Trending now

គ្រូបង្រៀនអក្សរវៀតណាមក្នុងទឹកដីអង្គរ

11:12 | 24/05/2022 ឌីណា

យុគសម័យ - បញ្ចប់​ការ​សិក្សា​ពីមហា​វិទ្យាល័យ​គរុគោសល្យ​ទីក្រុង​ Ho Chi Minh មុខ​ជំនាញ​គណិតវិទ្យា និង​ព័ត៌មានវិទ្យា គ្រូ Nguyen Van Hao បាន​ស្ម័គ្រ​ចិត្ត​មក​ប្រទេស​កម្ពុជា​ដើម្បី​បង្រៀន…

សាស្ត្រាចារ្យរុស្ស៊ីឧទ្ទេសនាមអំពីវប្បធម៌វៀតណាម សាស្ត្រាចារ្យរុស្ស៊ីឧទ្ទេសនាមអំពីវប្បធម៌វៀតណាម
គ្រូបង្រៀនខ្មែរ-វៀតណាមអស់ពីចិត្តពីថ្លើមដើម្បីបុព្វហេតុបណ្ដុះមនុស្សនៅកម្ពុជា គ្រូបង្រៀនខ្មែរ-វៀតណាមអស់ពីចិត្តពីថ្លើមដើម្បីបុព្វហេតុបណ្ដុះមនុស្សនៅកម្ពុជា

នាយកសាលា​មាន​ប្រាក់​ខែ​ត្រឹម​តែ​ជាង ៤​ លាន​ដុង

គ្រូបង្រៀនអក្សរវៀតណាមក្នុងទឹកដីអង្គរ

លោក Nguyen Van Hao បានរៀបចំសកម្មភាពក្រៅ​ម៉ោង​រៀនដល់សិស្សសាលាបឋមសិក្សាខ្មែរវៀតណាម ខេត្តព្រៃវែង ប្រទេសកម្ពុជា។

លោកគ្រូ Nguyen Van Hao នាយកសាលាបឋមសិក្សាខ្មែរវៀតណាម ខេត្តព្រៃវែង ប្រទេសកម្ពុជា មានប្រសាសន៍ថា ពេលគាត់ទើបមកសាលាដំបូង គាត់បានឮមនុស្សខ្សឹបប្រាប់ថា៖ «លោកគ្រូម្នាក់នេះ មើលស្គមណាស់ គាត់ត្រឡប់មកបង្រៀន​នៅទីនេះ មិនដឹងប៉ុន្មានខែទេ។”

លោកគ្រូ Hao គឺជាមនុស្សដំបូង និងតែមួយគត់នៅសាលានេះ ដែលមានបរិញ្ញាបត្រគរុកោសល្យពីមហាវិទ្យាល័យ​។ ដូច្នេះគាត់គឺជាគ្រូម្នាក់ដែល​មាន​កម្រិត​អប់​ដ៏ខ្ពស់បំផុតនៅទីនេះ គាត់តែងតែត្រូវបានចាត់តាំងឱ្យបង្រៀនថ្នាក់សំខាន់ៗ។ មួយឆ្នាំក្រោយមក គាត់ត្រូវបានតែងតាំងជានាយកសាលា។ ក្នុងរយៈពេល ៧ ឆ្នាំកន្លងមកនេះ ទោះបីជាគាត់បានធ្វើជានាយកសាលាក៏ដោយ លោកគ្រូ Hao មិនត្រឹមតែទទួលបន្ទុកផ្នែកគ្រប់គ្រងប៉ុណ្ណោះទេ ថែមទាំងបង្រៀនទៀតផង។

ថ្នាក់ដែលគាត់បង្រៀនជាថ្នាក់ពិសេស។ ក្នុងបន្ទប់តែមួយ លោកគ្រូ Hao បង្រៀន ៣ ថ្នាក់ក្នុងពេលតែមួយ គឺថ្នាក់ទី៣ ថ្នាក់ទី ៤ និងថ្នាក់ទី ៥ ។ ដោយទើបតែបញ្ចប់ការបង្រៀន និងផ្តល់កិច្ចការសម្រាប់ថ្នាក់ទី៣ លោកគ្រូក៏បែរទៅម្ខាងនៃក្ដារខៀន និងចាប់ផ្តើមបង្រៀនដល់ថ្នាក់ទី៤។

ក្រោយ​ពី​រៀន​ពេល​សិស្ស​ចេញ​ទៅ គ្រូ​ក៏​ជា​អ្នក​បោស​សម្អាត​បន្ទប់​រៀន។ ភ្លើង ឬ​បំពង់​ទឹក​ក្នុង​សាលា​បាន​ខូច ជួសជុល​ដោយ​គ្រូ។ តុ កៅអី ធ្នើរសៀវភៅជាច្រើននៅក្នុងសាលាក៏ត្រូវបាន​ធ្វើដោយគ្រូផងដែរ។ លោកគ្រូបាននិយាយថា "សាលាមានសិស្សប្រហែល ៣០០ នាក់ រួមទាំងខ្ញុំផង មានគ្រូតែ ៥ នាក់គិតទាំង​ខ្ញុំ ដូច្នេះខ្ញុំទទួល​កិច្ចការ​ជាច្រើន ក្នុងពេលតែមួយ" ។

