ធម្មនុញ្ញអង្គការសហប្រជាជាតិ គឺជាមូលដ្ឋានដ៏សំខាន់សម្រាប់សកម្មភាពរបស់សហគមន៍អន្តរជាតិ

វៀតណាមគាំទ្រការដោះស្រាយជម្លោះនៅសមុទ្រខាងកើតដោយឈរលើមូលដ្ឋាននៃធម្មនុញ្ញអង្គការសហប្រជាជាតិនិង UNCLOS ១៩៨២

ធម្មនុញ្ញអង្គការសហប្រជាជាតិគួរតែត្រូវបានលើកតម្លើងដូចទៅនឹងស្តង់ដារក្នុងទំនាក់ទំនងអន្តរជាតិ

លោកឯកអគ្គរដ្ឋទូត Pham Hai Anh អនុប្រធានបេសកកម្មអចិន្ត្រៃយ៍របស់វៀតណាមប្រចាំនៅអង្គការសហប្រជាជាតិ

ថ្លែងមតិក្នុងជំនួបនេះ លោកឯកអគ្គរដ្ឋទូត Pham Hai Anh អនុប្រធានបេសកកម្មអចិន្ត្រៃយ៍របស់វៀតណាមប្រចាំនៅអង្គការសហប្រជាជាតិបានសង្កត់ធ្ងន់លើតួនាទីនៃធម្មនុញ្ញអង្គការសហប្រជាជាតិក្នុងគោលនយោបាយការបរទេសរបស់វៀតណាម និងជាមូលដ្ឋានសំខាន់សម្រាប់សកម្មភាព សហគមន៍អន្តរជាតិក្នុងគ្រាលំបាក។ លោកឯកអគ្គរដ្ឋទូតបានរំលឹកថា ក្នុងខែមករា ឆ្នាំ ២០២០ វៀតណាមបានធ្វើការពិភាក្សាបើកចំហររបស់ក្រុមប្រឹក្សាសន្តិសុខអង្គការសហប្រជាជាតិ (UNSC) ស្តីពីការលើកតម្កើងធម្មនុញ្ញអង្គការសហប្រជាជាតិ។ សេចក្តីថ្លែងការណ៍របស់ប្រធានក្រុមប្រឹក្សាសន្តិសុខដែលបានអនុម័តនៅពេលនោះនៅតែមានសុពលភាព។

ប្រទេសនានាត្រូវគោរពតាមច្បាប់អន្តរជាតិ និងធម្មនុញ្ញអង្គការសហប្រជាជាតិ តាមរយៈសកម្មភាពជាក់ស្តែង ជំរុញកិច្ចសហប្រតិបត្តិការ និងជំនួយទៅវិញទៅមករវាងអង្គការសហប្រជាជាតិ និងអង្គការក្នុងតំបន់ ដើម្បីសន្តិភាព និងការអភិវឌ្ឍប្រកបដោយចីរភាព។ ក្នុងអំឡុងពេលទាំងពីរអាណត្តិរបស់ប្រធានក្រុមប្រឹក្សាសន្តិសុខក្នុងខែមករា ឆ្នាំ ២០២០ និងខែមេសា ឆ្នាំ ២០២១ វៀតណាមបានធ្វើជាប្រធានកិច្ចប្រជុំស្តីពីកិច្ចសហប្រតិបត្តិការ UN-ASEAN និងបើកការពិភាក្សាអំពីក្រុមប្រឹក្សាសន្តិសុខ និងអង្គការក្នុងតំបន់។

លោកឯកអគ្គរដ្ឋទូត Pham Hai Anh បានអះអាងថា វៀតណាមជានិច្ចកាលប្រកាន់ខ្ជាប់នូវគោលការណ៍ជាមូលដ្ឋាននៃច្បាប់អន្តរជាតិនេះ ជាពិសេសការប្រើប្រាស់វិធានការដែលមានចែងក្នុងមាត្រា ៣៣ នៃធម្មនុញ្ញអង្គការសហប្រជាជាតិ ហើយគាំទ្រគណៈកម្មាធិការបន្តពិភាក្សាលើប្រធានបទនេះ និងជាពិសេសវាយតំលៃខ្ពស់ចំពោះការផ្តោតការពិភាក្សាសម្រាប់ ២០២០ និង ២០២១ ស្តីពីវិធានការមជ្ឈត្តកម្ម និងវិនិច្ឆ័យ ដែលជាឧបករណ៍មានប្រសិទ្ធភាពសម្រាប់ការដោះស្រាយវិវាទ។

មានក្របខ័ណ្ឌច្បាប់ និងយន្តការដ៏ទូលំទូលាយជាច្រើនដែលបានអនុវត្តប្រកបដោយប្រសិទ្ធភាព ដូចជាធម្មនុញ្ញអង្គការសហប្រជាជាតិ និងអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS) សម្រាប់ភាគីនានាក្នុងការដោះស្រាយវិវាទ រួមទាំងលើទឹកដី និងសមុទ្រ។ ស្វាគមន៍ការពិភាក្សារបស់គណៈកម្មាធិការអំពីការអនុវត្តល្អបំផុតក្នុងការវិនិច្ឆ័យ។

គណៈកម្មាធិការពិសេសធម្មនុញ្ញអង្គការសហប្រជាជាតិត្រូវបានបង្កើតឡើងក្នុងឆ្នាំ ១៩៧៥ ដើម្បីពិភាក្សាអំពីការអនុវត្តធម្មនុញ្ញ។ ជារៀងរាល់ឆ្នាំ គណៈកម្មាធិការពិសេសរៀបចំកិច្ចប្រជុំមួយសម្រាប់ប្រទេសនានាដើម្បីពិភាក្សា និងពិចារណាលើសំណើដែលពាក់ព័ន្ធ។ ចាប់តាំងពីការអនុម័តនៅឆ្នាំ ១៩៤៥ ធម្មនុញ្ញអង្គការសហប្រជាជាតិត្រូវបានកែសម្រួលបីដងក្នុងឆ្នាំ ១៩៦៣ ១៩៦៥ និង ១៩៧៣៕

ហេង វុធ្ធី

baotintuc