ក្នុងរយៈពេល ៩ ថ្ងៃជាប់ៗគ្នានៅដើមខែតុលាឆ្នាំ ២០២១ កម្ពុជាបានកត់ត្រាករណីឆ្លងជំងឺកូវីដ ១៩ ស្ថិតនៅកម្រិតទាប ពោលគឺមានតែប្រមាណ ២០០ ករណីប៉ុណ្ណោះក្នុងមួយថ្ងៃ។ ប្រការនេះបង្កើនក្តីសង្ឃឹមសម្រាប់លទ្ធភាពនៃការបើកដំណើរការសេដ្ឋកិច្ច-សង្គម ពេញលេញឡើងវិញឆាប់ៗ។
នៅក្នុងសេចក្តីប្រកាសមួយនៅថ្ងៃទី ៩ ខែតុលា ក្រសួងសុខាភិបាលកម្ពុជាបានបញ្ជាក់ពីការស្លាប់ចំនួន ២៣ នាក់បន្ថែមទៀត និងករណីឆ្លងជំងឺកូវីដ ១៩ ចំនួន ២២០ នាក់ក្នុងរយៈពេល ២៤ ម៉ោងចុងក្រោយនេះ។ ដូច្នេះគិតត្រឹមថ្ងៃទី ៩ ខែតុលា កម្ពុជាបានរកឃើញអ្នកឆ្លងជំងឺកូវីដ ១៩ សរុបចំនួន ១១៤,៥៧១ នាក់ ក្នុងនោះ ១០៧,៣៧៦ នាក់បានជាសះស្បើយ និង ២,៤៨២ នាក់បានស្លាប់។
ការចាក់វ៉ាក់សាំងការពារកូវីដ ១៩ ជូនប្រជាជនកម្ពុជា (រូបថត៖ Reuters) |
នៅក្នុងសេចក្តីប្រកាសមួយនៅថ្ងៃទី ៩ ខែតុលា ក្រសួងសុខាភិបាលកម្ពុជាបានបញ្ជាក់ពីការស្លាប់ចំនួន ២៣ នាក់បន្ថែមទៀត និងករណីឆ្លងជំងឺកូវីដ ១៩ ចំនួន ២២០ នាក់ក្នុងរយៈពេល ២៤ ម៉ោងចុងក្រោយនេះ។ ដូច្នេះគិតត្រឹមថ្ងៃទី ៩ ខែតុលា កម្ពុជាបានរកឃើញអ្នកឆ្លងជំងឺកូវីដ ១៩ សរុបចំនួន ១១៤,៥៧១ នាក់ ក្នុងនោះ ១០៧,៣៧៦ នាក់បានជាសះស្បើយ និង ២,៤៨២ នាក់បានស្លាប់។
គួរបញ្ជាក់ថា នៅក្នុងកិច្ចប្រជុំរបស់ទីស្តីការគណៈរដ្ឋមន្រ្តីកម្ពុជានៅថ្ងៃទី ៨ ខែតុលា សម្តេចតេជោ ហ៊ុនសែន នាយករដ្ឋមន្រ្តីនៃប្រទេសកម្ពុជាបានមានប្រសាសន៍ថា ក្នុងរយៈពេលពី ១០ ទៅ ១៥ ថ្ងៃខាងមុខ ប្រសិនបើស្ថានភាពឆ្លងថ្មី និងស្លាប់ដោយសារជំងឺកូវីដ ១៩ ស្ថិតនៅកម្រិតបច្ចុប្បន្ន គឺដល់ពេលវេលាដែលកម្ពុជាត្រូវបើកដំណើរការសេដ្ឋកិច្ច-សង្គមឡើងវិញលើគ្រប់វិស័យហើយ។ តែទោះយ៉ាងណា ជីវភាពរស់នៅក្នុងស្ថានភាពប្រក្រតីឡើងវិញមានន័យថានៅតែត្រូវគោរពវិធានការបង្ការការរីករាលដាល។
គួររំលឹកដែរថា អាជ្ញាធររាជធានីភ្នំពេញនៅថ្ងៃទី ៩ ខែតុលានេះបានចេញសេចក្តីជូនដំណឹងលម្អិតស្តីពីយុទ្ធនាការចាក់វ៉ាក់សាំងទី ៣ ជូនប្រជាជនដែលចាប់ផ្តើមពីថ្ងៃទី ១១ ខែតុលា។ ដូច្នោះហើយ ប្រជាជននឹងបានចាក់វ៉ាក់សាំងការពារកូវីដ ១៩ របស់ស៊ីណូវ៉ាក (ចិន) ដោយឥតគិតថ្លៃ ហើយត្រូវផ្តល់ឱ្យយ៉ាងតិច ៤ ខែបន្ទាប់ពីចាក់លើកទី ២៕
មតិពីមិត្តអ្នកអាន