Trending now

វៀតណាមចូលរួមកិច្ចប្រជុំសន្តិសុខអន្តរជាតិទីក្រុងម៉ូស្គូលើកទី១០

08:31 | 18/08/2022

នៅព្រឹកថ្ងៃទី ១៦ ខែសីហា (ម៉ោងក្នុងតំបន់) កិច្ចប្រជុំសន្តិសុខអន្តរជាតិទីក្រុងម៉ូស្គូលើកទី ១០ (MCIS-10) ត្រូវបានបើកនៅឧទ្យាន Patriot ជាយទីក្រុងម៉ូស្គូ សហព័ន្ធរុស្ស៊ី។

វៀតណាមធ្វើជាអធិបតី ក្នុងពិធីអបអរសាទរខួបលើកទី ៥៥ ឆ្នាំ នៃការបង្កើតអាស៊ាន និងកិច្ចប្រជុំគណៈកម្មាធិការអាស៊ាននៅប្រទេសជប៉ុន វៀតណាមធ្វើជាអធិបតី ក្នុងពិធីអបអរសាទរខួបលើកទី ៥៥ ឆ្នាំ នៃការបង្កើតអាស៊ាន និងកិច្ចប្រជុំគណៈកម្មាធិការអាស៊ាននៅប្រទេសជប៉ុន
ទីក្រុង Kosice ប្រទេសស្លូវ៉ាគី បង្កើតលក្ខខណ្ឌអំណោយផលសម្រាប់សហគមន៍វៀតណាមមានស្ថេរភាពនៅក្នុងជីវភាពរស់នៅ ទីក្រុង Kosice ប្រទេសស្លូវ៉ាគី បង្កើតលក្ខខណ្ឌអំណោយផលសម្រាប់សហគមន៍វៀតណាមមានស្ថេរភាពនៅក្នុងជីវភាពរស់នៅ
លោកនាយឧត្តមសេនីយ៍ Phan Van Giang រដ្ឋមន្ត្រីក្រសួងការពារប្រទេស ថ្លែងសុន្ទរកថាជាវីដេអូផ្ញើទៅកាន់អង្គប្រជុំ
លោកនាយឧត្តមសេនីយ៍ Phan Van Giang រដ្ឋមន្ត្រីក្រសួងការពារប្រទេស ថ្លែងសុន្ទរកថាជាវីដេអូផ្ញើទៅកាន់អង្គប្រជុំ

សន្និសីទនេះមានការចូលរួមពីប្រតិភូចំនួន ៧០០ នាក់មកពី ៧០ ប្រទេស និងអង្គការអន្តរជាតិចំនួន៦។ គណៈប្រតិភូជាន់ខ្ពស់នៃកងទ័ពប្រជាជនវៀតណាម ដឹកនាំដោយលោកឧត្តមសេនីយ៍ឯក Ngo Minh Tien អនុប្រធានអគ្គសេនាធិការបានអញ្ជើញចូលរួមកិច្ចប្រជុំនេះ។ លោកនាយឧត្តមសេនីយ៍ Phan Van Giang រដ្ឋមន្ត្រីក្រសួងការពារប្រទេស បានអញ្ជើញថ្លែងសុន្ទរកថាជាវីដេអូផ្ញើទៅកាន់អង្គប្រជុំ។

កិច្ចប្រជុំសន្តិសុខអន្តរជាតិនៅទីក្រុងមូស្គូមានសម័យប្រជុំពេញអង្គដោយផ្តោតលើប្រធានបទដូចខាងក្រោម "សន្តិសុខសកលទាក់ទងនឹងការបង្កើតពិភពលោកពហុប៉ូល; បញ្ហាក្នុងតំបន់ក្នុងបរិបទនៃសន្តិសុខសកល៖ តំបន់អាស៊ីប៉ាស៊ីហ្វិក; បញ្ហាក្នុងតំបន់ក្នុងបរិបទនៃសន្តិសុខសកល៖ អាហ្រ្វិក មជ្ឈិមបូព៌ា និងអាមេរិកឡាទីន”។

ក្នុងសុន្ទរកថាដែលត្រូវបានថតវីដេអូជូនមកសម័យប្រជុំពេញអង្គលើកទី២ លោករដ្ឋមន្ត្រី Phan Van Giang បានវាយតម្លៃថា MCIS គឺជាវេទិកាពហុភាគីដ៏សំខាន់សម្រាប់ប្រទេសនានាដើម្បីផ្លាស់ប្តូរ និងចែករំលែកនូវទស្សនៈអំពីប្រធានបទយុទ្ធសាស្ត្រដែលពាក់ព័ន្ធដោយផ្ទាល់ទៅនឹងបរិយាកាសសន្តិសុខអន្តរជាតិ និងក្នុងតំបន់ តាមរយៈនោះជំរុញការសន្ទនា និងការពង្រឹងកិច្ចសហប្រតិបត្តិការក្នុងចំណោមប្រទេសនានា ដើម្បីសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍរួមនៃតំបន់ និងពិភពលោក។

