Trending now

ពិធីបើកសម្ពោធពិព័រណ៌ «កម្ពុជា-ព្រះរាជាណាចក្រវប្បធម៌» នៅសារមន្ទីរទីក្រុងហូជីមិញ

15:03 | 30/09/2022

នារសៀលថ្ងៃទី២៨ ខែកញ្ញា នៅសារមន្ទីរទីក្រុងហូជីមិញ ក្រសួងវប្បធម៌ កីឡា និងទេសចរណ៍វៀតណាម សហការជាមួយក្រសួងវប្បធម៌ និងវិចិត្រសិល្បៈកម្ពុជា បានរៀបចំពិធីបើកការតាំងពិព័រណ៌ “កម្ពុជា-ព្រះរាជាណាចក្រវប្បធម៌”។ នេះជាសកម្មភាពក្នុងព្រឹត្តិការណ៍សប្តាហ៍វប្បធម៌កម្ពុជាឆ្នាំ ២០២២ នៅវៀតណាម។

សម្តេចអគ្គមហាពញាចក្រី ហេង សំរិនបានអនុញ្ញាតឲ្យ ប្រធានសមាគមមិត្តភាពវៀតណាម-កម្ពុជា ចូលជួប សម្តែងការគួរសម សម្តេចអគ្គមហាពញាចក្រី ហេង សំរិនបានអនុញ្ញាតឲ្យ ប្រធានសមាគមមិត្តភាពវៀតណាម-កម្ពុជា ចូលជួប សម្តែងការគួរសម
នាយករដ្ឋមន្ត្រីកម្ពុជា សម្តេចតេជោ ហ៊ុន សែន អញ្ជើញទទួលជួបគណៈប្រតិភូសមាគមមិត្តភាពវៀតណាម-កម្ពុជា នាយករដ្ឋមន្ត្រីកម្ពុជា សម្តេចតេជោ ហ៊ុន សែន អញ្ជើញទទួលជួបគណៈប្រតិភូសមាគមមិត្តភាពវៀតណាម-កម្ពុជា
ពិធីបើកសម្ពោធពិព័រណ៌ «កម្ពុជា-ព្រះរាជាណាចក្រវប្បធម៌» នៅសារមន្ទីរទីក្រុងហូជីមិញ។ (រូបថត៖ hcmcpv.org.vn)
ពិធីបើកសម្ពោធពិព័រណ៌ «កម្ពុជា-ព្រះរាជាណាចក្រវប្បធម៌» នៅសារមន្ទីរទីក្រុងហូជីមិញ។ (រូបថត៖ hcmcpv.org.vn)

ថ្លែងក្នុងពិធីបើក លោក សាន ផល្លា អគ្គនាយករងបច្ចេកទេសវប្បធម៌នៃក្រសួងវប្បធម៌ និងវិចិត្រសិល្បៈកម្ពុជា បានឲ្យដឹងថា ពិព័រណ៌ “កម្ពុជា-ព្រះរាជាណាចក្រវប្បធម៌” នឹងឧទ្ទេសនាមជូនមិត្តវៀតណាម និងអន្តរជាតិអំពីភាពសម្បូរបែបនៃវប្បធម៌ខ្មែរ តាមរយៈបេតិកភណ្ឌវប្បធម៌រូបី និងអរូបី ដែលទទួលស្គាល់ដោយអង្គការយូណេស្កូ ក៏ដូចជាជីវភាពរស់នៅរបស់ប្រជាជន និងទេសភាពរបស់ប្រទេសកម្ពុជា។ ការតាំងពិព័រណ៌បានបង្ហាញរូបភាពសិល្បៈជិត ៥០ ផ្ទាំង អំពីភាពសម្បូរបែបនៃវប្បធម៌កម្ពុជាជូនប្រជាជនវៀតណាម។

ការតាំងពិព័រណ៌នេះក៏បានបង្ហាញលក្ខណៈពិសេស ដែលធ្វើឲ្យប្រទេសកម្ពុជាល្បីល្បាញលើពិភពលោកដូចជា៖ ប្រាសាទអង្គរវត្ត ប្រាសាទព្រះវិហារ របាំខ្មែរ ជាដើម ដែលត្រូវបានចុះក្នុងបញ្ជីបេតិកភណ្ឌវប្បធម៌ពិភពលោករបស់អង្គការយូណេស្កូ។ ទន្ទឹមនឹងនោះ ពិព័រណ៌នៅតាំងបង្ហាញវត្ថុតាងសិប្បកម្មខ្មែរមួយចំនួនផងដែរ។

ការសម្តែងរបាំសហសម័យ៖ មិត្តភាពវៀតណាម-កម្ពុជា។ (រូបថត៖ hcmcpv.org.vn)
ការសម្តែងរបាំសហសម័យ៖ មិត្តភាពវៀតណាម-កម្ពុជា។ (រូបថត៖ hcmcpv.org.vn)

លោក Tran Nhat Hoang អនុប្រធាននាយកដ្ឋានសហប្រតិបត្តិការអន្តរជាតិ នៃក្រសួងវប្បធម៌ កីឡា និងទេសចរណ៍វៀតណាម បានចែករំលែកថា ការផ្លាស់ប្តូរវប្បធម៌ និងកិច្ចសហប្រតិបត្តិការកាន់តែមានសារៈសំខាន់ រួមចំណែកក្នុងការអភិវឌ្ឍទំនាក់ទំនងសហប្រតិបត្តិការរវាងប្រទេសទាំងពីរ។ កម្មវិធីវប្បធម៌ និងសិល្បៈរវាងវៀតណាម និងកម្ពុជា រួមទាំងសប្តាហ៍វប្បធម៌បានក្លាយទៅជាសកម្មភាពប្រពៃណីរវាងប្រទេសទាំងពីរ ហើយចូលរួមចំណែករឹតបន្តឹងចំណងមិត្តភាព និងមនោសញ្ចេតនារវាងប្រជាជននៃប្រទេសទាំងពីរ”។

ការតាំងពិព័រណ៌ “កម្ពុជា-ព្រះរាជាណាចក្រវប្បធម៌” នឹងប្រព្រឹត្តទៅដល់ថ្ងៃទី១ ខែតុលា ឆ្នាំ២០២២ នៅសារមន្ទីរទីក្រុងហូជីមិញ៕

មតិពីមិត្តអ្នកអាន

ព័ត៌មានថ្មីៗ

នាំវិស័យកសិកម្មក្លាយជាវិស័យសំខាន់នៃកិច្ចសហប្រតិបត្តិការរវាងវៀតណាម និងនីហ្សេរីយ៉ា
វៀតណាមនិងនូវែលសេឡង់ បង្កើនកិច្ចសហប្រតិបត្តិការលើវិស័យអប់រំ
សេចក្តីថ្លែងការណ៍រួមវៀតណាម - កូរ៉េខាងត្បូង ស្តីពីទំនាក់ទំនងដៃគូយុទ្ធសាស្ត្រលើគ្រប់ជ្រុងជ្រោយ
រចនាសម្ព័ន្ធនៃផ្ទះប្រពៃណីរបស់ជនជាតិ Nung នៅឃុំ Nan San
ពិធីប្រគល់ពានរង្វាន់តារាប្រកបដោយភាពច្នៃប្រឌិតថ្មី IPStar 2022