នាព្រឹកថ្ងៃទី៣ ខែមករា នៅមូលដ្ឋាន Bentiu ស្ថានបេសកកម្មរក្សាសន្តិភាពរបស់អង្គការសហប្រជាជាតិនៅស៊ូដង់ខាងត្បូង កងពេទ្យកម្រិត២ លេខ៣ វៀតណាមបានប្រារព្ធពិធីគោរពទង់ជាតិយ៉ាងឱឡារិកនៅដើមឆ្នាំថ្មី ឆ្នាំសកល២០២២។
![]() |
![]() |
ក្នុងបរិយាកាសឱឡារិក អធិកអធម និងរំភើបរីករាយនាដើមឆ្នាំថ្មី កម្មាភិបាល និងបុគ្គលិកនៃកងពេទ្យកម្រិត២ លេខ៣ បានអញ្ជើញចូលរួមក្នុងពិធីគោរពទង់ជាតិលើកដំបូង ឆ្នាំ២០២២។
អញ្ជើញចូលរួមក្នុងពិធីនេះមានលោកវរសេនីយ៍ទោ Pham Tan Phong អនុប្រធាននាយកដ្ឋានរក្សាសន្តិភាពវៀតណាម មេបញ្ជាការកងកម្លាំងរក្សាសន្តិភាពវៀតណាមប្រចាំនៅស៊ូដង់ខាងត្បូង។
![]() |
លោកវរសេនីយ៍ទោ Pham Tan Phong អនុប្រធាននាយកដ្ឋានរក្សាសន្តិភាពវៀតណាម មេបញ្ជាការកងកម្លាំងរក្សាសន្តិភាពវៀតណាមប្រចាំនៅស៊ូដង់ខាងត្បូង។ (រូបថត៖ qdnd) |
នៅក្នុងពិធីនេះ លោកវរសេនីយ៍ឯក Trinh My Hoa នាយកកងពេទ្យ តាងនាមគណៈកម្មាធិការបក្ស និងគណៈនាយក បានផ្ញើសារជូនពរឆ្នាំថ្មីដល់កម្មាភិបាល បុគ្គលិក និងក្រុមគ្រួសារទាំងអស់ ហើយបានលើកទឹកចិត្តអង្គភាពទាំងមូលឱ្យតាំងចិត្តដើម្បីយកឈ្នះលើបញ្ហាប្រឈមទ្វេរដង ពោលគឺការផ្ទុះឡើងថ្មីបំផុតនៃ Covid-19 នៅ Bentiu ក៏ដូចជានៅប្រទេសស៊ូដង់ខាងត្បូងផង ខណៈពេលដែលកំពុងបំពេញភារកិច្ចជួយគាំទ្រផ្នែកសុខាភិបាលរបស់តំបន់ក្នុងបរិបទដែលចំនួនករណីជំងឺកើនឡើងទ្វេដងដោយសារទឹកជំនន់ ក៏ដូចជាកង្វះបុគ្គលិកពេទ្យផង។
ថ្លែងមតិក្នុងពិធីនេះ មេបញ្ជាការនៃកងកម្លាំងរក្សាសន្តិភាពវៀតណាមប្រចាំនៅស៊ូដង់ខាងត្បូងបានផ្ញើការសួរសុខទុក្ខ និងអបអរសាទរឆ្នាំថ្មីឆ្នាំ ២០២២ របស់គណៈកម្មាធិការបក្ស និងមេបញ្ជការនាយកដ្ឋានជូនចំពោះបុគ្គលិកមន្ទីរពេទ្យទាំងអស់។ លោកវរសេនីយ៍ទោ Pham Tan Phong បានវាយតម្លៃខ្ពស់ចំពោះសមិទ្ធិផលឆ្នើមរបស់អង្គភាពក្នុងគ្រប់វិស័យទាំងការងារវិជ្ជាជីវៈ និងកិច្ចការបរទស ដែលបានរួមចំណែកបន្សល់ទុកនូវចំណាប់អារម្មណ៍យ៉ាងខ្លាំងក្នុងដួងចិត្តមិត្តអន្តរជាតិ ក៏ដូចជាប្រជាជនមូលដ្ឋានអំពីរូបភាពដ៏ល្អរបស់កងទ័ពប្រជាជនវៀតណាម ហើយទន្ទឹមនឹងនោះក៏បញ្ជាក់ពីការប្តេជ្ញាចិត្តរបស់វៀតណាមក្នុងការរួមចំណែកដល់សន្តិភាពពិភពលោក។
![]() |
ពិធីគោរពទង់ជាតិដ៏ពិសិដ្ឋនៅស៊ូដង់ខាងត្បូង។ (រូបថត៖ NLD) |
ក្នុងឱកាសនេះ លោក Pham Tan Phong បានប្រគល់រង្វាន់ដ៏ថ្លៃថ្នូរបស់មេបញ្ជាការស្ថានបេសកកម្មដែលទទួលស្គាល់ការរួមចំណែកដ៏ឆ្នើមរបស់អង្គភាព និងបុគ្គលនៃកងពេទ្យកម្រិត២ លេខ៣ ក្នុងឆ្នាំ២០២១។
គួររំលឹកថាក្នុងឱកាសចូលឆ្នាំថ្មី កងពេទ្យកម្រិត ២ លេខ៣ បានបំផុសចលនាដាំដើមឈើឆ្នាំ២០២២ ក្នុងទូទាំងអង្គភាព។
![]() |
លោកវរសេនីយ៍ទោ Trinh My Hoa (អង្គុយកណ្តាល) រួមជាមួយយោធិននារីនៃកងពេទ្យ ដាំដើមឈើនៅក្នុងកងពេទ្យ។ (រូបថត៖ NLD) |
ថ្លែងមតិក្នុងពិធីបំផុសចលនាដាំដើមឈើ លោកវរសេនីយ៍ទោ Pham Tan Phong បានអះអាងថា៖ “នេះគឺជាសកម្មភាពដ៏មានអត្ថន័យ ដែលរួមចំណែកក្នុងការកសាង និងលើកកំពស់បរិយាកាសរស់នៅរបស់កងពេទ្យ ក៏ដូចជាផ្សព្វផ្សាយគំនិតរបស់ហូជីមិញ និងវប្បធម៌ដាំដើមឈររបស់ប្រជាជនវៀតណាមទៅកាន់មិត្តអន្តរជាតិ”៕
មតិពីមិត្តអ្នកអាន