នារសៀលថ្ងៃទី៩ ខែកញ្ញា នៅទីស្នាក់ការក្រសួងការបរទេស លោក Bui Thanh Son រដ្ឋមន្ត្រីក្រសួងការបរទេសវៀតណាម បានទទួលជួបលោក Ayman Aly Kamel Aly ឧបការីរដ្ឋមន្ត្រីក្រសួងការបរទេសនៃសាធារណរដ្ឋអារ៉ាប់អេហ្ស៊ីបមកសំដែងការគួរសម ក្នុងឱកាសមកបំពេញទស្សនកិច្ចការងារនៅវៀតណាម និងចូលរួមកិច្ចពិគ្រោះយោបល់នយោបាយលើកទី៩ រវាងក្រសួងការបរទេសនៃប្រទេសទាំងពីរ។
អាជីវកម្មវៀតណាម និងអេហ្ស៊ីប ពង្រឹងការតភ្ជាប់ ចាប់យកឱកាសអំណោយផល |
ជំរុញកិច្ចសហប្រតិបត្តិការរវាងវៀតណាម និងអាល្លឺម៉ង់ |
លោក Bui Thanh Son រដ្ឋមន្ត្រីក្រសួងការបរទេសវៀតណាម ទទួលជួបលោក Ayman Aly Kamel Aly ឧបការីរដ្ឋមន្ត្រីក្រសួងការបរទេសអេហ្ស៊ីប |
នៅក្នុងជំនួបនេះ លោក Bui Thanh Son រដ្ឋមន្ត្រីក្រសួងការបរទេសវៀតណាមបានអះអាងថា វៀតណាមជានិច្ចកាលយកចិត្តទុកដាក់យ៉ាងខ្លាំងចំពោះទំនាក់ទំនងកិច្ចសហប្រតិបត្តិការមិត្តភាពជាប្រពៃណី ហើយមានបំណងចង់ជំរុញទំនាក់ទំនងកិច្ចសហប្រតិបត្តិការជាមួយអេហ្ស៊ីប។ លោក Bui Thanh Son បានស្នើឲ្យភាគីទាំងពីរជំរុញកិច្ចសហប្រតិបត្តិការលើវិស័យពាណិជ្ជកម្ម និងការវិនិយោគ រួមចំណែកសម្រេចឲ្យបាននូវគោលដៅនាំទំហំពាណិជ្ជកម្មទ្វេភាគីឡើងដល់ ១ ពាន់លានដុល្លាក្នុងមួយឆ្នាំនាពេលឆាប់ៗ តាមការកំណត់របស់ថ្នាក់ដឹកនាំជាន់ខ្ពស់នៃប្រទេសទាំងពីរ; ជំរុញកិច្ចសហប្រតិបត្តិការលើវិស័យទេសចរណ៍ វប្បធម៌ អប់រំ-បណ្តុះបណ្តាល។ល។
លោក Ayman Aly Kamel Aly ឧបការីរដ្ឋមន្ត្រីក្រសួងការបរទេសអេហ្ស៊ីប បានអះអាងថា អេហ្ស៊ីបជានិច្ចកាលយកចិត្តទុកដាក់យ៉ាងខ្លាំង និងមានបំណងចង់ជំរុញទំនាក់ទំនងមិត្តភាពជាប្រពៃណីជាមួយវៀតណាមឱ្យកាន់តែស៊ីជម្រៅថែមទៀត។ លោក Ayman Aly Kamel Aly បានឯកភាពជាមួយទិសដៅជំរុញកិច្ចសហប្រតិបត្តិការ ដែលភាគីវៀតណាមលើកឡើង។
គួរបញ្ជាក់ថា នាព្រឹកថ្ងៃដដែល នៅវិមានរដ្ឋាភិបាល លោក Pham Quang Hieu អនុរដ្ឋមន្ត្រីក្រសួងការបរទេសវៀតណាម និងលោក Ayman Aly Kamel Aly ឧបការីរដ្ឋមន្ត្រីក្រសួងការបរទេសអេហ្ស៊ីប បានជាសហប្រធាននៃកិច្ចពិគ្រោះយោបល់នយោបាយលើកទី៩ រវាងក្រសួងការបរទេសនៃប្រទេសទាំងពីរវៀតណាម-អេហ្ស៊ីប៕
មតិពីមិត្តអ្នកអាន