លោករដ្ឋមន្ត្រី Phan Van Giang បាននិយាយថា ក្នុងប៉ុន្មានឆ្នាំថ្មីៗនេះ ស្ថានភាពក្នុងតំបន់មានការផ្លាស់ប្តូរយ៉ាងខ្លាំង និងមិនអាចទាយទុកជាមុនបានដែលប៉ះពាល់ដោយផ្ទាល់ដល់រចនាសម្ព័ន្ធសន្តិសុខក្នុងតំបន់។ ក្នុងបរិបទនោះ តំបន់អាស៊ីប៉ាស៊ីហ្វិកបានលេចចេញនូវយន្តការ និងវេទិកាដែលបង្កើតដោយអាស៊ាន និងដើរតួនាទីស្នូលដូចជា វេទិកាតំបន់អាស៊ាន កិច្ចប្រជុំកំពូលអាស៊ីបូព៌ា កិច្ចប្រជុំកំពូលរដ្ឋមន្រ្តីការពារជាតិអាស៊ាន និងកិច្ចប្រជុំកំពូលរដ្ឋមន្រ្តីការពារជាតិអាស៊ានបើកទូលាយ និងវេទិកាសមុទ្រអាស៊ាន... យន្តការ និងវេទិកាទាំងនេះ រួមជាមួយនឹងវេទិកាពហុភាគីផ្សេងទៀតបានជំរុញការយល់ដឹង ពង្រឹងកិច្ចសន្ទនាឈានទៅរកកិច្ចសហប្រតិបត្តិការរួម និងការដោះស្រាយជម្លោះ និងការខ្វែងគំនិតគ្នាតាមរយៈមធ្យោបាយសន្តិវិធី។

អំពីបញ្ហាសមុទ្រខាងកើត លោករដ្ឋមន្ត្រី Phan Van Giang បានសង្កត់ធ្ងន់ថា វៀតណាមប្រកាន់ខ្ជាប់នូវគោលការណ៍ដោះស្រាយវិវាទ និងការខ្វែងគំនិតគ្នាដោយសន្តិវិធី ដោយឈរលើមូលដ្ឋានគោរពឯករាជ្យ អធិបតេយ្យភាព និងផលប្រយោជន៍ស្របច្បាប់របស់ប្រទេសនានា គោរពតាមច្បាប់អន្តរជាតិ រួមទាំង អនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ឆ្នាំ ១៩៨២ និងការប្តេជ្ញាអនុវត្តយ៉ាងម៉ឺងម៉ាត់នូវសេចក្តីថ្លែងការណ៍ស្តីពីការប្រតិបត្តិរបស់ភាគីនានានៅសមុទ្រខាងកើត (DOC) ហើយមានបំណងចង់ឆ្ពោះទៅរកការកសាងក្រមប្រតិបត្តិរបស់ភាគីនានានៅសមុទ្រខាងកើត (COC) ប្រកបដោយប្រសិទ្ធភាព និងស្របច្បាប់ថែមទៀត៕

kh.qdnd.vn

មតិពីមិត្តអ្នកអាន

ព័ត៌មានថ្មីៗ

វៀតណាមនឹងរួមដំណើរជាមួយគុយបាជានិច្ចក្នុងបុព្វហេតុកសាង និងអភិវឌ្ឍន៍ប្រទេសជាតិ
វៀតណាមត្រៀមខ្លួនជាស្រេចរួមដៃគ្នាដើម្បីលើកកម្ពស់ពិភពលោកអភិវឌ្ឍន៍ប្រកបដោយចីរភាព និងបរិយាប័ន្ន
ទីក្រុងហាណូយត្រៀមខ្លួនជាស្រេចសហប្រតិបត្តិការជាមួយមូលដ្ឋានបារាំងនៅលើវិស័យជាច្រើន
Ha Nam បណ្តុះបណ្តាលដើម្បីធានា និងតស៊ូដើម្បីសិទ្ធិមនុស្សនៅឆ្នាំ ២០២២
ថតរូបនៅវាលថាមពលខ្យល់ដ៏ល្បីល្បាយចំនួន ៣កន្លែង