វៀតណាមនឹងរួមដំណើរជាមួយគុយបាជានិច្ចក្នុងបុព្វហេតុកសាង និងអភិវឌ្ឍន៍ប្រទេសជាតិ

វៀតណាមត្រៀមខ្លួនជាស្រេចរួមដៃគ្នាដើម្បីលើកកម្ពស់ពិភពលោកអភិវឌ្ឍន៍ប្រកបដោយចីរភាព និងបរិយាប័ន្ន

ទីក្រុងហាណូយត្រៀមខ្លួនជាស្រេចសហប្រតិបត្តិការជាមួយមូលដ្ឋានបារាំងនៅលើវិស័យជាច្រើន

អគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម លោក Nguyen Phu Trong អញ្ជើញទទួលជួបនាយករដ្ឋមន្ត្រីគុយបាលោក Manuel Marrero Cruz

នារសៀលថ្ងៃទី២៩ ខែកញ្ញា នៅទីស្នាក់ការគណៈកម្មាធិការមជ្ឈិមបក្ស អគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម លោក Nguyen Phu Trong បានអញ្ជើញទទួលជួបនាយករដ្ឋមន្ត្រីគុយបាលោក Manuel Marrero Cruz ក្នុងឱកាសលោកអញ្ជើញមកបំពេញទស្សនកិច្ចមិត្តភាពជាផ្លូវការនៅវៀតណាម។ នៅទីនេះ អគ្គលេខាបក្សលោក Nguyen Phu Trong បានសង្កត់ធ្ងន់លើសាមគ្គីភាព និងការគាំទ្រដ៏ខ្ជាប់ខ្ជួនរបស់បក្ស និងប្រជាជនវៀតណាមចំពោះបុព្វហេតុសុចរិតរបស់បក្ស និងប្រជាជនគុយបា។ លោកបានអះអាងថា បក្ស រដ្ឋ និងប្រជាជនវៀតណាមជានិច្ចកាលរួមដំណើរជាមួយបក្ស រដ្ឋ និងប្រជាជនគុយបា។ អគ្គលេខាបក្សលោក Nguyen Phu Trong បានស្នើឲ្យភាគីទាំងពីរពង្រឹងការសម្របសម្រួល និងអនុវត្តយ៉ាងសកម្មនូវទំនាក់ទំនងលើគ្រប់ក្របខ័ណ្ឌទាំងបីគឺកិច្ចការបរទេសបក្ស ការទូតរដ្ឋ និងកិច្ចការបរទេសប្រជាជនព្រមទាំង អនុវត្តន៍ប្រកបដោយប្រសិទ្ធភាពនូវកិច្ចព្រមព្រៀងសហប្រតិបត្តិការ ជួយគ្នាទៅវិញទៅមក។

សមមិត្ត Manuel Marrero Cruz សូមថ្លែងអំណរគុណយ៉ាងជ្រាលជ្រៅចំពោះការស្វាគមន៍ដោយក្តីគោរព និងអារម្មណ៍កក់ក្តៅរបស់អគ្គលេខាបក្ស Nguyen Phu Trong ថ្នាក់ដឹកនាំ និងបងប្អូនជនរួមជាតិវៀតណាម។

សមមិត្ត Manuel Marrero Cruz បានសម្តែងនូវសេចក្តីរីករាយពិសេសក្នុងការមកវៀតណាមជាលើកដំបូង ហើយក៏ជាដំណើរទស្សនកិច្ចលើកដំបូងនៅក្រៅអាមេរិកឡាទីនក្នុងឋានៈជានាយករដ្ឋមន្ត្រី។ សូមគោរពជូនពរ និងស្វាគមន៍យ៉ាងកក់ក្តៅចំពោះសមមិត្ត Miguel Diaz Canel លេខាទីមួយនៃគណៈកម្មាធិការមជ្ឈិមបក្សកុម្មុយនិស្តគុយបា ប្រធានាធិបតីនៃសាធារណរដ្ឋគុយបា និងថ្នាក់ដឹកនាំគុយបាដទៃទៀត ជូនចំពោះអគ្គលេខាបក្ស Nguyen Phu Trong។

រីឯខ្លួនវិញ នាយករដ្ឋមន្ត្រីគុយបាលោក Manuel Marrero Cruz បានសង្កត់ធ្ងន់ថា សមិទ្ធិផល និងបទពិសោធន៍នៃការផ្លាស់ប្ដូរថ្មីរបស់វៀតណាមគឺជាប្រភពគាំទ្រ លើកទឹកចិត្ត និងមានតម្លៃសម្រាប់បក្សកុម្មុយនិស្តគុយបាក្នុងដំណើរការដឹកនាំបដិវត្តន៍ អនុវត្តន៍វិធានការធ្វើបច្ចុប្បន្នភាពគំរូសេដ្ឋកិច្ច-សង្គម តាមសេចក្តីសម្រេចចិត្តនៃមហាសន្និបាតលើកទី៨។

ក្នុងឱកាសនេះ នាយករដ្ឋមន្ត្រី Manuel Marrero Cruz បានពាំនាំនូវពាក្យគោរពរបស់សមមិត្ត Miguel Díaz-Cane និងថ្នាក់ដឹកនាំគុយបាអញ្ជើញអគ្គលេខាបក្ស Nguyen Phu Trong មកបំពេញទស្សនកិច្ចនៅគុយបាតាមពេលវេលាសមស្រប៕