ប្រាសាទខ្នារផ្ទោល ទីទេសចរកម្រទៅដល់ ដែលកំពុងរងការខូចខាតធ្ងន់ធ្ងរ

កម្ពុជាត្រៀមពង្រឹងប៉មរបស់បាកានក្នុងបរិវេណប្រសាទអង្គវត្ត

ក្រុមការងាររាជរដ្ឋាភិបាល និងឯកជន ដែលពាក់ព័ន្ធនឹងវិស័យទេសចរណ៍ ពិភាក្សាគ្នាលើសេចក្តីព្រាងផែនការយុទ្ធសាស្ត្រស្តីពីការបើកទទួលទេសចរណ៍សុវត្ថិភាព នៅពេលខាងមុខ

ស្រទាប់ឥដ្ឋ ដែលសេសសល់ស្ថិតនៅខាងលើផ្តែរ កំពុងប្រឈមនឹងបន្តការលុះ។ បើតាមអាជ្ញាធរជាតិអប្សរា ការខូចខាតនៃរចនាសម្ព័ន្ធទាំងនេះ បណ្តាលមកពីរុក្ខជាតិតូចធំជាច្រើនដុះចាក់ស្រេះ និងបង្កឱ្យមានទឹកជ្រាប។

ក្រោយសង្កេតឃើញបញ្ហានេះ ក្រុមការងារអាជ្ញាធរជាតិអប្សរា បានសិក្សា និងចាប់ផ្តើមជួសជុលជាបន្ទាន់ ដ្បិតប្រាសាទបាត់ទ្រង់ទ្រាយដើម។ ក្រុមអ្នកជំនាញនឹងរៀបចំកម្មវិធីអភិរក្ស និងជួសជុលសម្រាប់រយៈពេលវែងក្នុងឆ្នាំ២០២៣ ឬឆ្នាំ២០២៤។

លោក តាន់ សុផល អនុប្រធាននាយកដ្ឋានអភិរក្សប្រាសាទ និងបុរាណវិទ្យា បានលើកឡើងថា៖«បច្ចុប្បន្នក្រុមអ្នកបច្ចេកទេសខ្មែរនៃអាជ្ញាធរជាតិអប្សរា កំពុងប្រតិបត្តិផ្នែកអភិរក្សប្រាសាទនេះឡើងវិញ ក្នុងដំណាក់កាលទី២ បន្ទាប់ពីទល់ទ្របឋមរួចរាល់កន្លងមក»។

អ្នកជំនាញ នឹងជួសជុលសសរពេជ្រដែលបាក់បែកទាំងសងខាង ដើម្បីដំឡើងថ្មផ្តែរដាក់នៅត្រង់ទីតាំងដើមវិញ រួមទាំងជួសជុលជញ្ជាំងឥដ្ឋ និងសសរផ្អោបទាំងពីរនៅខ្លោងទ្វារខាងកើតនៃប៉មខាងត្បូង។ទន្ទឹមនោះ ការសិក្សាលម្អិតពីប្រវត្តិសាស្រ្តនៃសំណង់ប្រាសាទខ្នារផ្ទោល នឹងបន្តអនុវត្តដោយបង្កើតឱ្យមានកម្មវិធីកំណាយស្រាវជ្រាវ ផ្នែកបុរាណវិទ្យា ពិនិត្យរាល់ស្លាកស្នាមនានាទាំងចម្លាក់វត្ថុសិល្បៈ និងភស្តុតាងដទៃទៀតសម្រាប់ជាអំណះអំណាងបញ្ជាក់អំពី ប្រវត្តិនៃសំណង់ពិតប្រាកដ៕

ឌឹកអាញ់

thmeythmey25.com