កោះទ្រង់ តំបន់ទេសចរណ៍ធម្មជាតិលំដាប់ទី២នៅក្រចេះ

ទិដ្ឋភាពនៃកោះទ្រង់​ដែល​បាន​ថតពីកម្ពស់។ (រូបថត៖ kratie.gov.kh)

អត្រា​ពលរដ្ឋ​រស់នៅ​លើ​ដី​កោះ មាន​ចំនួន​៤២៥​គ្រួសារ ស្មើ​និង​១៨៨៣​នាក់ ។ ក្រៅពី​មាន​ដី ដែល​សំបូរ​ដោ​យេ​ជីវជាតិ សម្រាប់​បង្កបង្កើន​ផលដំណាំ​កសិកម្ម​គ្រប់​ប្រភេទ លើ​ផ្ទៃដី​ទំហំ​ជាង​២២៣​ហិ​កតា កោះ​នេះ​ក៏​ផ្តល់​នូវ​សក្តា នុពល​អេកូ​ទេសចរណ៍​ដ៏​សម្បូរ​បែប​ផង​ដែរ ។ សព្វថ្ងៃ ការ​ធ្វើ​អាជីវកម្ម​បាន​មក​ពី​ទេសចរណ៍ ត្រូវ​បាន​ពល រដ្ឋ​នៅ​លើ​កោះ​ចាត់​ទុកជា​ប្រភព​ចំណូល​ចម្បង​ពី​របរ​កសិកម្ម​។

ភ្ញៀវទេសចរ​ជិះកង​មកទស្សនាកោះទ្រង់។ (រូបថត៖ kratie.gov.kh)

កោះទ្រង់ជាតំបន់ដែលមានសក្តានុពលនៃវិស័យអេកូ-ទេសចរណ៍បែបធម្មជាតិ មួយដ៏ត្រកាលក្នុងចំណោមតំបន់ជាច្រើនទៀតរបស់ខេត្តក្រចេះ។ កោះនេះមានឆ្នេរខ្សាច់អមដោយទឹកទន្លេថ្លាយង់នារដូវប្រាំង ដែលលាតសន្ធឹងតាមបណ្តោយកោះផ្នែកខាងកើត ទល់មុខនឹងទីរួមខេត្តក្រចេះ គួរជាទីគយគន់ និងការធ្វើដំណើរកំសាន្តដ៏មនោរម្យ របស់ភ្ញៀវទេសចរជាតិ និងអន្តរជាតិ ជាពិសេសគឺការស្រូបយកជំនោរដ៏បរិសុទ្ធពីធម្មជាតិ។

ភ្ញៀវទេសច​ហែលទឹក។ (រូបថត៖ kratie.gov.kh)

កោះនេះមានបណ្តោយប្រមាណ ៤.៥ គ.ម ពីជើងទៅត្បូង ព័ទ្ធដោយផ្លូវលំមួយខ្សែប្រវែង ៩ ​គ.ម និងអមដងផ្លូវសម្បូរទៅដោយដើមក្រូចថ្លុង ដែលមានរស់ជាតិផ្អែមពីធម្មជាតិពិតៗ នៅចំកណ្តាលកោះមានបឹងចំនួន២ ដែលមានចំការបនែ្ល និងស្រែប្រាំង/វស្សាលាស់ខៀវខ្ចីស្ទើរគ្រប់រដូវកាល សហគមន៍អេកូទេសចរណ៍ធម្មជាតិ បង្កើតឡើងនៅថ្ងៃទី២៥ ខែឧសភា ឆ្នាំ២០០៨ ក្រោមការជួយសម្របសម្រួលពីមន្ទីរទេសចរណ៍ខេត្តក្រចេះ អង្គការកាហ្វដុក និងមានការគាំទ្រថវិកាពីអង្គការមូលនិធីអាស៊ី តាមរយៈអង្គការ អុកស្វាមអង់គ្លេស។

ភ្ញៀវសប្បាយរីករាល​នៅពេលចែវទូក។ (រូបថត៖ kratie.gov.kh)

សកម្មភាពទេសចរ ៖ សហគមន៍អេកូ-ទេសចរណ៍ធម្មជាតិកោះទ្រង់បានក្លាយជាភូមិស្អាត មានអនាម័យ និងបរិស្ថានល្អ ជាការទាក់ទាញដល់ភ្ញៀវទេសចរជាតិ និងអន្តរជាតិ។ កោះទ្រង់មានផ្ទះស្នាក់សហគមន៍ ម្ហូបអាហារ សួនដំាបន្លែ ​ និងមានម៉ូតូឌុប រទេះសេះ រទេះគោ ជួលកង់ជិះកំសាន្តជំវិញកោះ មើលសត្វជ្រឹង មើលភូមិបណ្តែតទឺករបស់ជនជាតិវៀតណាម ហើយទេសចរក៍អាចធ្វើការប៉ោះតង់លើឆ្នេរខ្សាច់(ឆ្នេរផ្តើមស្នេហ៍)ដ៍ស្រស់ស្អាតដែលអាចមើលឃើញសម្រស់ក្រុងក្រចេះនាពេលរាត្រីផងដែរ./.

（បូកសរុបដោយឌីណា）

（បូកសរុបដោយឌីណា）