ក្រៅ​ពី​ថ្នាក់​រៀន​ធម្មតា លោក Hao ក៏​មាន​រៀបចំ​សកម្មភាព​ក្រៅ​កម្មវិធី​សិក្សា​ជា​ច្រើន​ទៀត​ដល់​កុមារ ដូច​ជា រៀបចំពិធី​ខួបកំណើត ទិវា​កុមារ​អន្តរជាតិ ការ​ប្រលង​គំនូរ ដូចជា ការ​ប្រលង​សរសេរ​ដៃ​ស្អាត ការ​ប្រលង​សិល្បៈ…អនុញ្ញាតឱ្យពួកគេចូលរួម។ គាត់ជឿជាក់ថា ការបង្កើតកន្លែងរីករាយ និង​សកម្មភាពជួបប្រាស្រ័យអាចជួយឱ្យកូនសិស្សតភ្ជាប់ទំនាក់ទំនងជាមួយមិត្តភ័ក្តិ និងគ្រូរបស់ពួកគេកាន់តែជិតស្និទ្ធ និងស្រឡាញ់សាលារៀនកាន់តែច្រើន។ ជាមួយនឹងសកម្មភាពទាំងនេះ កុមារនឹងកាន់តែមានភាពសប្បាយរីករាយ និងជក់ចិត្តក្នុងការរៀន។

ថ្វីត្បិតតែការងាររបស់គ្រូ Hao ជាច្រើន​ជាងគ្រូធម្មតា ៣ដងក៏ដោយ ថែមទាំងគាត់គឺជាគ្រូបង្រៀនដ៏កម្រម្នាក់ដែលមានបរិញ្ញាបត្រគរុកោសល្យនៅសាលាវៀតណាមក្នុងប្រទេសកម្ពុជា ប៉ុន្តែប្រាក់ខែរបស់គាត់នៅតែ "ស្មើ" ដូចគ្រូបង្រៀនដទៃទៀតដែរ គឺ ១២៥ ដុល្លារ/ខែ បូក ប្រាក់ឧបត្ថម្ភ ២៥ ដុល្លារ សរុប ១៥០ ដុល្លារក្នុងមួយខែ។

បំណុលនៃការដឹងគុណ

គ្រូបង្រៀនអក្សរវៀតណាមក្នុងទឹកដីអង្គរ

រាល់រដូវបើកបវសនាកាល ​​លោកគ្រូ Nguyen Van Hao អំពាវនាវ​អ្នកឧបត្ថម្ភ ដើម្បីជួយដល់សិស្សក្រីក្រ។

កាល​​​ល​នៅក្មេង លោក Hao បានតាមឪពុកម្ដាយមកស្រុកខ្មែរ និងរកស៊ី​និង​ចិញ្ចឹមជីវិតដោយការនេសាទ និងលក់ខោអាវចាស់នៅទីផ្សារ។ ជន​ជាតិ​វៀតណាម​ទៅ​រៀន​នៅ​បរទេស​ពិបាក​ខ្លាំង​ណាស់។ ក្រោយ​ពី​រៀន​ចប់​ថ្នាក់​ទី ​៣ គាត់​ត្រូវ​ត្រឡប់​ទៅខេត្ត Dong Thap ​​វិញ ​ដើម្បី​រស់​នៅ​ជាមួយ​ជីដូន ​ដើម្បី​បន្ត​ការ​សិក្សា។ បន្ទាប់មក នៅពេលគាត់រៀនថ្នាក់ទី១២ ពូ និងមីងនៃសមាគមជនជាតិខ្មែរដើមកំណើតវៀតណាមបានណែនាំគាត់ឱ្យទទួលបានអាហារូបករណ៍របស់រដ្ឋាភិបាលវៀតណាមសម្រាប់កូនសិស្សៗ ជាអាណិកជន។ ហេតុដូច្នេះ គាត់មានឱកាសបន្តការសិក្សានៅមហាវិទ្យល័យ។

