តបស្នងសងគុណចំពោះបុព្វការីជនដែលមានគុណូបការៈចំពោះប្រទេសជាតិ

ចំណង​សាមគ្គីភាព​និង​មិត្តភាព​រវាង​វៀតណាម​និង​កម្ពុជា​កាន់តែ​រឹងមាំ​យូរអង្វែង

ផ្សព្វផ្សាយវប្បធម៌វៀតណាមតាមរយៈរបរតម្បាញសង្កិមរបស់ជនជាតិប៉ាថែន (Pa Then)

លោក Nguyen Van Phuong ប្រធានគណៈកម្មាធិការប្រជាជនខេត្ត Thua Thien Hue បានវាយស្គរបើកពិធីបុណ្យ។

ថ្ងៃនេះ (៣០ មករា) នៅមជ្ឈមណ្ឌលវប្បធម៌ Huyen Tran (ទីក្រុង Hue) មន្ទីរវប្បធម៌ និងកីឡា Thua Thien - Hue បានប្រារព្ធពិធីបុណ្យវិហារ Huyen Tran Xuan និទាឃរដូវ ឆ្នាំថោះ បញ្ចស័ក ២០២៣ ក្រោមប្រធានបទ “គោរពបូជាបុព្វការីជន”។ នេះគឺជាសកម្មភាពប្រចាំឆ្នាំនៃពិធីបុណ្យនិទាឃរដូវក្នុងក្របខ័ណ្ឌនៃមហោស្រព Hue ២០២៣។

ពិធីបុណ្យវិហារ Huyen Tran ជាមួយនឹងសកម្មភាពដ៏សម្បូរបែប និងអត្ថន័យដែលបង្ហាញពីតម្លៃវប្បធម៌ Hue សេចក្តីប្រាថ្នា និងការប្តេជ្ញាចិត្តក្នុងការខិតខំកសាងតំបន់ដែលកំពុងរីកចម្រើន សក្តិសមជាមជ្ឈមណ្ឌលវប្បធម៌ និងទេសចរណ៍ដ៏វិសេសវិសាល ទីក្រុងមហោស្រពរបស់វៀតណាម។

ពិធីបុណ្យវិហារ Huyen Tran បានបើកជាមួយនឹងកម្មវិធីសិល្បៈដើម្បីរំលឹកដល់គុណូបការៈរបស់ម្ចាស់ក្សត្រី Huyen Tran (១២៨៧ - ១៣៤០) - បុត្រីរបស់ស្តេច Tran Nhan Tong ដែលបានប្តេជ្ញាចិត្ត និងលះបង់សេចក្តីស្រឡាញ់របស់ព្រះនាង ដើម្បីរួមចំណែកបង្កើតតំបន់ Thuan Hoa - Phu Xuan – Thua Thien - Hue មានឋានៈសក្តិសមក្នុងប្រវត្តិសាស្ត្រប្រទេសជាតិ។ បន្ទាប់ពីពិធីបុណ្យនិងវាយស្គរបើកពិធីបុណ្យរួចមក ថ្នាក់ដឹកនាំមូលដ្ឋាន និងប្រជាជន និងភ្ញៀវទេសចរមួយចំនួនធំបានអុជធូប ដើម្បីរំលឹក គោរពវិញ្ញាណក្ខន្ធ ព្រះចៅអធិរាជ Tran Nhan Tong (១២៥៨-១៣០៨) ព្រះនាង Huyen Tran - បុព្វការីជន មានគុណូបការដ៏ធំធេងក្នុងការពង្រីកព្រំដែនរបស់ប្រទេសជាតិ។

ក្នុងក្របខ័ណ្ឌនៃពិធីបុណ្យនេះ នៅមានសកម្មភាពវប្បធម៌ សិល្បៈ និងកីឡាជាច្រើនផងដែរ៕

យោងតាមវិទ្យុសំលេងវៀតណាម