នៅថ្ងៃទី៦ និងទី៧ ខែធ្នូ វេទិកាសមុទ្រអាស៊ាន លើកទី១២ (AMF) និងវេទិកាសមុទ្រអាស៊ានបូក (EAMF) លើកទី១០ បានប្រព្រឹត្តទៅនៅទីក្រុងម៉ានីល ក្រោមអធិបតីភាព នៃប្រទេសម្ចាស់ផ្ទះហ្វីលីពីន។ គណៈប្រតិភូវៀតណាមដឹកនាំដោយលោក Vu Ho ឯកអគ្គរដ្ឋទូត ប្រធានស្តីទី SOM អាស៊ាន វៀតណាម បានអញ្ជើញចូលរួមវេទិកាទាំងនេះ។
វៀតណាមឈរលំដាប់ទី ១ នៅថ្ងៃប្រកួតដំបូងនៃក្រុមទាំងអស់ |
ការនាំចេញត្រីប្រារបស់វៀតណាមទៅកាន់ប្រទេសអាស៊ាន |
លោក Vu Ho ឯកអគ្គរដ្ឋទូត ប្រធានស្តីទី SOM អាស៊ាន វៀតណាម (រូបថត៖ vnanet.vn) |
ថ្លែងមតិនៅវេទិកាទាំងនេះ លោក Vu Ho បានវាយតំលៃខ្ពស់ចំពោះតួនាទីរបស់ AMF និង EAMF ក្នុងការជំរុញកិច្ចសហប្រតិបត្តិការសមុទ្រក្នុងអាស៊ាន និងរវាងអាស៊ាន ជាមួយដៃគូ ដោយសង្កត់ធ្ងន់លើសារៈសំខាន់នៃការរក្សាតួនាទីមជ្ឈភាពរបស់អាស៊ាននៅក្នុងតំបន់ ក៏ដូចជាក្នុងវិស័យសហប្រតិបត្តិការសមុទ្រ លើកទឹកចិត្តដៃគូ ឱ្យបន្តគាំទ្រ និងសហប្រតិបត្តិការជាមួយអាស៊ាន ក្នុងស្មារតីជឿទុកចិត្តគ្នា កសាង និងចូលរួម ដើម្បីរួមចំណែកយ៉ាងសំខាន់ និងមានប្រសិទ្ធភាពក្នុងយន្តការរបស់អាស៊ាន រួមទាំង EAMF ផងដែរ។
ក្នុងបរិបទដែលបណ្តាប្រទេសកំពុងប្រឈមមុខនឹងបញ្ហាសន្តិសុខសមុទ្រដ៏ស្មុគស្មាញ លោក Vu Ho បានវាយតម្លៃខ្ពស់ចំពោះការទទួលខុសត្រូវ និងសុច្ឆន្ទៈរបស់ប្រទេសទាំងឡាយក្នុងការរក្សាសន្តិភាព សន្តិសុខ ស្ថិរភាព និងកិច្ចសហប្រតិបត្តិការនៅក្នុងតំបន់សមុទ្រទាំងឡាយនៅក្នុងតំបន់ រួមទាំងសមុទ្រខាងកើត ដោយឈរលើមូលដ្ឋានបង្កើនកិច្ចសន្ទនា ការពិគ្រោះ និងអនុលោមតាមច្បាប់អន្តរជាតិ និងអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS) អនុវត្តយ៉ាងម៉ឺងម៉ាត់នូវការសន្យា និងកិច្ចព្រមព្រៀងអន្តរជាតិ។ លើសពីនេះ រួមជាមួយនឹងដំណើរការស្តារឡើងវិញក្រោយ Covid-19 នោះ ការអនុវត្ត UNCLOS 1982 ចាំបាច់ត្រូវពិចារណាយ៉ាងទូលំទូលាយ និងសមហេតុផល រួមទាំងបញ្ហាមួយចំនួនដូចជា ការការពារបរិស្ថានសមុទ្រ និងការឆ្លើយតបទៅនឹងការប្រែប្រួលអាកាសធាតុ៕
មតិពីមិត្តអ្នកអាន