លោករៀបរាប់ដោយស្មោះត្រង់ថា៖ «ដំបូង ខ្ញុំគិតថានឹ ងទៅចោលមួយឆ្នាំ ឬពីរឆ្នាំ ទើបត្រលប់មកវិញ តែមិនគិតថា មិននៅទីនេះយូរទេ ព្រោះនៅកន្លែងនេះគ្មានលុយ គ្មានអនាគត។ ពេលខ្លះខ្ញុំក៏មានអារម្មណ៍ថា មានកំហុសចំពោះ​គ្រួសារ និងប្រពន្ធកូនច្រើនណាស់។ ទោះ​បី​ជា​យ៉ាង​ណា រាល់​ពេល​ដែល​ខ្ញុំ​មាន​បំណង​ត្រឡប់​ទៅ​ប្រទេស​វៀតណាម សិស្ស​របស់​ខ្ញុំ​មក​រក​ខ្ញុំ និង​​យំ ហើយ​ប្រាប់​ខ្ញុំ​ថា សូមលោកគ្រូ​កុំ​ចាក​ចេញ​ពី​ពួក​យើងនៅឡើយ។ ឪពុកម្តាយ​របស់​កូនសិស្សក៏​មកនិង​លើក​ទឹក​ចិត្ត​ដែរ បើ​ជួបការលំបាក លោក​គ្រូ​គួរតែ​​បើក​ចិត្តនិង​យើង​ជួយគ្រូ សូមលោកគ្រូ​កុំ​ទៅ។ ដូច្នេះ​ខ្ញុំ​មិន​អាច​ទៅ​បាន»។ លោកគ្រូ Hoan បាននិយាយថា៖ «ទោះបីជានៅទីនេះពិតជាក្រីក្រក៏ដោយ មនោសញ្ចេតនារវាងគ្រូ និងកូនសិស្សមានភាពកក់ក្តៅណាស់។ ឪពុក​ម្តាយរបស់កូនសិស្ស​ក៏គោរព​ស្រឡាញ់​គ្រូ​ដែរ បើ​មាន​ម្ហូបអាហារ​ឆ្ងាញ់​ៗ​ ដែលជូន​ទៅ​លោកគ្រូ ដែរ»។

គ្រូបង្រៀនអក្សរវៀតណាមក្នុងទឹកដីអង្គរ

លោក Nguyen Van Hao បានរៀបចំសកម្មភាពក្រៅ​ម៉ោង​រៀនដល់សិស្សសាលាបឋមសិក្សាខ្មែរវៀតណាម ខេត្តព្រៃវែង ប្រទេសកម្ពុជា។

ក្នុង​រយៈពេល​ប្រមាណ​១០​ឆ្នាំ​ នៃការបង្រៀន នៅខេត្តព្រៃវែង​នេះ លោក Hao បាន​មាន​ប្រសាសន៍​ថា ដោយសារ​តែ​មាន​ហេតុផល​ច្រើន តែ​ប្រហែល​ជាសិស្សានុសិស្សចំនួន ០៤នាក់ មានលក្ខខណ្ឌក្នុងការបន្តការសិក្សាដល់អនុវិទ្យាល័យ។

លោក Hao បានបន្ថែមថា “នៅទីនេះ សិស្សទាំងអស់បានទៅសាលារៀនដោយឥតគិតថ្លៃ។ សៀវភៅ និង​ឯកសណ្ឋាន​ក៏​បាន​ចែក​ជូន​កុមារដោយឥតគិតថ្លៃ​ផង​ដែរ។ មានកុមារជាច្រើនដែលចង់បន្តការសិក្សា ប៉ុន្តែឪពុកម្តាយរបស់ពួកគេបានបង្ខំពួកគេឱ្យឈប់​ការរៀន​សូត្រ​ ហើយ​នៅផ្ទះ ដើម្បីជួយគ្រួសារ។ ខ្ញុំ​សុំ​គ្រួសារ​ពួកគេ​​ឲ្យ​កូន​ៗ របស់​ពួកគេ​ទៅ​រៀន។ បន្ទាប់មកពួកគេ​​ឲ្យកូន​ៗ របស់ពួក​គេ​រៀន​ប៉ុន្មាន​ខែ​ទៀត ​ក៏​ឈប់​សម្រាក។ គេ​ប្រាប់​ខ្ញុំ​ ថា​ការ​រៀន​អាន​សរសេរ​គឺ​គ្រប់គ្រាន់​ហើយ វា​គ្រប់គ្រាន់​សម្រាប់​ជួយ​គ្រួសារ​រក​ប្រាក់​ចិញ្ចឹម​ជីវិត…»៕

ឌីណា

thoidai.com.vn

មតិពីមិត្តអ្នកអាន

ព័ត៌មានថ្មីៗ

នាំវិស័យកសិកម្មក្លាយជាវិស័យសំខាន់នៃកិច្ចសហប្រតិបត្តិការរវាងវៀតណាម និងនីហ្សេរីយ៉ា
វៀតណាមនិងនូវែលសេឡង់ បង្កើនកិច្ចសហប្រតិបត្តិការលើវិស័យអប់រំ
សេចក្តីថ្លែងការណ៍រួមវៀតណាម - កូរ៉េខាងត្បូង ស្តីពីទំនាក់ទំនងដៃគូយុទ្ធសាស្ត្រលើគ្រប់ជ្រុងជ្រោយ
រចនាសម្ព័ន្ធនៃផ្ទះប្រពៃណីរបស់ជនជាតិ Nung នៅឃុំ Nan San
ពិធីប្រគល់ពានរង្វាន់តារាប្រកបដោយភាពច្នៃប្រឌិតថ្មី IPStar 2022