបុគ្គល និងសេវាធនាគារសម្រាប់អាជីវកម្មនានានៅក្នុងប្រទេសកម្ពុជា។
អញ្ជើញថ្លែងមតិក្នុងពិធីនេះ លោកឯកអគ្គរដ្ឋទូត Nguyen Huy Tang បានវាយតំលៃខ្ពស់ចំពោះលទ្ធផលរបស់ធនាគារនៅប្រទេសកម្ពុជា។ លោកឯកអគ្គរដ្ឋទូតបានអះអាងថា “ក្នុងរយៈពេល១១ ឆ្នាំ ធនាគារ MBCambodia បានរួមចំណែកក្នុងការអភិវឌ្ឍន៍សេដ្ឋកិច្ច បង្កើតការងារធ្វើ ចូលរួមយ៉ាងសកម្មក្នុងសកម្មភាពសង្គម រួមចំណែកកសាងទំនាក់ទំនងមិត្តភាពនិងសាមគ្គីភាពវៀតណាម-កម្ពុជា”។
តាងនាមរដ្ឋាភិបាលវៀតណាម លោកឯកអគ្គរដ្ឋទូត Nguyen Huy Tang បានថ្លែងអំណរគុណចំពោះ លោក ជា ចាន់តូ ទេសាភិបាលធនាគារជាតិនៃកម្ពុជា និងថ្នាក់ដឹកនាំនៃធនាគារជាតិនៃកម្ពុជា ដែលតែងតែយកចិត្តទុកដាក់ និងបង្កើតលក្ខខណ្ឌអំណោយផលសម្រាប់ MBCambodia ក៏ដូចជាធនាគារពាណិជ្ជរបស់វៀតណាមដែលកំពុងធ្វើអាជីវកម្មក្នុងប្រទេសកម្ពុជានាពេលកន្លងមក។
លោកឯកអគ្គរដ្ឋទូត Nguyen Huy Tang ថ្លែងមតិនៅទីនេះ |
រីឯលោក ជា ចាន់តូ ទេសាភិបាលធនាគារជាតិនៃកម្ពុជា បានវាយតម្លៃខ្ពស់ចំពោះការបើកដំណើរការជាផ្លូវការនៃ MBCambodia។ ហើយចាត់ទុកថាជាការរួមចំណែកក្នុងការអភិវឌ្ឍប្រព័ន្ធធនាគារ និងហិរញ្ញវត្ថុនៅកម្ពុជា ស្របតាមយុទ្ធសាស្ត្រអភិវឌ្ឍន៍សេដ្ឋកិច្ចរបស់រាជរដ្ឋាភិបាលកម្ពុជា។
លោក ជា ចាន់តូ ទេសាភិបាលធនាគារជាតិនៃកម្ពុជាបានមានប្រសាសន៍ថា៖ «ធនាគារ អ៊ឹមប៊ី (ខេមបូឌា) នឹងចូលរួមប្រកួតប្រជែងដោយស្មើភាព និងតម្លាភាពជាមួយគ្រឹះស្ថានធនាគារ និងហិរញ្ញវត្ថុដទៃទៀត ព្រមទាំងនាំមកនូវបទពិសោធន៍ ធុរកិច្ច បច្ចេកវិទ្យាទំនើបៗ នវានុវត្តភាព និងផលិតផលហិរញ្ញវត្ថុថ្មីៗឲ្យកាន់តែសម្បូរបែប ដើម្បីបំពេញសេចក្តីត្រូវការរបស់អតិថិជនបន្ថែមទៀតនៅពេលបច្ចុប្បន្ន ក៏ដូចជានាពេលអនាគត និងចូលរួមគាំទ្រដល់ការអភិវឌ្ឍទីផ្សារធនាគារ និងហិរញ្ញវត្ថុក្នុងព្រះរាជាណាចក្រកម្ពុជា។
គួររំលឹកថា កាលពីថ្ងៃទី ២៥ ខែកុម្ភៈ ឆ្នាំ ២០២៣ ធនាគារ MBCambodia ក៏បានប្រារព្ធពិធីសម្ពោធការិយាល័យកណ្តាល ដែលមានអាសយដ្ឋាននៅអាគារលេខ ១៤៦ (Keystone Tower) មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ កម្ពុជា៕
មតិពីមិត្តអ្នកអាន